¹ Oledadi-oledadi, pabei ategu monno tabaya barra Mori tagu ghidda neghe ga'i ghidda patuluda. ² Niawe, zauwa kolege bersaksi tentang ghidda bahwa ghidda terrege semangat tagu Mori, takka indah berdasarkan barra padde a dua. ³ Niawe, ghidda da paddekige duai Mori monno berusaha menegakkan adua ghidda douna, ghidda da kaghodoki barra duwai Mori. ⁴ Niawe, karittu ghetti bonnuna Hukum Taurat a jadi dua tagu setiap ata a waige. ⁵ Musa natulissa tagu adua ne wali na Hukum Taurat, bahwa ia ata a rawige adua berdasarkan hukum a moripa olena. ⁶ Takka Nia adua a wali atewai paneghe taguna neghe, " ammana paneghe barra ate waimu,' garrai a ne penne ne sorgadana?' Artina, tagu ghidda karittu burru. ⁷ Atau ' garrai ne a burru ne ngaba maut?' Artina, tagu ghidi karittu penne wali tillu ata mate. ⁹ Niaka neghe ngadamu yemmi mangaku bahwa Yesu neghe Maramba, monno waige ne barra atemu bahwa Mori pakede Nia wali tillu ata mate, yemmi a tulumi. ¹⁰ Orona ne ate, ata jadi waige niaka kolege adua; monno waina ngada, ata mangaku niaka kolena toleka. ¹² Niawe, da'iki abeda netillu ata-ata Yahudi monno ata-ata Yunani; Maramba ne ia niado Maramba togu ngarakua, a berlimpah pote tagu ngarakua ata a kawaro barra-Na. ¹³ Niawe, "Ngarakua ata a kawaro barra ngarai Maramba ne patuluda." ¹⁴ Takka nia, peina ghidda a kawaro barra Nia ne ghidda dappa percayada? Monno, peina ghidda kole waige barra Nia a dappa pernapoda ghidda renghewe? Monno, peina ghidda kole renge, niaka da'iki a tekiwe -Nia? ¹⁵ Monno, peina ghidda kolege baghidiwe-Ne, Niaka ghidda da utuske? Zama gha'ige patulissa: " Betapa indahnya gha'i-gha'i ghidda a mai ghidi kabar adua!" ¹⁶ Niawe, da'iki ngarakua a dekuge kabar adua netti niawe Nabi Yesaya paneghe, " Maramba, garrege neghe pa waida barra berita neghe paregheda wali yemmi?" ¹⁷ Niaka, atewai dadi wali pareghe, monno parenghe ole Li'i Karittu. ¹⁸ Takka zauwa tuawe, " Appa ata-ata netti dappa regheki?" Tenth ghidda reghewe niawe, "Li'ida ghidda dukki ne ngarakua ponnu, monno patekida ghidda dukki ne kadukka-kadukka ponnu tana." Mazmur 19 :5 ¹⁹ Niawe, zauwa paneghe, " Appawe bangsa Israel paddege pata?" a ullu, Musa paneghe, Zauwa ku pakedewe cemburumu barra ghidda a da suatu bangsa, monno kedewe banimu barra bangsa a bodok." Ulangan 32:21 ²⁰ Monno neghe berani, Yesaya paneghe: " Zauwa patobokada ghidda a da ghega zauwa; Zauwa paouda wekina barra ghidda a da tuwaga tagu Zauwa, Yesaya 65:1 ²¹ Takka nia, tagu bangsa Israel Nia paneghe, " sepanjang lodo Zauwa a ulurkan limma-Gu barra bangsa a ta deku takkage monno mbantah."