Hayadi Ata Kalima Ratana ¹ Bewe innage, Yesus napalage hoba Galilea, halinawe Hoba Tiberias. ² Buta ata kadokuni Nyi or yida etayi tada kaheka gaina harayinatbarada ata kalawara. ³ Bege, Yesus panne ta pannu kabodu letena mono ngodo neda bali oledi ana hakodoNa. ⁴ Mahigo neda, rayage Paskah ata Yahudi dageta nage. ⁵ Hagapege torrowe tskalingoraNa, Yesus linage tabarai Filipus, "gi dau hida roti dajalage ata rada dadiwe bada yayo?" ⁶ Yesus linage hada rada tutu kabani Filipus oro doku dage nyi dau natadawe aga dahowe nyi harayina. ⁷ Filipus balehawe, "Roti kahihona duda ngahu Dinar loho walena tutuyi tangada yida, langka wukak hakoleda diha-diha kamarahaki." ⁸ Wu wali ta ana hakodoNa, haluguna Anderias, anguwunai Petrus, linage tabarai Yesus, ⁹ "Dani nade wu lakawa kadana lima balla rotina mono duda kabokona, tanyiduwe agak gaudi rada katu kalna butana ata rada?" ¹⁰ Yesus linage, "Halewayi tangada ata ngodo." Tha dau neda butayi ruta, nyidawe ata kangodo rad baka tutuyi lima rata kabani butada, ¹¹ Bege, Yesus na ngalayi roti rada mono naha maringiyi, Nyi nabawe dadi roti rada tabrada yida kangodo; bege na rayi dumoGe ta kaboko rada loho butadi dokuge hakabu ateda. ¹² Kole tangada ata bada be ha bokta, Yesus linage tabarada ana hakodoNa, "Kahay kadibkadi ka rehi dajalage illa dayo kama baita." ¹³ Oroge inna, tangada an hakodona da kahayi mono dahangihidi kabulu duda haburra wali ta kadibka roti kalima balana ha tanada yida bada be ha yayo. ¹⁴ Kole ata rada etawe tada kaheka gaina harayinai Yesus, yida lidage, "Nyi nade enga Nabiyi pa jajibe amini tapanu tana." ¹⁵ Oro bana ma damuge rada ata buta kabu atege amidi mono karuhuyi Nyi kana dadi Raja tutuda yida, Yesus na pahil wikna mehana takabodi letena . Yesus Nakako Ta Panu Weyo ¹⁶ Kole lado ba nari gaknage, ana hakodona burru aro ta hoba ¹⁷ mono kole bana panne ta tena, yida halege dage palage hoba aro ta Kaper naum. Lado manari kapagta nage, teboloi Yesus wale am jala honi dikidi yida. ¹⁸ Hoba inna kapu nage bana hangalungge oro rereha kakiki waddi. ¹⁹ Bege, kole yida bada boheyi tenada bartutuwe talu kabulu waleka duda kabulu lima milna marauna, yida da etayi Yesus kako tapanu we ta hoba mono dahekayi tena dajalage yida madauta. ²⁰ Tabolo, Yesus lina dage tabrada yida, "Nauwag na inne, ilam madautawu!" ²¹ Bewe innage, yida da kabu atege hapaneni Nyi tatena mono kadadaka ngidiwe tena nada bada dikina tah dau aroda yida kako. Ata Buta Mayegani Yesus ²² Damma hege tana, ata buta ka dedeho tabali hoba etawe ai dayo tena wadeka taha dau neda, duka wuheyi tena ana hakodona katamabe neda lari. Tabolo , Yesus walena naha dokukma tatena inna oledi ana hakodoNa ka kako mehabe. ²³ Ammidi tena wadeka wali ta Tiberias tabrada ata rada kayayo roti, ba kole Mori bana hamrimgiyi. ²⁴ Kole ata buta etayi nai Yesus mono ana hakodoNa ai dalini taha dau neda mono