Wu Ata Kawali Gadara Halohitayi Walita Waddi Japata ¹ Dikdage yida nedo bal tabal hoba, ta tana ata-ata Gadara. ² Banna burrui Yesus walta tena, amminni nade ata walta ta jonga rate-rate ha tamana wadjapata na tabokai Yesus. ³ Nyi hadau engana ta jonga watu hodi. Walle ladama ata kakulha bada katpini, langba rante wi'we. ⁴ Oronage, nyi da bada katti bada koga nadi leduna monna da rantei, tabollo nyi napohtai rantena monna na patai kogana. Walle lama wu ata katut kulhana kahataddolaiyi. ⁵ Lado monna gadi, nyi naka wula nedo tarate monna ta letena-lolana, monna naha pota dauge tauna waige watu. ⁶ Nade ata bana eta dikkorauyi Yesus, nyi nama lai monna naka wojo ta aronai Yesus. ⁷ Lodoge, kawula allanage waige kabohkana banna wula nyi mana haohawe, "Nauwa karaiwe tabaram-Mu waini'i Allah, illam hamayollawa!" ⁸ Oronage, Yesus bada haohawe bena tabarana, "Huna wal nade ta ata, ta yau wadjapata!" ⁹ Lodoge, Yesus manna nukkai nadde ata, "iyau ngarammu?" Monna, nyina na baleha, "Ngaragu Legion oronage nami mabuta." ¹⁰ Nyina nadu-dukaraiwe tabarai Yesus tannam kailla nawugai walta nedo. ¹¹ Inna bal dadi wayi buta katangra ya ta bara letena. ¹² Lodoge, rada wad-wad japata daka raiwe tabarada Yesus, mana hanewe, "Halema nami tabarada rada wayi tannam nami kamma tama tabarada." ¹³ Yesus nangodage haraida. Oronage, wad-wad japata da kako monna datama tabarada rada wayi. Marada wayi ka kamha dorata dama lai nedo ta lirra loppo ta hobayi, lodoge data bullo nedo ta hoba. ¹⁴ Begge, rada ka angudi wayi dama laiyi monna da takdage rada kadana taha rona monna taha rona. ¹⁵ Monna, ata da huna torrowe aga kaba'a dadi. Lodoge, ra ata ammidi tabarai Yesus monna da etai nyi nada hatamana wad japata, kamang legion na, tangra ngodonage, monna bada ba'atauna kalabbe, lohho walle hil ngadema,dahhabe. Monna, yida dama dauta. ¹⁶ Lodoge, yida da eta waige mata agawe na kadadi, dadulkawe agawe na dadi tabarada rada ata, agawe inna kaba,a dadi tabarana nade ata hatama wad japata monna tutda rada wayi. ¹⁷ Oronage nedoge, halege dage rada ata mada karai'i Yesus tannam kanna yeladage nehadauda. ¹⁸ Lodoge, dikki rahige batangrana Yesus banapanne ta tena, nada ata innana hatama wadjapata naha ohawe tannam nyi kaha haini banna oleni Yesus. ¹⁹ Lodoge, Yesus walle napahaimani, malinnadalin tabarana, hagau tabara ole baimu. Dulkadage tabarada agawe naha rainai Mori tabarammu monna nai Mori banna hatingngo manawara tabarammu. ²⁰ Lodoge, nada ata manna kako monna naha legewe banna dulkawe tabarada ata Dekapolis tutge tangage nakadadi haba,a rai'i benna Yesus tabarana. Monna, tangada ata da bangara. Anak Yairus Dibangkitkan dan Perempuan yang Pendarahan Disembuhkan ²¹ Yesus napala pi wal waina tena nut bal, ata buta dama kaha tabara-Na, monna Nyi dani ta nirri hoba. ²² Lodoge, manade wu ata kapalge Sigoge kaangarana Yairus ammani monna kle banna etai Yesus, nyi naka wojo ta koko ledu-Na. ²³ Monna, nyi naha oha takkayi'i tabaranai Yesus, malinna, "Ana lawaiyig kamarraha ho'o banna