Yesus Wallehibbamaiyi Tahha Rona Dawuna ¹ Yesus nakako wal nim baali monno nadikki hadauwalna, ana hakodo ana halole-Na kadoko-Ni. ² Kole bana dikki ge lado rahi ngahu, Yesus halegenage hanuwana ata Tasinegoge, monno, ata buta karangei-Nyi daha ngatra, mono lidage,” gidau walge-Nyi bana koledi tangadi rada? Angta wal gihingge bayinage tabara-Na monno mujizat-mujizattauna paraiwai limma? ³ Walle tukang yayikaduyi, ananai Maria, mona walle olebaikanadi Yakobus monai Yoses mona Yudas, Simon? ⁴ tabalge, Yesus nadage tabarada," gi-hiyo ata damanutai ata nade wu'u nabi, helege hindau wali dauna, mono nedo ta tilu ole baina, mono tauma dauna.? ⁵ Begge, Yesus walena dadimage bana raige kamanadana nedo bali, helege bana taudadi lima-Na rada kapirana ata kalawara mono nahatagahai yida. ⁶ Mono, Nyiyo nahangatara oroge ai hatenada yida. Tamurge nedo'ge, N-yiyo nakako na woletana harona-harona mono nahanua. Yesus Halewa Naddi Ana Hakodo Halolena ⁷ Tabal'ge nedoge, Yesus naka maikadi kabulu dudana ana hakodo ana lolena manna halege bana halewa yi yida duda -duda, monno mana yidi yida hareha tabarada ta wadd japata. ⁸ halegewe, nyiyo manna yidi hareha tabarada yida tanam yida iya da ngidka aga-agana tatil kako, helege duka dehege takko, nyamana kababa, nyamana tas, nayamana amaha,kat bageda yida ⁹ waina kopa ledu monno nyamana hawaina do balla kalabe. ¹⁰ monno, Yesus lina dage tabarana yida,"gihing dau tamami dihha wu umma, engana nedo bali kaha bam huna wal nedo. ¹¹ be'ge, badaka hadau eika ka hibami monno ai ka range gimi, nyi bam kakomi kabahai la kabbka wal ta ledu mi kadiha wuwe tajka tabara yida." ¹² Mahalegewe ge, yida da kako monno da katalarage oro nage ata-ata kada jarra. ¹³ Be'ge, yida da wugayi murtana buta monno na urapi ata buta kalawara waina minyak, monno da hatagahayi. Herodes Narangngewe tuttunaiyi Yesus ¹⁴ Monno, Raja Herodes kole bana rangewe, oroge ngarana Yesus bana kabokawe monno ata bana hanewe," Yohanes pembamtis kade benage wall ta jonga ata mate, be'ge harai kama nadana rai ulla we ta bara-Na." ¹⁵ wade lida ge, nyi nade Elia."Nyiwe, wadeka da takwe" nyi nade diha wu ata Nabi. ¹⁶ tabolo, mana hakole harangewe Herodes tut ge, lina dage,"Yohanes be halai katakkna, kade haga benage!" Yohanes Pembabtis Daha Matei ¹⁷ nyi dau Herodes kaha lewa ata, kaha rehayi tanam kayapa yi Yohanes, monno kapoka yi ta gall oro nai Herodeas, ole umma na ole bai kabanina, Filipus, oroge Herodes bana Nikah dangani Herodias. ¹⁸ oroge, Yohanes na pirra wudage bana takna ge ta barana Herodes,"Wanna tena mawe bam ngala yi ole umma ole bai." ¹⁹ oro nage, Herodias na ijalawe bud ate na tabara na Yohanes monna ma ge baha matei, tabollo wana dadi mawe. ²⁰ Oroge Herodes nama dauta ni ta barana Yohanes kole bana tadawe oroge Yohanes ba wu ata hatena monno ata muraha, hamawoni. hakole banna range we Herodes Yohanes, nyiyona ngade we hangada gu, tabolo Herodes dahawe atena bana rangewe Yohanes ²¹ nyi batauge dikna ge lado katut, oroge Herodes ta lado rah dadi na naha dadige diha wu perjamuan ta barada pejabat-pejabat madesta , perwira-perwira, monno pemimpin galilea. ²² nedo bana tama ana lawai na Herodias bana tama monno nedo, nyiyo naha hadaha nage atena Herodes mono nedo kangodo ole danga ni. Monno, Raja na dage ta barana bau winne,"karai dawe aga dahingkayi habaimu monno nawwa yiguge tabaramu." ²³ Monno, Herodes na haura tabarana," Aga hing kakwe haraiyi mu tabaragu, igyidihingguge tabaramu, loppo nehe wadeka kerajaan ig yigugwe." ²⁴ Monno, nado bau wine na kako monna nahanewe tabara inyana," Aga dahowe harai gu" Baleha nage inyana," Katakna Yohanes pembabtis." ²⁵ monno nedo mema na ipota-ipota, nado bau wine na maw tarana Raja monno nada ge,"nawwa yig bai dihingge yi ge ta baragu katakna Yohanes pembaptis ta pan baki." ²⁶ Oro batauda dage nedo ge Raja na milla we atena, tabollo oro tauna monno ata-ata kaya ole dangani, walle na hangadamage ma tullarani nade bau winne. ²⁷ Be'ge