Alla Wallenadanga Mawik Ata PapedeNa ¹ Mapalegewe nauwa matut trawa, "Nada kawe Alla baha tikaladi ana-susNa? Walle na dadi mawebag tikaladi! Nauwa, dauka wuwa ata Israel, walla wuna Abraham, kawali ta kabihu Benyamin. ² Alla walle nadadi mawe bana widaladi ana sus-Na, talanga hapedena kawani tawunage, Agawe miyo agawe patakna hurata bihha bahanewe tut na Elia, tamrage nyiyo bana padikidi Israel tabarai Alla? ³ Mori, yidda dapa mate begudi nabi-nabiMu, yidda dahegara begudihina dautunda maraka tabaraMu, loppo nauwa daupenawu ata kamorhaho, loppo yidda kama hamatei lidaga. ⁴ Tanyiduwe, agawe balehana Ilahi pajiji tabarada?"Nauwa enga ngag tana hodi pitRata ata tutu gu ai kakal kangah kaga kangan tadage kaharai baal." ⁵ Tauda jalage inna batauge, dadi yidda papeda dokge mana waRa. ⁶ Tanyiduwe, nyibawai kage manawaRa, nyiwale oro parajida'mawe, nyi baoro manawe, wale hil pangaramage manawara. ⁷ Njiwe batauge? Ata Israel walakadadi mawe bada kolege agawe pamajegada, tanyiduwe Jida bapedege tanamu kada kolege, tamrage rade wadeka nakatoge ateda. ⁸ Orode badage kamatolha: "Alla nadadi jala waddi durangodo, matada yidda walle na etamai, loppo kalilda yidda walena range mayi kaha ladonehe." Ulangan 29:4;Yesaya 29:10 ⁹ Loppo Daud hapaneweHaikad'la meja pakula bihada yidda kawukawehira loppo dibba, loppo wuwe wat widda, nyiwe gabage tutda yidda. ¹⁰ Haikadi matada yidda papagta dadi tannamu yidda illa da eta. loppo baleda yidda loppo kahangda yidda nakabut panga ngatadi." Mazmur 69:23-24 ¹¹ Nyiwe batauge nauwa matutrawa, nadadiwe yidda bada widda tanam kada buka? Katau takka nage! Tanyiduwe, oroge palaida yidda, tolka mane mara amge kadara da ngara dukana ata aika ata Yahudina, tanamu kana dadiwe bada kawina. ¹² Oroge, nyiwe palaiga yidda nadadi dawe potedangage tutge panu tana, loppo aihakoleda yidda nadadiwe poteda tutda kabihu ata aika ata Yahudi, palegewe rehida hoge pabandangage yidda! ¹³ Inna batauge nauwa panewewa tabaramu, tangami kabih ata aika ata Yahudina, oroge nauwa bawuwe rasul tutna kabihu ata aika Yahudi, hawakana mana dage paha nukugu, ¹⁴ Tannam nauwa kagrai dage ole baigu ta bihu gu kaha pahhawe ateda, tanam patukayi bapirai ata wali yidda. ¹⁵ Oroge, tangage bada tubarawe yidda dajalage pamoldanga nage pantana, aga'ka gauge pahibada yidda dukka dahege walta morha tajongada lara kabada mate? ¹⁶ Nyiwe roti kawungana na bihamadi, tangage adonan engage bana bihha madge. loppo tangada kalartana nabiha madna, loppo tangadi kahanga-kahangana nabiha madna. ¹⁷ Tanyiduwe, tamrage bapiradi kahangana kole bapatayi, loppo miyo, kameradana kabada dama damige kalunga aikabata tomage paullayi tabarada yidda loppo enage bada kolena padauda tatil kalarta loppo ruheta puhaitun, ¹⁸ Illana da kawebam wutogom bam orodi rada kahanga'di. Tanyiduwe bamwu togomi, namkiwela