¹ Oroge nami bama tadawe tuttuge rabo, inne ha dauwuda yitta tapanu tana da'hegarage, yitta dakolege wuu umma kawaltai Allah, umma aiha rayi waina Limmana, aika hadukka ta Surga. ² kataukalana ba da'da inne ta rabo, yitta da kabbu atege oro bada kamaduge tanamu yitta kada kolena hadauwu ta Surga. ³ Oroge, yitta bada kolekage , wale gaumada bada kalolu. ⁴ Kataukalana bada engana inne tarabo, yitta da rainoge mono bibtawe oroge yitta walle da kabu ate mage kalolu dukka dahege bada waina kalabbe tanamu nutu ka'akta na kaballo bege oro morha. ⁵ Batauge, Nyiyo na hadinyakkada tuttu dau aroge inne nyidunai Allah, kayida waddi katenguna. ⁶ Oro batauda dage, nami dutt tahige mono paddage oronage nami ba dagema ta umma tauwu inne, nami da'gama ta ballinai Mori. ⁷ Oronage, nami ma morha oro hatena walle oro ba dage ta urra matana. ⁸ Tanyiduwe, nami ma tahhige mono rehi baidahoge bama engana inne ball pola tauwumu tomage enga ole dangngani Mori. ⁹ Oro batauda dage nutu, nami ma runni dahoge tanamu nami kama mayanna ta aro mata-Na, mo bamma enga kana inne ta umma ai walleka ta ballhaddi. ¹⁰ Oronage, tanga kahhada yita da haaroda ta kabu parehanai Kristus tanamu tangngada ata da hibba haggawe tuttudi harayida larr ta tauwuna, dokuge ba agayi harayibena, kadahha ai waleka ka japata. ¹¹ Oro nami bama tadawe gauwuge madautani Mori, ma nami hamanne daddi ateda ata heka. Tanyiduwe, nami manada benna tutnai Allah mono nauwa mannege kadedo walli tuttu ate murrha. ¹² Nami wallema hill kabu atemage daika wikkina nami tabaramu, tabollo nami mayigu mahiggo tuttu madakka ate tabarama nami. lokko bataudage, nami enga da'daho habaleha waimadi tuttuda yidda kamadakka atena tuttudi ba'agayi ka dana ta dawa atena. ¹³ Nami aima dadi wikkina nami tutudi rattu nyiwe tuttunai Allah. aima dadi wikkima, tuttudi ratt kabanningumu. ¹⁴ Oro manawarai Kristus kawahagama nami aima ublla kahowe nyi ba'dadalka wu ata kamate tuttu tanga kahhada, tannam tangakahhada da mate. ¹⁵ Mono, Nyi tuttuda tangkahhada yidda kamoriha tuttuge dau'da, dukka dahege tuttuna Nyiyo, kamate mono hakadde haggayi oro'da yid'da. ¹⁶ Oroge nuttu, wall batauge nami wallema tada dahingmana wu ata dokuge hada'di ngiddina. Langba ma kall tadayi Kristus waige da'di panu tana, tabollo ba'tauge nami walema hillu ukraman-Ni katujjana nuttu. ¹⁷ begge, iyayi ka'dana tai Kristus, nyi abbu pahaberuyi. tuttudi rattu katiyo pungnga bedi, torrowela tuttudi ka beru ammi bedi. ¹⁸ Tangnga kahadi rade kawali daiyi tai Allah, kahawuda yitta lohho Nyi-dauwu ledeni Kristus mono yida yitta haulla nutu kahawuna, ¹⁹ Nyiduwe larr tai Kristus Allah na ublawe panu tana waige tauwu dauwu-Na, lohho walle na yapumadi tangngadi hajala harayida yidda mono nahatenayi harangngena tuttu yitta ²⁰ Batauda dage nami duna ata pahalewanai Kristus.Allah nahatingngoge kamaika-Na ledema nami.nami matakkiwe tabaramu oroi Kristus, yii wikkimu tanamu tanamu na ubla waikagei Allah. ²¹ Aikatadwe doku na rayibe-Na ka dadi doku oroda yitta tannamu yitta na hateng benai Allah larr ta Nyi.