Hakabbu Atenai Paulus Tatillu Haullana ¹ Oro batauda dagge nuttu, walli bama kolege inne haulla, ba'agalinna dawe manawara kawali tai Allah, walle namarrahamayi atema. ² Tanyiduwe, nami matullarage tuttudi kabunyi harayima, wale nakakomaiyi winnima, walleka nami hapallekayi Lii biha madinai Alla, dukka dahege bama takkiyi katena, nami mahatingngo eikina nami dauwu tabara ate murrahada ata taaro matanai Allah. ³ Lohho, nyi hatenama nami bana matoni kahoyi, Lii bihhanai Mori na matoniyi tuttuda yidda kahoku halinnawe, ⁴ Katajongada, nyiduwe panu tana inne karayi dage pahangaddada aikahatena walle da'etamawe magakaha katengna Lii bihhanai Kristus, Nyi katujjayi Allah. ⁵ Oronage, nami aima takkiwe mawe tuttuge dauwu-dauwumu, dukka dahegei Kristus Yesus nyidunai Mori mono dauwuma nami dauwu tuttu haullamu Oronai Yesus. ⁶ Oronai Allah, kahanewe, " Nyammakage karewo kana magakahage tatillu kapagtana, " kamagakaha benna ta'ateda yitta tanamu kana magakahage pahangadda'da tuttu katengunai Allah kadana ta matanai Kristus Yesus. ⁷ Tanyiduwe, inne pote nami ma'dauwuge ka'dana ta yarro tanah tanamu kana majabolawe kawaha kawali tabaranai Allah mono walle kawali dakmawe ta pola tauwu dauwuma. ⁸ Nami danakkogama ta tangnga ngara hawali, tabollo walema mangappetama. nami ma gelagagga, walema domora dangngamage. ⁹ Nami da'palugama tabollo walleda tanna magama. nami da'baitagama tabollo walle da'hamatemama. ¹⁰ Nami mangiddi juwawe matenai Yesus ta pola tauwuma nami tanamu Morhanai Yesus mahatingngo jalage ta pola tauwuma nami. ¹¹ Oroma nami, inne kamorha, maduttu pahaddege tabarada kamate oronagei Yesus tanamu morha jallanai Yesus nadedowe ta tuba tauwuma nami inne kamanyariha. ¹² Tauda dage mate na rayi ullawe ta pola tauwuma nami, tabollo morha na rayi ullawe ta tuba tauwumu. ¹³ Nyi batauda dage, lohho badauwuge Waddi hatena kahamera, katauna kamatulha, "Nauwag hatenawe, oronage nuttu nauwag hanewe bewa, " nami jalla hatenawe mono oroge nutu, nami jalla mahanewe. ¹⁴ Oroge, nami matadayi Nyiyo, ka hakadde haggayi Mori Yesus, enga'da hakadde dangnga jalla gama lohhoi Yesus mono da marrangnga gamma olegimi ta'aro mata-Na. ¹⁵ Oroge, tuttu tangngadi radde kadadi tangadi kabaningna tanammu kanyurru, ka rehina dahhekaiyi ata buta, na mirayi waii baliddani Allah katenguna. ¹⁶ Nyidawe oroge, nami walena kalli marraha mayi atema. Langba talka pola tauwu atama nami natadorohawe happad'dama, tabollo ata piyo nami da'haberuma dammage-dammage. ¹⁷ Oronagge, mayilla kalewara inne batauwuge, da'ullagama tutma nami diha'wu kamajabola karehiyi tangnga-tangngadi. ¹⁸ Nami Walle ma hammattara mage tuttudi haeta. Oronage, tuttudi haeta nyiwe katangrana tabollo tuttudi haeta yidda daiyi aika hadukka.