kako ta Kapernaum bada mayegani Yesus. Yesus Yikna Roti Morha ²⁵ Rada ata buta bada dikini Yesus tabali hoba, yida daka nukka tabaraNa, "Rabi, pirra yau bamu dikki inne?" ²⁶ Yesus nabale hayi yida mono linage, "Tau takka nage, Nauwa luguge tabarami, mi mayegaga Nauwa wale oro eta dakmamige tada kaehka gaina, likege oro mi um yabemi roti kaha bamu bokta. ²⁷ Ilam ulana tutu mayegana hayayo kaliloko, tabolo tutu hayayo katahna kahha ta morha ai kadukana, nada Anana kadadi ata enga yinagu tabarami oro Anana kadadi ata nada, Ama, halinawe Allah, na yibewe paha didaraNa." ²⁸ Loho, ata buta rada dakanukayi Yesus, "Aga daho harayima nami dajalage nami kama ulage ha ula hakabu atenai Allah?" ²⁹ Yesus balehawe mono linage tabarada yida, "Inne yiwe haula hakabu atenai Allah: hatena tabarana Nyi pahalewa benai Allah." ³⁰ Yida dakanuka tabaraNa, "Nyi batauda ge, tada kaheka gaina aga dayi harayim Yau dajalage nami etayi mono hatena tabaraMu? Ha ula agana dahona yau harayim? ³¹ Weda waikama nami ya manna ta marada gilra, katauna kama tolha, 'Nyi nayidi roti wali ta surga kapiku yadi."' ³² Yesus linage tabrada yida, "Tau takka nage, Nauwa luguge tabarami, walei Musakma kayigimi roti walta surga, tabolom Amagla kayigimi roti kabanning wali tasurga. ³³ Oro, roti wali tai Allah nyikna Nyi kaburru wali tasurga mono kayiwe morha tapaniu tana." ³⁴ Yida lidage tabaraNa, "Mori, yi hakita gama nami roti rada." ³⁵ Linage Yesus tabarada yida, "Nauwagna Roti Morha;ata kamai tabaraGu walena hilu kalabakma lage, mono ata kaha tena tabaraGu walna hilu marikma lage. ³⁶ Tayidawe, Nauwa ug takbewe tabarami inna lokom etabekwa Nauwa, mi engage aim hatena. ³⁷ Tangage hayinai Ama tabaraGu enga amidi tabaraGu, mono ka mai tabaraGu wale nadadik mawe Bagu wugayi. ³⁸ Oro, Nauwa ug burru wa wali wa ta Surga wale tutu rayik maguge hakabu ate daugu, tabolo hakabu atena Nyi kaha lewawa Nauwa. ³⁹ Mono, inne nyi ha kabu atena Nyi kaha lewawa Nauwa: dajalage tangage hayibeNa tabaraGu walena bungak mawe, tabolo Nauwa ug hakade haggawe taha dukkage. ⁴⁰ Oro, inne nyiwe hakabu atei AmaGu, tangana ata kaetayi Ana mono hatena tabaraNa enga kolenage morha ai kadukana, mono Nauwa ug hakadeyi nyi ta hadukka rahi." ⁴¹ Oroge inna, kapirana ata Yahudi halege dage kangurka tubaNa oro Nyi balina, "Nau wagna roti kaburru wali ta surga, " ⁴² Yida lidage, "Wale yikakna nade Yesus, anai Yusuf, rada ama mono iyana hatadada? Aga linak kawe nyi balinage, 'Nauwa ug burruwa wali ta suraga?"' ⁴³ Yesus balehayi yida mono linage, "Ilam kangurkam tajongam mi dau. ⁴⁴ Wale wu hing mana atala kamai tabaraGu, ai nyika AmaGu kaha lewawa nauwa bana tingiyi, mono Nauwa enga hakadeguni ta hadukka rahi. ⁴⁵ Dage kama tolha lar tajurata Nabi: 'Mono, yida tangada enga ha akadi Allah. 