walle mima katujai kalarta tanyiduwe kalarat nyiyo katujam miyo. ¹⁹ Engage miyo nadadiwe bampanewemi, tangadi kahangadi bapatayi tannam miyo kama dadiwe bapawunu." ²⁰ Nyiwe natena we, yidda mapatayi oro aipa tenada yidda, tanyiduwe miyo dede didarami oroge tatena, illamu wutogomi, tanyiduwe madau tamila. ²¹ Oroge nyi Alla aina manawaradi kahanga -kahanga puge, Nyi daua lena manawara magim miyo. ²² Nyiwe Oroge nedo, pamatarage la dahhana loppo bannai Allah; Banna tabarada yidda naka bada monu, tanyiduwe dahha-Na ta barami ba engam miyo ta tillu dahha-Na. Ba nyi walleka, miyo dummo engage ba tuplami. ²³ Monno yidda dummo, batauna yidda bada enga hakitana tatillu aipatena 'da, yidda enga baha dikkimi oronagei Allah naka kuwahadi yid'da tutge hadikkidi haggadi yid'da. ²⁴ Oroge, nyiwe miyo badda hatuplami wali agawe naka damma mema Nyiduna nada pu Zaitun aiha baiyi loppo paha dikki ta dihha pu Zaitun ha mulla dauwu, naka kaha gabba waige kanogomu, walle rehi walkaghoge yidda naka wali taka hanga dauwuna enga ha dikkini ta pu Zaitun dauwu'da? ²⁵ Oroge, bagu ole baigimi, nauwa waleg awumawa miyo aim tadawe rahasia inne tannam miyo illam yapugaukage dauwu bam tadawu, oronage ukku kanogo katakku watu badda tama benadi rade wadeka ata Israel kahha bana dikkiwe rahge bana tutuyi bangs-bangsa wadeka ²⁶ Nyiwe battage, ngara dukkana ata Israelenga ha pa tolka manemarayi . kutujjana ka da'na kama tolha, ''Ka ngala haggada enga ammin wali ta Sion, monn Nyiyo enga hikkalage aika mayanna wali tayi Yakub. ²⁷ Monno inne nyiwe ha ja'ji Gu tabarada yid'da, ba inna Nauwa keketayi waali ta doku - jala'da yid'da, '' Yesaya 59:20-21; 27:9 ²⁸ Dokuge Li Ege Ate, yid'da na dadi muhhu ta jongam miyo, tanyiduwe dokuge mapede, yid'da na da'di ata-ata pamanawara oroge Ama weda waika'da yid'da. ²⁹ Oronage Kanyurruh loppo kamaikana nai Allah walle na dadi mawe pa pattuwe. ³⁰ Oroge, katauna miyo ulge aikaha doku tabarana nai Allah, tanyiduwe na ba tauge badda hibbawe biktawe manawara aiha doku mane'da yid'da; ³¹ Tauda jallage yidda batauge walle da li bawa ma tannam mu manawara nai Allah naha bad'da ha yiyo tabara mu yidda dummo enga koledage bigta manawara. ³² Oroge, Allah badda hayannadi yid'da tangngada ta tillu aima nudu- manono tannam Nyiyo da'di we patingngoge bigta manawarana tabara tangngana ata. ³³ Oh, walle anamanagge kiddige majabollana maniuwolla paha ngadda Nai Allah!Bataukallage walle ingta magge mayegage papustana loppo walle ha waumayi tangngadi lara-Na. ³⁴ "Oroge, iyayi katadanage pahangadda Nai Mori? ai walleka, ba iyayi ka yini li ha akka ? ³⁵ Ai walleka, iya beiyi ka badda yini ba agaduyi ta bara Na, monno kanna tau jelu Nyiyo?" ³⁶ oro ngara dukkage ka wali dayi ta bara Na, lohho Nyi dauwu, monno tabara dau Nage.Ta barana Nyiyo kamanadana kahha kalwali-kalwali! Amin.