Raja nedo mema na hangidna ata albojo waige harehana tanam kangidna ge katana Yohanes, mabe ge algojo da kako monno laina ge katakna Yohanes ta gal. ²⁸ Ta murrge nedo ge, nyiyo na ngidwe katakna Yohanes ta pan baki monno da yinage tabarana bau winne, ma nade bau winne ge na ngidwe ta barana inyana. ²⁹ Monno, ana hakodona Yohanes bada rangewe, yida da mayi dangalanage tauna Yohanes mada taunage ta rate. Yesus Halewa Naddi Ana Hakodo Halolena ³⁰ be'nedo, Rasul damakaha oleni Yesus monno da takwe tabara-Na aga nihing kakwe harayida monno aga dihingwe hanuwada. ³¹ Monno, Yesus na takkda ge tabarada," Mai mi watte wikki mi ta hadauwu kahika monno kamu ngahu tudtomi." Oroge, dadi ata buta kamai monno kako, monno tutyada walle mahiggoma. ³² be ge Yesus Monno ana hakodo ana halole-Na da kako monno dawate wikna waina tena tahadau kahika ³³ Tabollo, ata buta da etai yidda mono datadai yidda. begge, ata buta daha raja malai dabba lida tatana pu'u wali tatangadi harona, mono dadiki nutu bali daulluni Yesus mono ana hakodo ana kalole-Na. ³⁴ Nyiwe Yesus bana kako ta nir hoba, nyiyo naetai kataukala butana ata,mono-Nyiyo namilad ate tabarada yidda datujayi bebbe ai kamangu morna. nyi, Yesus naha legewe hanuwadi tabara'da tutud lihanuwa buta. ³⁵ Kole bada manari gadige, ana hakodo ana halolenai Yesus damai tabara Yesus lidadage," hadau yine hadau kahikawe mono lubenage gaddi. ³⁶ Halewai yidda kako tahaduda kalingorada maloho tadeha-deha yida kada hiyo haya." ³⁷ Tabolo Yesus na baleha,"Yaulah kayidi hayada." Monno, lida bada takwe,"enga dahoge bama kako monno hi kababa kahina dongahu dinar monno na yidi kada yadi?" ³⁸ Yesus lidage bana takwe,"piradi redo kababa kadana tabaragu? kako monno torrola!" lina ge bana takwe,"lima kabba monno duda kaboko." ³⁹ Halege we, Yesus naha lewa kahayi kada ngodo lar ta diha kalibo nedo tan pan ruta moro. ⁴⁰ Ata buta ka ngodo kadiha ngibo dadi kahahna atamonno kalima kabulu ata. ⁴¹ be nedoge, Yesus na ngalayi lima kababa monno duda kaboko, natorro dete ta langta kole bana hanuta yi nyiyo bana habawedi kababa monno na yidi rada ana halole ana hakodona kadayidi ta bara ata buta, nyidomo baweyi, rada duda kaboko ta bara ata buta. ⁴² Monno, tangkahada yadage kaha bada bokta. ⁴³ Tamurge yida dangala kahayi kabulu duda haburra kabanna monno, karehu kaboko monno kababa ⁴⁴ Monno, dadi lima rata kabani kaya kababa. Yesus Nahhataggahaiyi Ata Buta ⁴⁵ Tamurge, Yesus natakwe ta ana hakodo halolena napanne ta tena monno na kako monno na dikki ta hup lai we nedo bali ta betsaida, nyiyo dahalewa ata buta kako haga. ⁴⁶ bana beyi hanau yida,atuni dete ta letena banna sembayang. ⁴⁷ banna luge gadi, tenada engana ta til hoba monno Yesus mehakina ta tana yara. ⁴⁸ Monno, bana beyi eta ana hakodo ana halolena mayila hingwe bada hauppu rereha nadokidi oleda yita Yesus da maikadi yida bada kako ta bal we monno bada kako bada hepuyi yida. ⁴⁹ Tabolo nedo bada etayi Yesus bana kako ta pan weyo bana habalina manyi ma bege bana kawula. ⁵⁰ Mabege nedoge tang kahada bada etayi Yesus monno da ma dautani.Belage Yesus naha newe tabarana, monno lina ge bana takwe," Kadanamla nawwa nehe" iya madauta kam ⁵¹ Halegewe, nyiyo bana panne ta pan tena, monno na harere hana na hanawana, monno yida da bangara ⁵² yida wana yapamahowe tut ge Mujizat lima kababa oroge ateda yida enga hoge bana kawatoyi. Yesus Menyembuhkan Banyak Orang ⁵³ Oroge halegehewe Yesus, monno ana hakodo ana halolena bada pala, ge nazaret mono berlabu ⁵⁴ kole bada bur wal ta tena,redo ata dageha tada mayi Yesus, ⁵⁵ monno malai tangage harona monno da halegewe bada ngidiyi ata lawara ta pan kasur, ta gidomono hing dau rangedage tut gid nai Yesus. ⁵⁶ Bege, ba tagidihingnguni dau tamana ta deha-deha, nyi bata kota-kota, nyi bata daerah-daerah, ta'lingorad'da, yidda da'dahabaikad ata talawara tadaurame monno daka raiwe yidda tabara-Na tannam yidda kanaroge lai kalabbeda'kna. Monno iyadummui kajojanage kalabbena na'taggahha.