Kabbu Ate Dagge Hamateyi Yesus ¹ Dikige laddo rayarame paha wugda dau mono wula rayige laddo inne, laddo hailana mahadi mono manuta tabara nai Allah kama wolu. Tilu bana kakowe inne dudda-dudda lado moge; be rade rato-rato mono bai-bai atta mayegadage larayapayi Yesus ledege badda mayega waige kajapata kapihamateiyi. ² Orobada woroge "iya darayi kage taladdo rahirame iyana kawihakawe batamrana buta atta." ³ Ba tamra dani Yesus taha rona Betania, taumanayi Simon kakatobi, tamrana ngodo tameja hadau ya, amini wu lawai ngidiwe minya wugori walitawatu pualam ngihge minya bau burata kadaha mono bibta hina. Bege pahanani nadda gori mono binage naminya taka takuna Yesus. ⁴ Tanyiduwe dadda walid rade aikabaige nepa hada hana na lawai, "Aha mawala waidamoge naminya kataudana ?" ⁵ Oronage inno minya dadi bamalajage tatalngahurehi dinnar, nadadiwe batulwaina atta milla. "Loho yidda dabanini nadalawai olem ⁶ Tanyiduwe Yesus nahanewe," yama daduni. Aha mamyilayi nadelawai ?. Banarai damuge kadaha tabara-Gu. ⁷ Oronageniyo engage badadi atta milla bataramu mono pirawe bam hadahawe habaimu, nadadiwe bamu rayige kadaha tabaradda yidda. Tanyiduwe Nauwa wanga enga daumage bagu olegimi. ⁸ Tanyiduwe nadelawai napahadawe kadaha rakana hamaddana rayige nyinakalapa gage tau-Gu toma aigumatehowa. ⁹ Nawa halaragimige katena, gige inne libiha batodo talarage tapanu tanalura agawe harayina nadelawai engage ba takwe mono ba apewe neharayina nadenyi. ¹⁰ Lodoge, Yudas Iskariot wu atta walta buldudana hana hakodo halolena, kakonage dikidi rato-rato lo ma lajani Yesus tabarada yidda. ¹¹ Kole bada rangewe, dahahingnage ateda, mono taudage rahi yihoni amaha Yudas. Oronagenedo, Yudas mayedanage lara kalogana bana malajani Nyiyo. ¹² Ta lado kadihana, lado rame kababa kaba, kole bada ropoyi ana bebe paskah, ana hakodo halolena Yesus kanuka kanage tabara-Na."gidaho habaimu kadaha hadau kadinya kamage tangage tutu-Mu ya mono enu paskah?". ¹³ Lodoge Nyiyo nahalewayi duda ana hakodo halolena mono naha akayi yida, kakomi ta kota, mono bamu dikikami umu tabokayi wu kabani kadita kadoro wena, dokudaduni. ¹⁴ Gi dau tamana, takinage nado mori umma hanaunagama Guru: gige hadau ya enu paskah dangagudi rade ana hakodo halole-Gu? ¹⁵ Lodoge, nado mori umma enga naha tingogimige hadau kagalara tatilu umma kadau dete bada kamagana kaha tangage nedo bali tutuda yida". ¹⁶ Lodoge, ana hakodo halolena dikidage takota diki nedo bali daeta kahawe katujana hatakinai Yesus tabarada Yida, lodoge dahagana kahage. ¹⁷ Tutuge paskah kole bana gadige amini Yesus loho ana hakodo halolena. ¹⁸ Mono, kole batamrada ngodo ya Yesus naha newe, nawa hanewege katena tabaramu, wu ata walta jonga darami, kangodo danga-Ga, narayi gage kajapata". ¹⁹ Yida ge, nadiwe amige milla ate amm nage hanuka dauda diha-diha ata, enga wale nawama o". ²⁰ Yesus hanewe tabarada Yida, mida hingmona wu ata walta kabuldudana, ata nada kayapla danga kababa kaba takoba wehaenu. ²¹ Oronage, ana Ata piyo engana bana kako, kataudana kama tolha tutuna nyiya, tanyiduwe tudu loko nage nade ata bana rayige kajapa tabara na ana ata piyo! bana modahewe aina dadi memahewe daha howe ²² Batangrada yida ya Yesus ngalanage kababa, mono bege naha ringiyi, nyi na paha-pahayi mono yidadi Yida loho naha newe ngalawe, ine nyiduwe tauGu." ²³ mono, mi na ngala