¹ Oronage nauwa ug baige bamu tadawe bibtage bawalge beha rayigu tubam miyo, mono tubada yida kadana ta laudokia, mono tangngana ata aika hatabo mata danga hoga. ² Haku ategu nauwa tanamu ateda yida kana madoge mono ka wuyi lari tamanawara tanamu yida dauge tangage kama jabola naka wali pahade wal taha paha ngada mono tada wali ta wini Allah, nade kristus dau. ³ Nedo ta Nyi, naka bunyi tangadi angta mono tada. ⁴ Nauwa ug tak gimige inne tanam ladamani wu ata katipumi monno hanewe harangemu katama tapangada. ⁵ Oro nage langka inne taugu aida ole dangagimi tabolo engage da ole dangagimi lar ta ngahu mono nauwa ege ate wa bagu etami bamu mapaha kadahaki mono didara hatena tau Kristus. ⁶ Nyidawe mi bamu hibabe duyi Yesus Kristus ba nyi morimu, morha hangata ta nyi, ⁷ Ka lartami mono hakade wikimi lar tanyi, hadidarawe hatenamu tau na paha nuabemi tabarami, mono hama jabolage lima wayimi. ⁸ Hamatara kigela ila dadali wu ata ka leromiyo waige paha ngadana aika tuba mono kaha jalora, kawali ta morha kadadi ata mono lide-lide morha ta panu tana mono wale paha ngada Kristus ma. ⁹ Oroge lar tanyiyo na dau kahayi tangadi kabanna wali tau Allah ka morha tahada kadadi ata. ¹⁰ Miyo bebe banmu banna tabaraNa, ba nyina katakge wali tangage morha kaha reha mono kaharehawe. ¹¹ Lari tanyi miyo habunyimi, ta bolo wale kabunyi harayi lima kadadi atamawe tabolo kabunyi hariyinage Kritus, mono waige katariwe taumu kabanna morha kanayo mono doku jala. ¹² Lar taha riha miyo tani hamera dangagimi tai Kristus mono kade hamera ole dangani Nyiyo ledege hatenamu lar taha paha rehana Allah kaha kadebeyi nyiyo wali ta dara ata kamate. ¹³ Ulpoge mina mate bemge lar palayimi lipareha mono lari bamu dokuge kanamu aika ka bunyi, Allah napa hadaguge morha hamera dangani Nyiyo bana beyi nyiyo wali tngadi bamu layida li pareha. ¹⁴ Nyyo naha ngahu bewe jurata wuta mono nukudi kapadekawe haduwu dangani Allah mono yita. Nyiyo na ngala bewe ledege bapakoyi ta yayu kadailo. ¹⁵ Nyi karotiyi tangada kaha reha mono kaharehawe, mana padadi yida pa torona ata bana hamakeyi ledege tai loNa deta ta yayu kadailo. ¹⁶ Oro batauda dage, ilam pahaihingkan wu aki ata yigim rakkami ledege haya mono haenu waleka lado madaka Agama, lado madaka wula beru waleka lado rahi ngahu. ¹⁷ Tangadi rada duka dahege mawonadi tubage nimi kahami, tabolo hada katau takana Nyi dahe Kristus. ¹⁸ Ilam pahaikan ata bana reja ledege li bawa ate kapaleka mono ka wojo kataba tabara malaikat-malaikat kayigimi rakami. Yidala ata kabaige hatingge hada kaheka gaina dajalage paha ngadada yida baibo oro paha ngada panu tana. ¹⁹ Ata taudadana walena jurta hamadomana tabara katakuge morha. Katakge nyi kadulawe tanagage tauda, mono tangage tauda naha wu bedi tangadi kaluta mono ngihi lamuhla, tangadi natumuyi mono natumudi wali tai Allah. ²⁰ Nyidawe bamu hamera dangani kristus miyo matebe waige lide-lide panu tana, ahadawalka miyo bana daugim panu tana kanguduka dokukudi nuku hada kataudadana. ²¹ "Ilam narodi, ilam jalikayi, ilam jojayi"? ²² Tangadi nuku rade liloko dangadi kole bamu dokudi ug hada papa hada waige pareha mono hanuwa kadadi ata. ²³ Ug hada kataudana ba eta waikadi mata maniwolayi na tau ngorawe kangote kaha pude tatauda mono li bawa ate kapaleka mono kaha mayilawe tauda. Tabolo tangadi rada ge lama hige duka dahege bana buktawe kana atada.