Tolka Mane Mara Duka Dahege Inne'Lari Taha Tema Tabaranai Yesus Kristus ¹ Olebai-olebaiyi, naha bai ategu mono sembayangugu Tabarai Alla tiga yidda tanam yidda kaha tolkadi. ² Oroge, nau kolege halanawe tutuda yidda orage yidda kahala gahara tutugei Alla, tanyi dawe walana hakappe daamawe tabara hata dana katena. ³ Oroge, yidda waledatadaa mawe tabarai Alla manno ran ge hakadewe inne katena tutu dauda yidda katena, waleda lidawama tabarage tena tai Alla. ⁴ Oroge, Kristus nyi Duna kapanwe ukpareha Taurat nakadadi katena tabara datangana ata kaha tena. ⁵ Musa natulhawe tutuge tutu ge katena nakawaali larita uk pareha Taurat, oroge nadewata kaha kakowe katena hakapege hoku enga marhage tutuge. ⁶ Enga nyiduwe, katena kawali inne lari tahatena matakwe katauja dana, "Illam hanewewu larita atemu, 'Ia dakayi na kapana lo sorga?' Ngihige tutu malanar gani Kristus buru. ⁷ Nyi yakayi nakaburu talirra mate?' Nyi hige, tutu marangani Kristus wali tajonga ata mate. ⁸ Tanyiduwe, agawe me hatakna?" Li dage dahewe tabaraMu, nyi duwe inne lari tabamu mono nalari ta atemu." Nyiwe nahataki hatena nami paha laramu ⁹ Nyi bawai kage bamu miyo mangaku banadei Yesus nyinai Mori, mono hatena inne larita atemu orogei Alla hakadei Nyi yo wali tajonga at mate, miyo engam tolka mane maram ¹⁰ Orowaige ate ata nada diwe atena lodoge kalage katena; monno waige bayo ata mangaku lodege kalege tolka mane mara. ¹¹ Oroge jurata bihha naha newe we, "Ia domayi kaha tena Tabara Na enga nyi dummu we aiha maka yi." ¹² Oroge, wale laama kahekana tajonga ata-ata Yahudi monno ata-ata Yunani: Mori kawana Nyi dumo Mori tanga kahage, kaban na maja'bola kabara tangada ata kawula tabara-Na ¹³ Oroge, " Tangana ata najawula lari tangarahai Mori mangadaha tolkayi." ¹⁴ Tanyi duwe aga nada kawe yidda beda kawula tabarana-Nyiyo ai paha tena hada yidda? Manno, agalina daka we yidda bada kolege hatena tabarana-Nyiyo aiha kali range hoda? Manno, aga linaa kawe yidda kolege rangewe, ba ai laka kahha tomana nage? ¹⁵ Manno, agalina kawe yidda kolage hakakona we, nyiba yidda ai ha lewayi? Katujana kana kama tulha:"Haka deloyi ledu ledada yidda ka amna ngiduwe li ege ate!" ¹⁶ Nyiduwe, wale tanga amana ata dukage li ege ate nedo oroge rato Yesaya nahanewe, "Mori, ia kayi nakabada atena tabara inna li habada range beda wali tanami?" ¹⁷ Bege, hatena na hudawe wali barangewe, monno barangewe ledege linai Kristus. ¹⁸ Tanyiduwe nauwag hanukawe "Darange bewe rade ata-ata wale darange na hanewe?" Yidda angada rangewe oroge, "Lida yidda nadiki bewe taha galla panu tana, monno hatakda yidda nadikki bewe hupu-hupu tana." Mazmur 19:5 ¹⁹ Nyiduwe, nauwag takiwe, "Nyi walleda yappamawe rade ata Israel?" Kadihana, Musa naha newe, Nauwa enga hakadewe kawimu tabarada yidda na'da aika wukadihha, monno naha kadeguge banimu tabara kabihu kabana." Ulangan 32:21 ²⁰ Monno waige bani, Yesaya nahanewe: "Nauwa da tabokawa yidda nada aika mayegaga nauwa; Nauwa nauwag hadedala wikigu tabarada yidda aika kanuka tateng nauwa, Yesaya 65:1 ²¹ Tanyiduwe, tut da kabihu Israel nyi na hanawe, "Taralalado nauwa hajolad limmagu tabarada kabihu nada aikaha dukka monno kagabage."