(Kalingora Pareha Raja Rata Dauyo) ¹ Bewalge, nauwa ug etayi malaikat burru wali ta surga, na ngidiwe kuhi lirra mate mono gayu kalarri bahi madaka ta limana. ² Nyi nayapayi galara nada, Kaboko Katuna yikna Kabalka mono pajode, mono na kattini ka rata dauna, ³ tubani lari ta lirra mate, toniyi, mono kuhiyi dajalage nyi ilna hajalora kabihu ata wal lage, kahha rata dau nada ba kapodiwe. Kole inna, nyi enga pahala tudduyi. ⁴ Loho, nauwa ug etawe hadau ngodo mono ta panuna ngodo ata ha yiyo tagu tutu yidi rakada. Nauwa ug etayi urrada ata hatebo katakkuna oro ngaranai Yesus mono oro linai Allah, mono yidda aika kangakkani ranga nadda waleka hala hatauna mono wale hibak mayi tda ranga nada ta kubu matana waleka limmada yidda. Yidda morha hagga mono hareha ole dangani Kristus ka rata dauna. ⁵ Ta nyiduwe, ata kamate wadeka waleda hilu morhakma lage ai diki kahoge rahi karata dauna inna kapodiwe. Inna yiwe kadde kawungana. ⁶ Naka nyuruwe mono tengugela ata ka kolena hadauna lari ta kadde kawunga inna. Tabara ata radde, mate haduda wai wale da kalubbu madi, tabolo yidda enga dadi rato nadi Allah monoi Kristus, mono enga hareha ole danga dani Nyi ka rata dauna. (Bakkenai Kabalka) ⁷ Kole rahi karata dauna kapodiwe, kabalka enga pahalayi wali ta gallu. ⁸ Nyi enga kakona ha jaloradi ata ta pata hadda panu tana,Gog mono magog, mono kahhayi yidda kaha tau. Butada yidda tujai paha lai ta bannu. ⁹ Yidda panne ta kalija panu tana mono kiloradi hadauda ata tenguna mono harona ha manawarada. Tabolo, latti buruwe wali ta langta mono ha karhadi yidda. ¹⁰ Lohho, Marap u kaha jalora beyi yidda baitadi ta bannu latti mono kajuju jawa, neda balila ranga mono nabi paleka nada dumo baitani. Yidda enga hamayillayi laddo mono gaddi kaha ana murri. (Yige Rakage Ta Aro Hadua Ngodo Kaka) ¹¹ Kole inna, nauwa etayi hadau ngodo kaka ka madakka mono Nyi ka ngodo ta pnuna, wali ta aroNa panu tana mono langta bungawe mono wale hilu tabo kak mawe lage hadau tubada yidda. ¹² Mono, nauwa ug etayi ata kamate, kama dakka mona kamaraha, dede ta aro hadau ngodo inna. Loho, na bugeradi jurata mono jurata wadeka, halinawe jurata moriha, mono ata ka mate rada enga yidi rakada dokuge agawe kama tolha lari ta jurata rada, dokuge harayida yidda. ¹³ Bannu nayiyi ata kamate kadana neda bali, mate mono Hades dumo na yijalayi ata kamate kadana neda bali mono yidda yidi rakada, diha-diha dokuge harayida. ¹⁴ Loho, mate mono Hades baitadi neda lari ta bannu latti. Yiwe inna mate haduda wai-- banu latti. ¹⁵ Nyi nada wu ata ngarana aina matolhawe lari ta Jurata Morha, nyi enga baitani lari ta banu latti inna.