¹ "Rayinala hadau maraka wali ta yayu akasia hadau tunnuyi Ngawu kabau mumra. ² Hadau maraka nada na malau daho mono lurana dihha hasta,tabolo madehtana duda hasta.Tangadi kaduna kapatana kabihhu hadau maraka naha dabola dahodi waidi hadau maraka. ³ Tepela ta pannuge,kaduna,mono kapatana hupna hadau maraka waini amaha rara tiyo.Rayinala doka amaha rara kakilorani hadau maraka. ⁴ Rayina duda kale amaha rara mono tauyi takabu doka kadudana huppu hadau maraka nada,dajalage kana daiwe hadau hatamani yayu hadita wai hadau maraka ba ditayi. ⁵ Rayinala yayu dita wali ta yayu akasia mono tepelani waini amaha rara. ⁶ Tauyila hadau marakata aro kaba watte toni Patti Pajaji,ta aro toni kamoli ka dana ta panu Patti nada.Taha dau neda Nauwa enga hataboka danga gimi. ⁷ Harun natunu dahoyi ngawu bau mumra kaha bau mumrawe hadau maraka nahiwe kokoka bana hamurahadi latti weyo. ⁸ Nyi dumo natunu dahoyi ngawu bau mumra bana hamurahadi latti weyo nahiwe mamali.Maraka ngawu bau mumra rada hatunu dahoyi nahi lado ta aronai Mori kaha murige. ⁹ Ilam marakami ngawu bau mumra ai hadidaraho,maraka hatunnu,waleka maraka hayayo ta panu hadau maraka.Dumo,ilam burru kawe maraka haenu tapanuna. ¹⁰ Hadakkana diha dau,Harun na rayi dahoge moli tutu hadau maraka inna wai dahona rayo manuta hawalina jala kakodoge moli ta kadu hadau maraka.Hada inna um rayi dahoge hadakkana diha dau,hakitage ta diha dalara-dalara ata.Hadau maraka nada hadau kahada tenguna nani tubanai Mori." WALLI KATAKKU UMANAI MORI ¹¹ Lingei Mori ta baranai Musa, ¹² "Batamram mi bamu rayige tolha dadi ngarada ata bamu yapudi butada ata Israel,tangada ata da yidaho hawali tuba tau dauna tai Mori.Waige batau dage,enga wale hilu lakma mayilla kapijjai ata rada batamrami mi yapudi yida. ¹³ Tangana ata ha yapu mono hatolha rada lari da yidahoi rade:mawahokka syikal amaha kaka,dokuk Syikal Kareka Langna,haluguna biktana duda kabulu gera.Mawahokka syikal yidahoyi tabaranai Mori. ¹⁴ Tangana ata hada bawana duda kabulu dau ha yapu dahoyi.Mono tangana ata pa yapu na yidaho manuta rade tabarai Mori. ¹⁵ Mi bamu yiyo manuta tai Mori tutu hawalige taumi,kapote ilna yiyo harehi kana mono ka milla ilna dabo dal kawe wali mawahokka syikal rada. ¹⁶ Kahhayi amaha manuta hawalina wali ta ata Israel.Waidi rada amaha bamu hanukkuwe lari ta Kareka Hatabokana.Rada yidai liha ape tubada Ata Israel kapiku rayi dage haweali tuba tauda yida dau ta aronai Mori." HAJALU HAMURAHANA ¹⁷ Mori linagei tai Musa, ¹⁸ "Rayina wu hajalu amaha taburraka mono ijalayi tapanu kappe amaha taburraka ba hadau hamurahawe.Ijalayi hajalu nada tajonga Kareka Hataboka mono hadau Maraka.Ha ngihini weyo hajalu nada. ¹⁹ Harun mono anana da baha dahoyi limada moo lekda yida weyo wali taha jalu nada. ²⁰ Nahiwe bada tama yidda ta Kareka hHadau hatabokana,yodda daha muraha dahoge tauda waige weyo inna yidda ilda mate.Ydda dummo da hamurraha dahoge tauda nahiwer bada dahekawe hadau Maraka bada hanukkuwe,waige bada maraka hatunnu tubanai Mori. ²¹ Yida da hamuraha dahodi limada mono lekda yida ka ilda mate.Inne yiwe nukkuge kama hada kaha murige tubanai Harun mono ole ta umana kaha ana murri. WE LENGHA HALEWU WAI ²² Bewalge,Mori linage ta i Musa, ²³ "Ngalamila bara kum ngahi ka hada daha.Ngalami lima ngahu syikal we mur,duda ngahu lima kabulu syikal kaniggo ka bau mumra,mono duda ngahu lima kabulu syikal yayu teja, ²⁴ mono lima ngahu Syikal kasia.Waina ukkra syikal Kareka Langna tutudi tangadi rada.Ngala dumo we zaitun wuyo hin. ²⁵ Rayinala we lengha lewu ka katenguna wali tangadi bara kuma ngahi rada.Wu paha kahha bauna parayina wu ata angta rayina ka bau mumra.Rada yidakna ka dadi we lewu katenguna. ²⁶ Waige we inna ka lewu waige Kareka Hataboka mono Patti pajaji. ²⁷ meja mono tangadi kadana,hadataradi latti we mono tangadi hawai,hadau maraka hatunnu kemenyan, ²⁸ hadau maraka hatunu mono tangadi hawai,mono hajalu hamurraha loho tulrana. ²⁹ Mi um hatengu dahoyi tangadi rada dajalage tangadi rada kadadi hadda tenguna.Tangadi radala kajojai ngawu rada da tengu jala. ³⁰ Mi dumo um hadidara jala hoyi Harun mono anana mono kam hatenguyi yidda dajalage yida kana dadiwe hanukkuWa ba ratoyi. ³¹ Tak dage tabarada ata Israel,'We lengha inne na dadi we lengha hadidara hatenguDi ta jongami,wali diha dalara-diha dalara ata. ³² We inne ilam bi kawe ta mone yaho.Dummo,ilam ohi kawe we lengha inna oro we lengha inna kana tenguge mono inna tengu dahodi rada tubami. ³³ Ata karayina we lengha pa ohi waleka biwe ta mone yaho pa li heka dahoyi wali ta ana huhu." KEMENYAN ³⁴ Mori linage tai Musa,"Ngalami nguwu ka bau mumrala:Kadammo,kalita lokan,ruhota rasamala,mono kemenyan katiyo.Tangadi naha mera dahoyi butadi. ³⁵ Ha kiladi ngawu rada kam rayina kemenyan ka bau mumra.Rayidila katujai ata angta karayina ka bau mumra.Hakiladi mahhi dajalage rada kana dadi tiyo mono tengudi. ³⁶ Baiyiyi wadeka kemenyan rada kahha bana mauhayi.Ijalayi kamabbu kemenyan rada ta aro Patti pajaji neda lari ta Kareka Hataboka,taha dau hatabo danga Gimi.Kamabbu kemenyan rada na hada tengu dahodi tubami. ³⁷ Ilam kali rayi kage emenyan pa ohi katujana tubage tau daumu.Rada wudahoyi katenguna tubami ta aronai Mori. ³⁸ Nada ata karayina kemenyan pa ohi rada mono ha wai tuba tau dauna paha li hikke dahoyi wali ta ata Israel."