¹ Olebai-olebaigu, illa buta ta jongami kadaddi guru oronage miyo madamge inne yitta kahha nuawa enga dakejuda waige ukra karehi bi'kta. ² Yitta tangngada engada jala ta tangnga ngara hada. Nyiba daka ata aika kalwe rayina kajala ta hanewena, nyi'kna ata kabanna, lohho kamakkage pattiwe tangngage tauwuna. ³ Yitta da taudahho rah neddo ta ba jara kadda pikku manono ta yitta, monno yitta wi'kna da angta dahoge badda pahadawe tangngage tauwuna jara. ⁴ Eta wi'kduyi kapal-kapal, langba talka yidda madakka takka hingnguyi monno nakka goyakaiyi oro rereha kahadda madakka, monno na kapal nanarronni nadde ka ngiddiyi ka hadda marraha, monno na kako dokuge hakabbu atena nadde kangiddiyi. ⁵ Katauda wi'knage, wuwe kahadda marraha kadana neddo ta tauwu, tabollo lamma na dadiwe banna wu togodi hada-hada aika anana. Etawela ba pirra tauge gallaragge inne rammu na muttuwe oro latti kahadda marraha. ⁶ Inne lamma tauda dagge latti, wu pannu tana kajapata, paha dauwu ta jonga tangngage tauwu monno nadadiwe banna manyarhawe tangnggage tauwu. Nyiyom natunwe tangngage hadau aroge morhada yitta monno nyiyo dauwu natuyi latti neraka. ⁷ Oroge, ngara dukkada ranga uttana monno kawurna, reptil monno ranga ka morha ta bannu na maupayi monno badda hamaupa bedaddi radde kadadi ata, ⁸ tabollo walle wudahingmahonna ata kaha maupawe inne lamma. Lamma nyi'kwe kajapata walle nadadi mauwe banna kadannawe, nabannuge kaha wunnu hamate dangnga. ⁹ Waige lamma yitta dahamma ringnguyi Mori monno Amada yitta, tabollo waige inno yitta wi'kna g=dakka tukkuna ole atada, pahha dadi nai waige hadanai Allah. ¹⁰ Wal inne ta bayo kahha mera nahudi madaika monno katukna. Olebai-olebaigu, doku kagge walle tauda da'kmage inna. ¹¹ Nadadikawe inne wu mata we banna pahuna we kamma gallo monno we kapaddu naha merayi hudi? ¹² Olebai-olebaigu, na dadikawe yayu ara banna wuna zaitun; lohho pu anggur banna wuna ara? Tauda wi'knage, mata we kamahna walle nadadimauwe banna huwalge we kamma yaggala. Duda Kako Angta Tada ¹³ Iyadakayi ta jongam miyo kamang angta tada monno hangaddanna? Waige hada kamma yanna kinna, nyiyo nahha tingngo dahoge ngara dukkdi kamawu monno angta tada. ¹⁴ Tanyiduwe, nyi miyo bam kolege kaw ate nabannuge kapaddu monno kama'kna kawutogo neddo larta atemu, illam kabobuka monno illam kawohhoka bam gabbage katena. ¹⁵ Angta tada kataudana inno walle kaburru mawe wal dete, tabollo walta tapannu tana, walle walta morha hatena mawe, monno kajapatawe. ¹⁶ Nyi badaka kawi ta ate monno kama'kna kawutogo, neddo yoda'kna hadau dage makaura monno hagala harayi kajapata. ¹⁷ Inne angta tada ka amna wal dete, bai bu kallage na murrahawe, mawu maloya, mabuggera, nabannunni mila ate manawara, wallena watte-watteka'kma, monno walle nadahha mata detema. ¹⁸ Wuge katena pahabbarawe ta moli radde yidda kamoli.