¹ Bewage, ata Farisi mono Saduki ammidi kabani Yesus. Yidda da karaiwe Yesus patingdi tabarada yidda wu tadka wali ta Surga. ² Ta nyiduwe, bale hawe Yesus, "Manari gaknage, mi limige. 'Na hira kinage nehhe lado oro langta bana rarawe.' ³ Mono, ta koko kaki, 'Lado nehhe enga dani rereha waddi oro langta rarawe mono kapangtage, 'Mi um tadawe aga linawe paheka ge hadage langta, tabolo walem mukkak mage palikkege tadka-tadka rahi. ⁴ Wu dalara ata ka japata mono kajala ta olena rade karuhhu wu tadka, tabolo wu tadka dumu wale hatingok madi tabarada, likkege tadka Nabi yunus.” Lohho, Nyi ija kadi yidda mono kako. Palarawe Tutu Ragi Ata Farisi Mono Saduki ⁵ Kole ana hakodo dikki ta bali hoba, yidda da dangana ngidi kababa. ⁶ Mono, Yesus linage tabarada yidda, "Hamatara gela mono yapu kigela tabarada ragida ata Faris mono tangada Saduki.” ⁷ Mono, yidda kapu dage dulkawe hada inna ta jonga dauda yidda mono liadge, "Inna oro yitta aida ngidi kababa, " ⁸ Ta nyiduwe, Yesus na tadawe hada inna mono linage, "Ta, ata ka dabbo hatenana, ahha mi mam dul kawe ta jonga dau daumi tutu ai da roti? ⁹ Apa mi walem yappa jalak mahowe mono dummo walem apek mawe limma kababa tangada limma rata ata, mono pirrayi kawukata karehi pa kahha mi? ¹⁰ Waleka, pittu kababa tangada pata rata ata, mono pirrayi kawukata karehi mi hakamami? ¹¹ Aga lina dawe mi aim yapawe inna Nauwa wale tamara takkik maguge tabarami tutu kababa? Ta nyiduwe, yapu kige la ta ragi da ata Farisi mono tangada Saduki.” ¹² Bege, yidda da yappawe inna Nyi aina takkiwe tutu yapuge ta ragi kababa, tabolo tabara hanuada ata Farisi mono Sadukui. Yesus Nyiknai Mesias ¹³ Kolei Yesus dikki ta harona Kaisarea Filipi, Nyi naka nukayi ana hakodoNa" Dokuge hatakki da ata iyayi Anana Kadadi Ata nada?" ¹⁴ yidda da bale hawe, "Kapirana lida dage Yohanes Pembapti, wadeka lida dage Elia, mono wadeka lida walige Yeremia, waleka wuyo wali tabrada Nabi.” ¹⁵ Lohho, Yesus naka nuka tabrada yidda, "Ta nyiduwe, doku dage miyo, iyawa Nauwa inne?" ¹⁶ Simon Petrus balehawe," Yau Mesias Ana Allah ka morha!" ¹⁷ Yesus lidage tabarada, "Kanyurru kamu yau Simon anai Yunus, oro wale kanayo mono rakmawe katakkiguge inna tabaramu, tabolo AmaGu ka Surga. ¹⁸ Mono, Nauwa luguge tabaramu inna yau Petrus. Mono, ta panu watu inne, Nauwa ha dedewe JemaaatuGu mono binna kalla Hades walena kawahak mage. ¹⁹ Nauwa enga yiguGe kuhi Kalingora Surga. Mono, aga hing kawe mi ha kattimi ta panu tana enga makattige ta Surga. Mono, aga hing kayi mi pa laddami ta panu tana enga maladda ge ta surga.” ²⁰ Lohho, Yesus na hanamu dage anaha kodoNa ilda takkiwe langka ta iya hingkana inna Nyi bai Mesias suyi. Yesus Natakkiwe Tutu Matena ²¹ Wali neda ge, Yesus kapu nage hatingoge tabara ana hakodoNa inna Nyi bana kako dahho ta Yerusalem mono bana buatwe mayillaNa wali ta tangada bai ata, bai ata, lohho ahli-ahli taurat, lodoge hamateyi mono kadde hagga ta lado katauna. ²² Begge, Petrus na tingiyi Yesus ta tibina, ha apeni Nyi, mono linage, "Mori, ka nyurru kage Allah kana hamarauge hada inna wali ta Yau! Hada inna ruruge bana dadiwe tabraMu.” ²³ Ta nyiduwe, Yesus na Gilaka mono linage tabarai Petrus, "Yelana Yau wali ta aro mataGu, ta kabalka! Yau watu widawu tubaGu oro yau ai paha iyaka mowe paha ngadamu ta hada wali tai Allah, tabolo wali ta kadadi ata.” ²⁴ Bege Yesus linage ta anaha kodoNa, "Nyi ba daka ka dokuga Nauwa, nyi na kabal dahoge tau dauna, ditayi yayu hadailona, mono dokuga Nauwa. ²⁵ Oro ba iyayi kapa hoilawe ngahuna enga bungage ngahuna. Ta nyiduwe, iyayi kabunga ngahuna orogu Nauwa, nyi na kole haggage. ²⁶ Agawe utuge nyi wu ata kole kahhage panu tana, tabolo bunga dalwe ngahuna? Waleka, na dadik kawe wu ata bana yiwe ngahuna jeluge? ²⁷ Oro, Anana Kadadi ata enga ammini lari ta manadai AmaNa oledi tangadi malaikatNa mono bege nahagaba nage tangana ata dokuge harayina. ²⁸ Nauwa takki guge kaha tau takkana tabarami, dani kadede taha dau inne ai kapaddage mate kahha yidda bada etayi Anana Kadadi ata ammini lari ta kalingora parehaNa.”