mate. Mai monna kam ijjalai limmam tangihna tannam nyiyo kan kolegge tagaha monna morha." ²⁴ Manai Yesus na kako marangngani Yairus dadi ata buta kadokuni Yesus monna dakillorani. ²⁵ Monna dani na wu lawaiyi kalawara ra hakitawe kahuna mojage kabullu duda dauwu. ²⁶ Nyiyo badda hapira wuddabenage bana kako ta ata katauna lapa, monna tanggadi dauna nabeyi, tabollo walle lama gauge monna mataba dalmonage kalawara. ²⁷ Kole banna rangewe tutna Yesus na lawaiyi ammini ta baranai Yesus dokuni walta lira ta tillu ata buta monna narronage kalebbe madakna ²⁸ Nalai nahanewe, "nauwa mallig jojanagge kalebbe madakka-Na, nauwag ig tagahawa." ²⁹ bataudage neddo na bunga mema na ra kahuna oro lawarana monna napadage ngihina banna taagaha wal ta lawarana. ³⁰ Yesus napadage banna tadawe waalta ta taudau-Na badage inna bibta hareha kahuna walta tabara-Na. Manna poteranna ta til ata buta monna naha newe: "Iyai kajaja gage inna kalabbe madaaka-Gu?" ³¹ Lodoge, ana hakodo halole nai Yesus mada hanewe tabara-Na, "Yau um etai rada ata bataukalada buta moda dahe-dahera-Gu monna lumdawaliu bam haneweu, "iyai kajojagage kalabbe madakka-Gu?" ³² Lodoge, Yesus manna hamattarad tabara-Na tannam kagtadai baiyai karaige balin-Na ³³ Lodowige, kole banna tadawe agawe kadadi tabarana, na'a lawai nama dauta monna nakare'e. Nyi ammini monna naka wojo ta aronai Yesus lohho natakwe tabaranai Yesus nahalurhawe takwe tangngage na kadadi. ³⁴ Lodoge, Yesus manna hanewe tabarana nade lawai, "Bag Ana-Gu, naha tenammu naha hoilabemwu. Kakouwu maring malala monna kamtagaha walta lawarammu." ³⁵ Tangrahonai Yesus banna hanewe, ammiddi ra kapirrana ata kawalta ta ummana nade kapala Sinagoge malidage badda hanewe, "Anam na matebe. Aha mamrega allahoi Guru?" ³⁶ Tabollo, Yesus walle na auma rangewe agawe hatakda Nyi naha newe tabarana na kapala Sinagoge, "Illam madautaka, hatena dadu'u." ³⁷ Lodoge, Yesus walle napahaimad langba wu'ak ata bada doku-Ni, tabollo rade Petrus, monna Yakobus, monna Yohanes, olebaina Yakobus. ³⁸ Lodoge, yida kole bada dikki nedo ta ummana kapala Sinagoge, monna Nyi na etai kawihhaka, monna rada ata da hoyo monna daka laura. ³⁹ Lodoge, kole banna tamai Yesus, Nyi naha newe tabada yida, "Ahha mam kawihhaka monna mam homi? Nade lakawa walna matemaho, tabollo tangra dura nage." ⁴⁰ Tabollo yida da malhani'i Yesus. Lodoge, Nyi naha lewai kahai huna, monna Nyi namma rangadi amana monna inya nade lakawa, lohho rade ata ka ole-Ni, lodoge na tama tahadau dani na lakawa marraha ⁴¹ Lodoge, manna narronanni limmana nade lakawa marraha monna Nyi naha newe tabana, "Talita kum!" (Ngabege, "Lakawa lawai kamarraha, Nauwa ug hanewewa tabarammu, kadeulah"). ⁴² Nade lakawa lawai mayarritna dede monna naha legewe banna kako-kako, oronage nyi bada kabul duda dau bena, monna tangada rada ata da bangara takka. ⁴³ Lodoge, Yesus nayiwe ha rehana tabara ata tuna nade lakawa tannam ka illa da wu'ak ata katadawe inna kadadi, monna da takdage ta barada tannam nade lakawa kada yini ha yana.