(Ata Buta Ta Surga Daikayi Allah) ¹ Be inna, nauwa ug rangewe liyo kadahhaki tujayi kangote buta ata ta surga ka linna, " Haleluya! Hoila, manada. mono dauge pareha nyiwe hadauna Allah da yitta ² oro bana yige rakage Nyi tenawe mono tijage; oro Nyi na rayi bedi tijada lawai parata madakka rada, ka hegarage panu tana waige bokala manyarhan, mono naha gaba bege rayo ataNa ta lawai parata nada." ³ Ha duyo wudda waina, yidda lidage, "Haleluya! Hammu lawai parrata rada panne hakira bena kaha ana murri." ⁴ Loho, kaduda kabulu patana bai ata mono kapatana ranga nada kawojo mono katabani Allah, ka ngodo taha dauna, waige balina, "Amin! Haleluya!" ⁵ Bewalge, rangewege liyo wali hadau ngodona, " Daikayi Allah da yitta, ta miyo tangami kaha nukuyi Nyi, kamarraha mono kama madakka, kaha akani Nyi!" (Haulla Haummana Ana Bebbe) ⁶ Loho, nauwa ug rangewe liyo katujana kama kahha ata buta, tujawe punyi weyo bannu, mono tujawe punyi kagurka ai ka anana, linage, "Haleluya! Oro, Mori Allah da yitta kaha bikta parehana kaha reha. ⁷ Maida yitta lagahara mono lagebora, mono yiwe manadana tabaraNa oro laddo nehe haummana ana bebbe na diki bewe, mono lawai hapahanNa naha ha inyakabe. ⁸ Tabarana yibeni hingi kaba talujjana kamuraha mono manadana, kapiku waige oro hingi kaba talujjana inna yikwe harayi katena harayida ata tenguna." ⁹ Bege, malaikat nada linna tabaragu, "Tolhawe inne: 'Kanyuru kanagana ata paha lehu ta yayo ha ummana Ana bebbe!"' Mono, nyi lina walige tabragu, "Inna yiwe hatakkigu katena wali tai Allah." ¹⁰ Loho, nauwa kawojowa ta leduna malaikat nada tu kangak kani nyi. Tabolo, nyi linage tabragu, "Ilam rayi kage inna nauwa dummo ata naga tujau dummu mono angu wumu ka jurtawe taha delakani Yesus. Katabani Allah oro padelakanai Yesus yikna waddi huru bale." (Ka Kalete Jara Kaka) ¹¹ Bewalge nauwa ug etawe surga mabugera, mono hudda wu jara kaka; Nyi kangodo ta bedona ngarana Mikku mono Tena, mono lari ta tenana Nyi kayige rakage mono hatauyo. ¹² Mata Na tujai rewo latti, taka takkuNa butayi kataupana, mono dage ngarana kama tolha, wale wu hingmana ata katadawe, dukage tau dauNa. ¹³ Nyi na waina kalbe madakka ha nyaklabe lari ta rayo, mono ngaraNa yikwe Linai Allah. ¹⁴ Tangada ata kaha tau kadana ta surga dokuni Nyi waige bana kalete jara kaka mono waina kalabbe kaba talujjana ka kaka mono kamuraha. ¹⁵ Wali ta baNa, huge wuyo katopo katama ha wai ba paluyi tangada kabihu ata. Nyi enga harehana tabarada yidda waina takko bahhi. Nyi enga pahlana anggur lari ta watu kapaiyi, yikwe but atenai Allah ka bikta parehana. ¹⁶ Ta kalabe madakkana mono kahengaNa namatolhawe ngara inna : RAJA TANGADI NGRA RAJA MONO MORI TA TNGADI NGARA MORI ¹⁷ Bewalge, nauwa ug eteyi wu malaikat dede lari ta mata laddo. Nyi na wangtawe kawulana tabara tangada kawuruna kawurna ta langta," Maida, makhha kapiku dokuna yayo taha kulla madakka nai Allah, ¹⁸ dajalage miyo dadiwe yayo kahila tangada raja, kahila tangada pa ama tentara, kahilada ata kakulha, kahila jara mono yidda ka ngodo ta panuna, mono kahila tanagdi ata, ba ata kamalogayi lohho dummo ata hoila, ata maraha lohho dumo ata madakka." ¹⁹ Loho, nauwa ug etayi maduyo nada mono tangada raja ta panu tana lohho ata kahatauda yidda ma ybla kapiku hatau gabani Nyi ka ngodo ta kabedo jara kaka nada mono gabadi tentaraNa. ²⁰ Nyiwe, ranga nada yapayi, oleni nabi paleka kaha dadi bege tada paha ngatara danga ta aroda ranga radda, waige katauna nyi naha jalorayi yidda kahiba bewe tada ranga nada mono yidda ka ngakkani hala hatauna. Yidda tangada baita hamorhadi lari ta bannu latti karewo oro kajuju jawa. ²¹ Mono, karehi hamateyi waidi katopo kahuna wali ta bana Nyi ka ngodo ta panu kabedo jara kaka nada mono tangada kawurruna da bokta waidi kahilada yidda.