alai kobo weha enu, mono nahailana manuta. yina nayidadi tabarada yida, mono yida tangada da enu wal takoba nade. ²⁴ Lodoge, Yesus naha newe tabarada yida, "nyiwe ine ragu tuku tehuka, nakama joku tutu tangada ata buta. ²⁵ Nawa takiguge tabaramu naka tena, nawa waleg hilu enu mawa walta wuna pu anggur, kaha ta laddo rahige, Bagu enuwa anggur kaberu lar taka lingora harehanai Allah." Petrus Na Kaballini Yesus ²⁶ Bada beha lawiti rohani, yida dumo kako dage taleta zaitun. Ana Hakodo Halolena Yesus Engada Tana-Ni ²⁷ Lodoge, Yesus nahanewe tabara dayida, "Mitanga kaham enga tanami ganauwa." Oroge dad kama tolha 'nauwa enga rottiy kama pawa, monno babbe-bebbe na enga hai-hai di. ²⁸ Ta nyidu we, be bag hagga-wa, nauwa enga kokogta Galilea enga ulhog wal ta mi." ²⁹ Ta nyidu we, Petrus nahanewe tabara yidda Nyi-yo", langka aga innawe yidda tangada tamra-Gu ta nyidu we nauwa wallek ma." ³⁰ Mono, Yesus na tak nage, "nauwa, halaragimige tatena tabarami, Gadi nehhe, ai na kukuh hoyi manu haduda wayi, yau kabalka ganauwa hadal wuda waina." ³¹ Ta nyidu we, Petrus engana hawikana bana baleha, "engadahoge nauwa bagu mate dangagu, nauwa engage aigu kabaligu !" Monno yidda tangada hanewe katujana kahhana. ³² Lodoge, dikidage tawuyo hadawu tangarana Getsemani, mono Nyi nahanewe tabarada ana hakodo halolena. "Ngodom nehe nauwa batangrag sembayang." ³³ Mono, Nyi namarangni Petrus mono Yakobus, mono Yohanes, olena-Ni mono amnage banadadiwe madauta taka mono pahadi ate. ³⁴ Bege, hanawe nage tabarada yidda, "dewa-Gu namayila, namera moge mata, engatomi nehe mono ha atekime." Ha mado wikimi. ³⁵ Bege, olebaina dikarau hodi, takodi kudona Nage tatana mono sembayang, bana moda hewe, nahugu kana kakowe tabaraMu. ³⁶ Mono, nahanewe, "Abba, Amma, tanga kahage yauna-Ge." Ngalawe inne ngahu, waltabara-Gu. Ta nyidu we tawale Nyi dama we habai-Gu nauwa, ta nyidu we nahabai-Mu nyida howe kadadi. ³⁷ Lodoge, Nyi-yo, amihagani mono na nadikidi ana hakodo halolena tamrada dura, mono Nyi nahanewe tabaranai Petrus, "Simon, Aha mamudurami ? Wale na dadi mawe mi-yo bana bamu ha atege kadihajamna ? ³⁸ Ha ate kigela mono sembayang kimi ilam monu talimanai makaba. wadi biha enga na hadoku ta nyidu we tawu atami naloja mawalawe." ³⁹ Mono wali Nyi na kako mono sembayang katauda alana hatakibina. ⁴⁰ Mono wali, Nyi amilini nadikidi yidda tamrada dura oronage biktahinguyi matada, mono yidda wale hilu intamage bale hai Nyi. ⁴¹ Bewenedoge, Yesus ami alahoni kaha dali wudana mono nahanewe tabarada yidda, "mi engahomidura mono baika ? Tutuwe, dikinage rahige. Etayi, ana atta piyo dayiyi talimada ata-ata jala. ⁴² Kademi, maika kada kako. Toroyi, nyi kayiwa nauwa nadahe kabe." ⁴³ Bewe nedoge, tamrana Yesus bana hanewe, Yudas, wu ata wala tajongada ana hakodo halole-Na, ammin oledda ata buta kangidi kito kaleka mono pal todo, ha lewada rato-rato baige, mono bai-bai ata Yahudi. ⁴⁴ Nyi na kamalajange, naha akkayi wu tadka, hatak na, "ata nak ha ngakhagnyidu na nak ata. Yapai Nyi loho ngidiyi Nyi-yo mono ha maddoni." ⁴⁵ Lodoge, nayi Yudas na dikibe, nyiga barani Yesus mono hanewe nage."Rabi !" Loho, nyi na ngakhai Yesus. ⁴⁶ Lodoge, yidda danaroni Yesus mono dayapayi Nyi. ⁴⁷ Tan nyidu we, nak wuata, walta yidda kadede, badge kito kaleka mono kadukanan ata rada Bai Rato, ma lakkatanan katilu na. ⁴⁸ Lodoge, Yesus na ha newe tabarada yidda, "Aga dawe mam mayimi waina kito kaleka mono taltodo tut yappawa Nauwa hatujaga ata kedu ? ⁴⁹ Dihalado-dihalado, nauwa um eta wa bag olegimi ta umanai Allah mono bag hanuwana, ta nyidu we wallem yappa Nauwa. Nyidamowe inne dadiwe katujana ta jurata biha kana ban ge." ⁵⁰ Lodoge, yidda tang kahada tauna dani Nyi-yo mono malai daudage. ⁵¹ Dani wu baumane nakadokuni Yesus, wai dahenage kaba kaka toniwe tauna loho, yidda dayapai, ⁵² Ta nyidu we wing nage laige kabak haka mono malai kalolu hingnage. ⁵³ Lodoge, yiddage ir dani Yesus tabara bairato, mono, tangada bai ata, loho, pa ama-pa ama bai-bai ata da makaha daba. ⁵⁴ Mono, Petrus dokunani Yesus wal ta liradik ta aro umana bairato, medo bali, nangodo dangadi rade ata kajawawe loho na mirna latti ⁵⁵ Rade bairato mono tangada haama-haama hangatadage mayega na lara tut gabani Yesus tanam kahamateyi Nyi-yo, tanyiduwe wale lakma hakole dani jalana. ⁵⁶ Horonage, buta ata ka yi ! Hataki aikatena tut gaba-Nyi, tanyiduwe tangadi hatakda yidda lama kahamera wuata-wuata. ⁵⁷ Lodonage, Dajaladi rade ata kadede mono kahanewege aikatena tut gabani Yesus, hatakna, ⁵⁸ "nami marangei Nyi bana hanewe, 'nauwa enga hegarage umma hangajina nai Allah harayi ata piyo! Mono kataudana ladona, nauwa enga-Gu hakade hagawe kahe kana, ai harayi wai limma. ! ⁵⁹ Tanyiduwe, tutuge hanewe da yidda ainahameramoi iha mono iha ata hatakda. ⁶⁰ Tanyiduwe, bai rato nadede ta jongada yidda mono naka nukai Yesus, "Walnadadi mawe Yau bamu ballehayi rade-rade ata-ata buta kahanewe gabba-Gu ?" ⁶¹ Tanyiduwe, Nyi engana bana kadana mono ainabaleha bairato-bairato kanukapi dani Yesus, loho nahanewe, "wale yaukaduna Mesias, Anai Allah Kamajaga ?" ⁶² Mono, Yesus nahanewe, "Nauwa na Nyi, lodogemi enga eta mini ana ata piyo ngodo batara kawanana nai Allah mono buru walledege karabba tilu lanta." ⁶³ Lege hewege, tomage bana hirawe inna jubah-Na, bairato nahanewe aha yita mada karaiho kahalarayi walwe tutu Na ge ? ⁶⁴ Lige ummrangewe hama paddana agawe hapustami ?" Mono, yidda dahamayilayi Nyi kahak bana tomage mate. ⁶⁵ Dadi ata datarumui Nyi, mono tuninage matana Nyi, loho dajurayi Nyi-yo, mono dahanewe tabara Na, "rayi hoge yihamu." Rade kajaga dahi bayi Nyi loho da tabbayi Nyi-yo. ⁶⁶ Lodoge, tamranayi Petrus ba dahoni ta aro umma nayi Bai rato, wu ata lawai ata nade Bai rato amin. ⁶⁷ Mono na etayi Petrus bana manirna lati nade kalayanna natoroyi loho nahanewe, "yaudumo olemoni Yesus, ata Nazaret nado." ⁶⁸ Bege, Petrus kabalka nage lopo nahanewe, "Nauwa walegu tada mayi loho walegu yappa middi hata kimi mono agawe nahanewe mi." Malegewe, kako nage ta bina kala, be kuku nadi manu ⁶⁹ Nade lawaiyo kalayana eta piliy Petrus ha dakawalina mono hanewe waldage rade tangngada ata kadede, "ata nade nyi allaho oleda wu wal ta yidda." ⁷⁰ Ranyiduwe, nyiyo kaball walhonage, lohho walle na ma dihmahowe, ata-ata dode hanewe waldage tayi Petrus, "Yau dahina wu ata walta yidda oronageba ata Galilea allau." ⁷¹ Nyiduwe, nyige katut wikna lohho haura walnage waleg tada may na Ata ha takkin !" ⁷² Diknage, manu bada kuk ha dudda waddawaidi, be Petrus apenage naha taknay Yesus tabarana, "Ay na tut hoi man na duddadi wuddaddi, gau engam kabalkaga Nauwa tauda wuddana, lodoge Petrus ga walle daidi madue ge tahge milla atena, hoh nage.