Wu Kabani Paha Tagaha Taha Dau Hariha Betesda ¹ Kole tangage inna, dage raya rane lado madaka ata Yahudi mono Yesus na panne ta Yerusalem. ² Ta Yerusalem, tabara Binna Kalla Bebe dage wu hadau hariha ba ewai kage hanewe Ibrani Betesda, limadi serambige. ³ ta serambi rada, dadi ata kalawara buta kabaika: ata moro, ata kabeko, mono ata kalikku (yida da remage we taha dau hariha inna bana gedowe. ⁴ Oro, dik kawe rahige, malaikat nai Mori bana burru taha hadau hariha mono kedoge we inna, Ata kaulu tama ta hadau hariha kole we gedowe, natagaha wali talawarana langka aga lawara nage). ⁵ Nedda, dani ata kalawara tauda kabulu podo pata dauna. ⁶ Kolei Yesus bana etayi nyi bana baika tahadau nedda mono natadayi nyi bana moja bena kalawara, Yesus naka nukayi, "Apa yau baige tagaha?" ⁷ Ata kalawara nada na balehawe, "Mori, lakma ata kaha buruga nauwa ne lari taha dau hariha bana gedowe we, tabolo tamrage nauwa bagu runuge ata wadeka uluda buru, " ⁸ Yesus linage tabarana, 'Dedewu ! mono keke tanyi tappemu mono kakowu. ⁹ Mahigo neda dumo, ata nada hatagahayi, nyi nakeke tayi tappena, mono na kako. Tabolo, lado nada lado rahi ngahuyi. ¹⁰ Orpge inna, ata Yahudi lidage tabarana ata katagaha nada, "Lado nehe lado ngahuyi, yau ilam keketayi tappemu." ¹¹ Ta nyidawe, nyi na balehawe, "Ata kaha tagahawa, Nyi kalina tabaragu, 'Keketayi tappemu mono kakowu." ¹² Yida da kanukka tabarana, "IYai ata kalina tabaramu, ' keke tayi tapemu mono kakowu?" ¹³ Tabolo, ata paha tagaha be nada walena tadak mayi iyai Nyi kaha tagahayi nada oro Yesus na kabilabena wali ta ata butataha dau neda. ¹⁴ Babe nedage, Yesus na taboka waliyi ata nada ata ta uma Allah mono linage tabarana, "Rangewe, yau um tagaha bewu. Ilam hilu rayi kana jala wali ka ilna dadiwe karehi ai daha tabaramu!" ¹⁵ Ata nada kako mono takkiwe tabara ata Yahudi ba Nyi Yesus kapa tagaha beyi. ¹⁶ Oro batauda gege, ata Yahudi hama yillayi Yesus oro Nyi bana rayige tangage inna ta lado rahi ngahu. ¹⁷ Tanyiduwe, Yesus linage tabarada yida, "AmaGu ina ula hona kaha batauge inna, yiwe Nauwa ma engagu hogu rai ulla." ¹⁸ Baleha inna da but ate dangage ata Yahudi daka ruhuwe ka hada bikta wali tutu ha mateyi Yesus, wale nyikel mawe Yesus bana layiyi lado rahi ngahu, tabolo dumo oro bana takkiyi Allah ba Ama naNi, loho bana hamera dangage tau dauNa tai Allah. Bikta Pareha Allah Lar Tai Yesus ¹⁹ Bege, Yesus balehayi yida, linage, "Tau takka nage, nauwa luguge tabaramu, Ha Ana walena dadik mawe bana ulage tangage wali ta tau dauNa, Nyi aina etayi Ama bana ulage; oro agawe ha ulanai Ama, nyi jallawe ha ulanai Ana. ²⁰ Oro, Ama nama nawarani Ana mono naha tingoge tabrai Ana tangage ina Nyi dau ha rayina, mono Ama dumo eng hatingo nage tabaraNa ha ula ka rehi madakka wali dajalage mi kam bangara. ²¹ Oro, katunai Ama ban hakadde ata mate mono bana yidi yida morha, tauda dumo nage Ana na yidumo morha tabara iya hing kayi Ha kabu ateNa. ²² Ama walna yikma rakada iya hing kayi, tabolo na yibewe tangage rakage inna tabarai Ana, ²³ dajalage tangana ata enga ha akanani katujawe yida bada pa akani Ama. Ata