PAULUS GAMOUKO GAL TIMATIUS GATASOI ¹ bei Paulus nangate Timatius gebasah Yesus Kristus gal anam ugo nuku nali mante Yesus Kristus bei Filipi mia wai gal bei, am genal giol minaka. wai gegembala wai ge jemaat ² Allatalah gelak gedar gal migamintau meli tama mimisa minanesa nemam Allatalah , nenana Yesus olnen baki tai tara bai go mi nabani NOK GAMOLA GA PAULUS GI GAMANI GAL ALLATALAH GIYOL MINAKA PILIPI GEI ³ ni enoka galaki nemam Allatalah balei ogo nuku nigel mijimin tau ⁴ ne akus mia gamo ogo nuku biki omikanapa, manamo jimera meli noka ⁵ manle siriwis le upanai o yang getani no galtei Allatalah ge gamouko nali baki ge nuku yagal yala godeu ⁶ nikul mi amintau, gewenle surat nali galaki ya balei genuku pun bai go mi na bani Yesus Kristus sei ⁷ Lekul gemeli nemera pun yal pun bei gal tei oganuku gemera mia dua bai noka gai mi ni ou takuna mia nibay mijibangi ge ugawara gal nei wai surat nali gamolla ga jile mimisa minanasa ya ni wom lakgalji bai nal u nal u masoli bei surat nali gamol ga jilei Allahtalah juga nuku te jimera gonuki pun bei Allatalah gemera mia ⁸ Allatalah piala bisari nukul nemera aya kadin nanga gal ojojo nuku bei Allatalah ga mimisa minanasa ⁹ ogo ne akus manamo nenoka aga nuku gal tanei tanei mana mo nepikiran maran bolo wai na moko genali ¹⁰ manamo ni jal mi nale genoka mana emera nali wai bnan makan gal balei nali gomisei ¹¹ wai gaman awei isi kabui genali gemasola mei gal Allatalah mia pun bei Kristus mia genoka gegamol bai gal Allatalah gai mi. PAULUS GI KATAN MI TOMOI YA INJIL GA GALAK LOLI ¹² nenan nenaga nun neno mayo jugatek jumangi minamo giwai pun bai surat nali mia ¹³ mana oga nuku bada nabanu istana wai anam ogo nuku gomangi manamo nai gal ou takanami bei yam Allatalah gegomayawa ¹⁴ man kabal bata nura juni gaigamun oga nuku te Allatalah gegumayawa kul gemera ubeki Allatalah gelak nali pun bai gal Allatalah migarani Allatalah gesurat nali Allatallah gamou ko nomen nanga ¹⁵ manle bei anam noka nunle Allatalah gamoko pun lakko manle gemira liku kawalawan tawen tai sul manle gapen geera anaran gapen gamera noka ¹⁶ anam le gemera noka gesuko oibai gomon gaila manle naltele genoka gal gei benamimia mana Allatalah ge surat nali mina ¹⁷ manle anamle gemera baka o bei nal karnuku gi gamanisi gou tanei kulbai mimiate gemera nali nanga am upilur nanga wai murbai baka tabel mi mui ge padota ou takuna mia ¹⁸ manle geisiam nal noka nal punbai wai nal persi maksud mur maman manle gemera maran no Allatalah gamouhu galaki manamo gemera meli meli mana ogoya gemera meli meli ¹⁹ manle noga taka pun bai akus pou gegarana man nen gegarana sei Roh Kristus Yesus nulen lemigamui gal migareni manamo gosi kokal ²⁰ jai ubeki bai noka mana mo ni tabela gal jinanga meigal wai gegawara nam ni kul mi bai nanga karna nelar gegawana ge ni gedobu mir mara mo Kristus gi ogaya man pun bai genoka gegnol migarani gal giol mi gebihi geolora gai noka awei mana Kristus mana bai noka mia genaga nangale men ²¹ piyai le de tenaga o am Kristus tai mia pimen nam pi untu ²² mante atebi nikul nenaga maigal niak mia man masi nibai kerja manam isi kabui mante tego ga nomi nenlaka nanga ²³ kul nai dagati bei gal pilian ayoku mo neno mayam manam goisa bai Kristus mia neyau wen mur minoka ²⁴ pun bei jago mia manamo jiogai minoka bai nogeyau ²⁵ nemera gal jai lai nen laka manam ni pogonuku misa o jugu nuku bai gal noka gamol bei iman ²⁶ manle niwai nawai sei japata manmasi jimera aya noka manle ainoka mo wai galtanel Yesus Kristus mia. TONUKI WAI OGAYA GETAI GEDOM ²⁷ manle yalaman eot tomo ledebu gal Injil Kristus manamo ben nam ni suai jaimitomui male suai nanga nam umigi noka mante jam atenna sa biki roh nuk gemara mia gal pikir nuku tarisi udom sama-sama berjuang iman ya Injil ²⁸ tabela gatan nanga jam anam jeme jemelan pun etaban migarana mante omo pes deitamakan galgami manle enok egamol gal ji wai pasomo tanei ya Tuhan ²⁹ tantan tanei gal Kristus jai le gal mijiran gap antan gai usuk nanga male gaitanei gesusa gelela gal gei ³⁰ gamo gegarana jam kalol gowar tarisi puen ugui gal gowar wai le jimagi o go namde wai uga suk