'Tangada ata karangewe mono ohiwe wali tai Ama enga amini tabaraGu. ⁴⁶ Hada inna wale bada dakma ata kakal etayi Ama, duka Nyi kamai wali tai Allah; Nyikna kaetayi Ama. ⁴⁷ Nauwa luguge tabarami, 'tau taka nage, tangana ata kaha tena na dauge morha ai kadukana ⁴⁸ Nauwag na Roti morha. ⁴⁹ Weda waikami na yabe manna ta marada gilra, tabolo yida da mate. ⁵⁰ Yidakna roti ka burru wali ta surga, dajalage tangada ata kayadi mono wale da matekma. ⁵¹ Nauwagna roti kamorha inna kaburube wali tasurga. Nyi ata yaka roti rade, nyi enga morha hakitana; mono roti hayiguni tangage morha panu tana inna nyikwela tauGu." ⁵² Ata Yahudi halege dage hagaba wikina diha-diha, yida lidage, "Apa na dadik kawe ata nade yiwe tauNa kapiku yani?" ⁵³ Yesus linage tabarada yida, "Nauwa luguge tabarami, tau takka nage nyi mi aim yakage tauna Anana kaddi ata mono enunage raNa, mi walemi dau mage morha neda ta taumi. ⁵⁴ Tangana ata kayagage tauGu mono enu gage raGu na dauge morha ai ka dukana, mono nauwa enga hakade guni nyi ta haduka rahi. ⁵⁵ Oro, kanaGu haya kabanning nage mono raGu engage tabaraGu mono Nauwa neda lari ta nyi. ⁵⁶ Iyayi kayagagge kana-Gu monno ka enugagge ra-Gu enga engana ta bara-Gu monno Nauwa engag engana tabarana nyinyo ⁵⁷ Katau nai Ama kamorha halewawa Nauwa, mono Nauwa morha oronai Ama, tauda dumo nage nyi kayaga Nauwa, nyi na morha oro Nauwa. ⁵⁸ Yikna roti ka burru wali ta surga, walena tujak mayi roti ha yada weda waikami mono yida mate, ata kayadi roti rade enga morha hakitada." ⁵⁹ Yesus natakkiwe tanhgage inna ta Kapernaum bana ha akkayi ta Sinagoge. Buta Ana Halolena Katanani Yesus ⁶⁰ Kole buta wali ta ana hakodona rangewe hada inna, yida lidage, "ha akka Inne al nage bikta. Iya duyi katagorage hibawe?" ⁶¹ Oro bana tadawe ana haloleNa bada kangurka tutu hada inna, Yesus linage tabrada yida, "Apa inna hatak kigu mahada dangage buttu atemi? ⁶² Nyi batauda ge, aga linawe mi etayi Ana kadadi ata panne haga taha dau waliNa? ⁶³ Waddi la ka yiyo morha, tanyiduwe kanayo lakma gauge. Haneweg tangadi ha takkig tabarami yikna waddi mono kamorha. ⁶⁴ Tanyiduwe, dadi kapirana ta jongami ai kaha tena. "Oro, wali ulluge, Yesus tadayi iyayi ai kaha tena mono iyayi kaengana kaballin Nyi. ⁶⁵ Yesus linage, "Yikwe oroge Nauwa baluguge tabarami wale wu hingmana dadi mai tabaraGu, duka hada ina he ha yinai Ama." ⁶⁶ Wali neda ge, buta ana haloleNa kaeruna mono ngahu dokuni Nyi. ⁶⁷ orige inna, Yesus linage tabara kabulu dudana Ana hakodona, "Apa mi jalabaige kako?" ⁶⁸ Simon Petrus na balehai Nyi, "Mori, tabra iyak hona dau kakoma? Yau kaduge hanewe kamorha ai kadukana. ⁶⁹ Nami ma hatenabe mono tadawu yau, inna yaunage ka tenguna wali tai Allah." ⁷⁰ Yesus bale hayi yida, "Apa wale nauwag na kapede daumi, kabulu dudana ata rade? Loko bataudakge, wu wali tamiyo kabalkayi." ⁷¹ Halinana iyak mayi Yudas, anai Simon Iskariot, oroi Yudas yiknala wu ata wali kabulu dudana ana hakodona rada, tabolo nyi enga malaja nani Yessus.