walda ha akak mani Ana, walda ha aka jalak mani Ama kaha lewaYi. ²⁴ Tau takka nage Nauwa ug tak gimige tabarami, ata karanhe gage hatakiGu mono hateenaq tabarana Nyi kaha lewaWa Nauwa na dauge morha ai kadukana, mono wale na tamakma lar ta hokuna oro nyi bana dikbena wali ta mate aro ta morha. ²⁵ Tau takka nage Nauwa luguge tabarami, rahige enga dikige mono nadikbewe batauge, kole ata mate bada rangewe lina Ana Allah mono yidakarangewe inna enga morhada. ²⁶ Oro taunai Ama bana dauge morha neda lar ta tau dauNa, tauda dumo nage Nyi nayiwe tabaranai Ana morha neda lar ta tau dauNa, ²⁷ mono Ama na yiwe kawaha tabara nai Ana tutu ha kakowe yidi rakada oro Nyikna Anana kadadi Ata. ²⁸ Ilam hangatara kawu ta hada inna oro rahigela enga dikige tangana ata kadana lar ta rate enga range dage liNa ²⁹ mono yida enga huda, haluguna yida karayi bege kadaha enga aroda ta morha paha kadde. Tanyiduwe yida karayige japata, da aro ta kade hokuna. ³⁰ Nauwa wale na dadik mawe rayige wali ta tau dauGu. Nauwa ug hokudi dokuge Nauwa harangegu mono HokuGu tijage oro Nauwa aigu mayega moge hakabu ate dauGu, duka dahege hakabu ate na Nyi kaha lewawa Nauwa." Padelakage Tutu Yesus Kawali Tai Allah Ama ³¹ "Nyi Nauwa bagu tak kawe tutu tau dauGu, hatakiGu walena tenak mawe. ³² Tanyiduwe, dadi wadeka katak kiwe tutu Nauwa, mono nauwa tadawe inna hatak kigu ha yinaGe tuba nauwa inna tenawe. ³³ Mi um halewa bewa tabarai Yohanes mono nyi naha delaka bege tutu katena. ³⁴ Tanyiduwe, paha delabe pa hibagu wale wali kadadi atak mawe. Nauwa ug tak kiwe inna dajalage mi kamu mane marami. ³⁵ Yohanes yikna lat we karewo mono magakaha, mono mi ka kabu atege lagahara kadakko kina lar ta magakaha. ³⁶ Tanyiduwe, paha delakagu nauwa na rehi madaka howe wali paha delakanai Yohanes. Oro, ha ulla ha yinagai Ama tabaraGu pa hapodi hogu, haluguna ha ulla hatamraGu rayige batauge, baha dela kage batauge tutu nauwa ba Amagla kaha lewaWa Nauwa. ³⁷ Mono, Ama kaha lewaWa Nauwa dau ug yibewa padelaka tutu Nauwa. Tanyiduwe, mi walem kal rangek mawe LiNa wale dumo etawe hadaNa. ³⁸ Mono, LiNa walna engak mage lar ta atemu oro mi ai ha tenai Nyi kaha lewaYi. ³⁹ Mi um kejubewe Jurata biha oro mi bamu hangadage neda ta jurata biha mi enga kole mige morha ai kadukana; mono Jurata biha inna dumo napadelakage tutugu nauwa, ⁴⁰ tabolo miwalem au mami mai tabraGu dajalage mi kam morha. ⁴¹ Nauwa walegu hibak mawe manadana wali ta kadadi ata. ⁴² Tabolo, nauwa ug tadami miyo, inna mi wale lakmage manawarai Allah neda ta taumi. ⁴³ Nauwa ug maiwa waige ngarai AmaGu, tabolo mi walem hibak mawa Nauwa. Nyi ata wadeka da mai waige ngara dauda yida, mi enga hiba mige. ⁴⁴ SASga linak kawe mi banu hatenawe, nyi mi hibawe madaika wali ta wu ata kamai wali tai Allah ka nahha? ⁴⁵ Ilam hangadage inna nauwa enga ug ngidimi ta aronai Ama; ka ngidimi dukai Musa, haluguna ata ka tabarana mi bamu mamannemi. ⁴⁶ Oro, Nyi mi hatena tabarai Musa, mi um hatena daho tabaraGu oroi Musa natolhawe tutug Nauwa. ⁴⁷ Tanyiduwe, nyi mi aim hatenawe agawe Musa ha tolhana, aga linak kawe mi hatenawe hatak kiGu?"