¹ Nyi bam kadekawu oleni Kristus, mayegana kadaha takka kadau dete, dauha daunai Kristus, daungo dona tabaranai wananai Allah. ² Hangadage hakab atena kadau deted, iyam hangada kadi tapanu tana. ³ Oronage, bam mate bewu monno morhawu kababunyiwe bana oleni kristus tabaranai Allah. ⁴ Nyi Kristus banyika dau morhamu bana hatingo wikkge tau-Na, yau dummu hatingo wikkim bam nadana oleni Nyio. ⁵ Nyibatauge, tang'ngad rade kanogom aika dahha, rade kajapata, kamanyarha, kamak ate, kamak'ge japata, monno wu'togo yidda rada kadokuge daikai kajapata. ⁶ Nyiwe kaha oro mana bani Allah. ⁷ Nuthona, um rayihoge katujana bam engahona morha tatil ai katidana. ⁸ Tabollo, batauge baitad tutda rada ai kadaha: bani, butate, langlira monno hanewe ai kadaha wal taro wim. ⁹ Ilam rayi wikkana winni oro nage hum tanad kahad morham kalangana bam raina ai Kadaha. ¹⁰ Waige morha kaberu, hajelu hakitage hangada waige kaha tuja harayi-Na. ¹¹ Nyi batauge, wale lakma ata yunani nyi ba ata yahudi, ata sunat, nyi ba atai ai hasunat, ata Barbar, nyi ba ata skit, ata ha ata nyi ba ata katailo, tabollo Kristus Nyi tangagge monno tangakahage. ¹² Banyidawe, ba ata hapedenai Allah, pahateng monno hamanawarana, kadage tabaram ate manawarana, kalagahara, libawa ate, kamalujja, monno kamaloya. ¹³ Hamaloya-loya wikkim la, monno hawal-wal wikkim nyibadaka wu'u ata jala tabara ole atana. Katujana Morimu banna hawalgim nyidawe mige hum hawal-wal wik hom. ¹⁴ Tapannuge tanggage linadage hayidage manawara katag dage yita kahadda daha. ¹⁵ Nyamage, mol kamaringnaa tai Kristus kana rahgimidi atem banyidak'we ngihige mii ba maikagim morha taukaha wuna, monno wai lummu. ¹⁶ Pahaikage yinna hatuknai Kristus kana engage tabaramu bana majabarawe, waige antamu bam paakkawe mono bam hanuwani bara ata wadeka, mnami lawitti lohho manyan wadeka monno manyany rohani, waige atem kaban'na monno lima waim tabara Allah. ¹⁷ Langka agahingkai harayim, nahatakim monno pahhadamu, rayidi tangadi tangaranai Marabba Yesus, kada manuta tabarana leden-Nyi. ¹⁸ Ole umma-ole umma, um ha kahadahoyi layimi katujana bada morha tai Mori. ¹⁹ Layim-layim, manawara dahodi ole ummau monno illam banikadi. ²⁰ Lakawa-lakawa, libawa ta ata tumi bayiwe ha kab atenai Mori kaha ege dangadadi dage. ²¹ Ha ama- ha ama illam rayige ha bandangada anamu dajalage yidda illana lojawe maddo'da. ²² Nim pa atana ole atami, hi kii morimmi kadana nehe ta pan tana wali tangnga ge harayim, bam pahadawe illa nyidalwe yidda badadi monno kadda etauwu. Kanna dahha we ateda yidda tabollo waidage murrahha ate bamu madautanni Morim. ²³ Agadahingkawe yinne parayimmu rayikige waige kalak atem katujjana tabarana Morim. Monno illatujjadawe tabarana kada'd ata. ²⁴ Oroge mige bam tada mowe waltai Mori bam kolege hadau'um hige. Kristus Morida harai ulla ha ulla-Na. ²⁵ Oroge ata karayina enga hibba nage gabbage dokuge jala harayina monno ladahingmana paha li hikke.