¹ Bewalge,Mori linage tai Musa, ² "Tanggal kadihhana wulla kawungana,hadedewe Kareka Langna inna,haluguna Kareka hataboka waina. ³ Ijalayi pati jaji neda lari ta Kareka Langna mono toni waini la kaba. ⁴ Hatamani meja nada nrda lari ta Kareka mono hamapahadi tangadi kadana ta panuna.Ngidi jalayi hadau latti we lari ta kareka mono haditradi rada latti we. ⁵ Ijalayi hadau maraka amaha rara tutu manuta kemenyan ta aro Pati pa jaji.Bewalge,tauwe kaba watte ta bina tama Kareka Langna. ⁶ Ijalyi hadau maraka hatunnu ta aro binna tama Kareka Langna,haluguna Kareka Hataboka wai. ⁷ Yau ijala dahoyi hajalu hamuraha wai ta jonga Kareka Hataboka wai mono hadu maraka.Ngihina hweyo hajalu nada. ⁸ Tauwe kaba watte kilorage natara mono ta bina tama ta natara. ⁹ Um wai dahona welengha pa obara tutu obarawe Kareka Langna mono tangadi ka dana neda lari.Halanguni tangadi rada dajalage tangadi rada kana tengudi. ¹⁰ Obarayila hadau maraka hatunnu mono tangadi.Halanguge hadu maraka inna dajalge hadau maraka inna kana dadai hada tengu nage. ¹¹ Obara kiyila hajalu mono tukkana,halangidi tangadi rada. ¹² Ngidiyi Harun mono anana ta binna tama Kareka hadau hataboka.Hamurraha waidi yida we. ¹³ Tau nadila kalabe tenguna tai Harun,obarayi mono halanguni nyi dajalage nyi dadiwe hanukkuwa Nauwa ba ratoyi. ¹⁴ Bewalge,halewa nadi ananai Harun bada daheka mono taudi kalabeda yidda. ¹⁵ Obara dadi anana rada katujawe mi bamu obarayi amada yidda,dajalage yidda dadiwe hanukkuwa Nauwa ba ratoyi.Obara innala yiwe kaha dadidi yidda tuba narroge haulla rato kahha ana murri." ¹⁶ Musa na dokuni Mori. Nyi na rayige tangage tubawe tauna paha rehanai Mori tabarana. ¹⁷ Nyiwe,Kareka Langna mahaddewe ta tanggal kadihhana wulla kawungana dau kadudana. ¹⁸ Musa naha dedewe Kareka Langna.Kadihhana,nyi na ijalayi tangadi kappe,naha tamadi doka neda lari ta kappe,na tauyi yayu bola dangan,mono naha ddeyi haridi. ¹⁹ Be innage,Musa naha lakarawe mawo tabali haddu detege Kareka Langna.Lodoge nyi natauyi hatoni wai ta pannu mawo inna.Nyi na rayige hada inna tubawe katauna paha rehanai Mori. ²⁰ Musa nangalayi kabatu watu Jaji mono naha tamadi neda lari ta Patti.Nyi natauyi yayu pa dita wai mono tono Patti waini tini mamoli. ²¹ Musa na ngidyi Patti nada lari ta Kareka Langna.Nyi natauwe lkaba watte ta aro Patti Pa jaji nada baha toni wai,tubawe paha rehanai Mori tabarana. ²² Musa natauyi meja neda lari ta Kareka Hatabo kawai,tabara utara,ta bali kaba watte. ²³ Nyi naha inyakayi kababa paha inyaka paha nujjidi ta araonai Mori,tubawe katau paha rehanai Mori tabarana. ²⁴ Nyi na ijalayi hadau latti we neda lari ta Kareka dau Hataboka,tabara Selatan Mawo,hagabadi Meja innana. ²⁵ Musa naha lewayi latti we taha dau lattiwe rada ta aronai Mori,tubawe katauna paha rehanai MORI tabarana. ²⁶ Bewalge,Musa na ijalayi hadau maraka amaha rara neda lari ta Kareka dau taboka,ta aro kaba watte. ²⁷ Nyi natunuyi kemenyan tapanu hadau maraka amaha rara nada,tujawe paha rehanai MORI tabarana. ²⁸ Lohoi,Musa nadairoge kaba watte ta binna tama Kareka Langna. Musa natauyi hadau maraka hatunu ta aro binna tama Kareka Langna,haluguna Kareka dau hataboka.Loho,Musa na yiyo manuta maraka hatunu tapanu hadau maraka.Nyi na yiyo maraka hatunnu mono maraka paha inyaka tai Mori,tubawe katauna paha rehani MORI tabarana. ³⁰ Musa na ijalayi hajalu ta jonga Kareka dau hataboka mono hadau maraka.Nyi naha ngihini weyo hajalu nada tutu hamurraha waina. ³¹ Musa,Harun,mono ananai Harun daha murahadi limada mono leduda yidda waidi weyo wali ta hajalu nada. ³² Nahiwe yidda tama neda lari ta Kareka dau hataboka mono bada dahekayi hadau maraka,yidda daha moura hodi limada mono leduda yidda,tubawe katauna paha rehanai MORI tai Musa. ³³ Musa na tauwe kaba watte kilorage natara Kareka Langna,Nyi na ijalayi hadau maraka ta natara.Bewalge,nyi natauwe kaba watte ta binna tama natara.Tauda dagela Musa bana bewe tangage haulla inna. MANADA NAI MORI ³⁵ Musa walena dadik mawe tama ta Kareka dau hataboka oro karabba ka kilorani,mono manadanai Mori banuge Kareka Langna. ³⁶ Kole karabba inna panewe wali ta Kareka Langna,Ata Israel enga bugera dage kareka mono dahalodoge kakoda yidda. ³⁷ Tabolo,nyi karabba inna pannewe ijakage Kareka Langna,yidda da enga dahona taha dau neda kahha karabba inna bana pannewe. ³⁸ Nyiwe,karabbai Mori inna ma dage ta pannu Kareka Langna bana ladoge,mono bana gadi kage dage latti ta karabba inna.Tangada ata Israel da etawe karabba inna batamrada bada kako.