Yesus ta Aronanni Pilatus ¹ Koko kak ge, rato-rato rayi dagage wu makaha oledi bai ata mono ahli taurat, loho tangada sanhedrin. Mono , yida dakatin Yesus dakako ngidiyi, mono haroni tai pilatus. ² yidawe pilatus nakanukayi" yau takkadna Raja ata Yahudi? Yi nabalehawe "Yau um tak dau bewo". ³ lodogege, rato-rato dangidiyi hanewe paleka kaha tak detana tabaranai Yesus. ⁴ bege, pilatus na kanukayi tabarana , " aha yau walem balehawu? pamatarage buta ata, kangidig hanewe paleka bada gabagu." ⁵ tabolo, Yesus walna balehakma yidawe pilatus mana hangatara. ⁶ Badikige lado madaka paskahge, kaldamawe pilatus bana pahuna ata wal ta gallu dokuge haraida. ⁷ Mono, bani kangaranai Barabas katama tagallu loho ata bokala kaha mate ata oro bokalana. ⁸ Ata buta mai kraiwe tai pilatus kana rayige dokug ka kal dama bana rayige tubana yida. ⁹ Mono, pilatus nabalehaiyi lina dage bana hanewe, " gidahingge hakab atemu tabaragu pahoila gimintu tubam Raja ata Yahudi ?" ¹⁰ Oroge, banatadawe rato-rato kayiyi Yesus tabarana oro kawi ateda. ¹¹ Tanyiduwe rato-rato engage bada karuhui ata buta kada karaiwe tai Pilatus pahoilai Barabas. ¹² Yidawe Pilatus kalinage tabarada," Gidahingge, papa hadigu tabarana ata patakkimmi Raja Ata Yahudi." ¹³ Mono, yidage kawulaldage, "kadailonNya !" ¹⁴ Bewalge, linadage Pilatus tabarada, " Aha ? Aga japata hingweNyiha raina ?" Tabolo, yidage ki-ki kawuladage, "kadailonNyi !" ¹⁵ Bana baige pandage hakabateda ata buta, Pilatus pahoilai Barabas tuba yidda, mono bana be palui Yesus, yinan tabarada kadailoni. ¹⁶ Mono, tentara da ngidiy Yesus tama tawuhadau, uma dau yinrakana ata mono damaikad tentara. ¹⁷ Yidawe, "dataun kalabe madaka malmelo" bada kolemayana ge kataupa tara warri, yida dataunage Yesus. ¹⁸ Bege, yida dahadikige maringasa tabarana, "maringna Raja ata Yahudi !" ¹⁹ Mono, yida dapalnage katakna wain pattodo mono datarumiyi. Kawojo tabarana. ²⁰ Bada be paterekai Yesus, laidanage kalabe madaka ka mal melona wal tai Yesus, mono datauhaganadi kalabe dakna, lodoge yida dakako ngidiyi Yesus bada kadailoni. Kadailoni Yesus ²¹ Mono, yida dakaruhui wuata kapalaka, Simon ata Kirena, katamra mai wali tadena, amana Aleksander mono Rufus, kana ditai yayu kadailona. ²² Nyidawe, yidage da ngidiyi Yesus tawu hadau ngarana Golgota, ngara wadege "Hadau katakku". ²³ Yida dayini anggur ka kahana bau burata, tabolo Nyi-yo walnanga lakmawe. ²⁴ Lodoge, yida da dailon Nyi mono daha bawenadi kalabena jonga dalarada, bada waina mowala bada yanana padauna biha ta-diha ata bana kolena ²⁵ Mono, dik hen jam tau da yida bada dailoni. ²⁶ Mono, kama tulha tupage hanewe paleka tabara Yesus nama tulhawe "Raja Ata Yahudi." ²⁷ Nyidawe, yida da dailo jaladi duda ata karebo olena, wuata tabara talina mono wuata tabbara tawanana. ²⁸ Dajalage kana lodoge hatakna jurata biha kalinada punyina "mono, Nyi-yo yap jalan ta jonga ata jalora." ²⁹ Nyidawe, tanggada ata kapalaka engage bada paddai Yesus lopo bada kikkad katkda mono lida dage bada hanewe "ta yau kaha manyogorage Uma Allah mono kaha kade hagawe tauda lado, ³⁰ pahoilawe tau daum monom buruwu wal tadailo !" ³¹ Tauda jalanage rato-rato, loho tangada Ahli Taurat, terekai Yesus waina hanewe diha-diha, "Nyinapahoilai ata wadeka, tabolo Nyi walna dadik mawe bana pahoilawe tau dauna! ³² Hai kani Mesias Raja Israel, batauge buru wal tadailo dajalage yita kade etai mono hatenai." Yida hadailo mera dangani Yesus na padda jalai Yi. ³³ Dikhege jamha anwai, dadinage kapagta taha dau nedo kaha diki jam ha ban diha wai. ³⁴ Dikge jam haban dihawai, Yesus nakawula waige lina kaballo, "Eloi, Eloi, Lama Sabakhtani," ngihege "Allah-Gu, Allah-Gu, Aha yau mam tanaga Nauwa?" ³⁵ Mono bada ko le harangei, kapirana ata dede dahekai daha newe, "patetin! Nyi kamai kanani Elia." ³⁶ Nyidawe, wu ata nama lai, naha ngahin wu kadogi we anggur ma yege, mana tau tawu ta kaito mono mana yini Yesus enuge, dajalage naha newe, "haiholan kada etai ba amtakan Elia haburun Nyi". ³⁷ Bege Yesus nakawula wantawe lina mono tingnage lolo ngahuna hadukkawai. ³⁸ Kole batauda gege, kaba tak uma Allah mapabakaduda majinaka, waldete kaha bawa. ³⁹ Mono, wu tentara kakodod olena, kadede aron Yesus, kaetawe aga lina dawe Yesus bana tingwe lolo ngahuna Nyi naha newe, "Tau takka nage, ata nade ananan Allah!" ⁴⁰ Tahadau nek bali dajaladi piraki lawai kaeta marauwe, tajonga dala rada yida dani Maria Magdalena, mono Maria Inya Yakobus kabodi mono Yoses, gauni Salome. ⁴¹ Bata Galilea hoi, nyiwebada dokuni Nyi mono hanuknage morhana. Mono, nedo bali butala lawai wadeka kamai marangani Yesus Tayerusalem. ⁴² Bakole hokmowe gakge, oroge lado inna lado hainyakai, wu lado aidikhoge lado rahi ngahu, ⁴³ Yusuf ata Aritmatea amini, wu ata jonga dalara bai ata madaka paha aka loho nyi remage dikge kalingora hareha Allah mana baniwe atena kako tai Pilatus mono karaiwe karogona Yesus. ⁴⁴ Pilatus nakakadadaka rangewe Yesus bana matewe. Nyi kamaikanani tentara kakodod olena mono na ka nukkai, tau tak kage Yesus bana mate. ⁴⁵ Kole bana ta dawe Pilatus wal ta tentara kakodod olena, Nyi nayiweka rogonai Yesus tabara Yusuf. ⁴⁶ Mono, Yusuf nahiwe walakaba mono naha burnage karogona Yesus, bana kole hawukhai wain kaba pahena, nyi nabaikaiyi lari tarate hakoja ta lete watu, mono nakogolani wu watu tabina rate. ⁴⁷ Maria Magdalena mono Maria Inyai Yoses da etawe hadauge karogonai Yesus baha baikawe.