¹ Bewalge,Mori linage tai Musa, ² "Nauwa ug pede beyi wu ata wali ta kabihu Yehuda kapikku rayi dage kapirana ha ulla tangaGu.Ngarana wale iyak mayi Bezaleel anai Uri,anai Hur. ³ Nauwaug haka lubbu beni nyi waini Waddi Allah mono yini tada,paha ngada,angta,mono tangadi ha angtana ⁴ dajalage nyi kana rayina paha inyakana angtana wali ta amaha rara,amaha kaka, taburraka. ⁵ Dummo,dajalge nyi kana rayina paha inyakana hadoyi wali ta watu,yayu,mono tangadi haulla hadoyi wadeka. ⁶ Nauwa ug pede jalayi Aholiab kana oleni ullana.Aholiab anana nani Ahisamakh,wali taka bihhu nai Dan.Nauwa dummo ug yibeni angta ta tangadi ha ulla wadeka dajalage yida kana dadiwe bada rayidi tangadi ha ulla paha reha Gumi tabarami,haluguna: ⁷ Kareka Hatabokana,Patti Pajaji,toni mamoli ka dana ta panuna,mono tangadi haulla wai kareka; ⁸ meja lohho tangadi ha ulla wai,hadau letti weyo wali ta amaha rara ka tiyo mono tangadi haulla waina,hadau maraka hatunu kemenyan, ⁹ hadau maraka hatunu mono tangadi ha ulla wai,hajalu habaha wai mono kalelena, ¹⁰ kalabe li hikke tutu Harun mono anana inna yida bada hanukku kawe ba ratoyi, ¹¹ We palewu wai ka bau mumra,mono kemenyan ka bau mumra tuba Koro Tenguna. Yidda da rayi dahona tangadi rada tubawe katau paha rehaGu ta barami." NGAHU ¹² Mori lanage tai Musa, ¹³ "Takkiwe ta ata Israel,'Karawayi Lado NgahuGu oro nada nyi tadka gaGu Nauwa mobo mi ta tangadi dalara ata.Karawai nada dajalage mi kam tadawe inna Nauwag nala,Mori,kaha tengu bemi miyo. ¹⁴ Oro bataudage inn,mi um karawa hoyi lado Ngahu nada oro lado nada katengunani tubami.Nyi wu ata bana otorage katenguna lado Ngahu,nyi hoku mate dahoni.Tangana ta kaulana ta lado nada paha li hikke dahoyi wali ta olena. ¹⁵ Ka anni ladona mi na dadiwe bamu ulana,tabolo ta lado kapituna yilkna lado Ngahu,lado rahi naghuna kaha teguyi tubanai Mori.Iya hingkai ka ulana ta lado rahi Ngahu pa hoku mate dahoyi. ¹⁶ Oroge inna,Ata Israel daka rawa dahoyi Lado Ngahu,kada namuyi kaha diha dalara ata-diha dalara ata,ba wuwe jaji aika dukka. ¹⁷ Ngahu wuyi tadka tajonga Nauwa mono Ata Israel aika dukka.'Oro,anni ladoge Morimi bana ulana rayige langyta mono tana,mono ta lado ka pituna Nyi na ngahu." ¹⁸ Kolei Mori bana be ha newe tai Musa ta lete Sinai,Nyi na yiyi duda watu bilara ta barana,dau matolhadi ukku pareha ha tolaha waina limanai Allah.