TEUKAR YESUS NINA ¹ Mante ji Kristus mia gadom lewan,gamoli gei tonoki Roh gai sayan, wai sayan galmi garani. ² Ugasami soson waimeara ganuki, suk nuku gapata geiman teresi, mitonoki ROH mia wai gapu nuku o dobo. ³ Tabela gaman neleyatte emera bati wai padalawai mante man anata-anata manle wai emera gamai, gasuk anam abanga murman ya emera enakin. ⁴ Tabela tar-tar jai murugui gal aikolo mia enakin, tantan tanei anam anam abanga usuki. ⁵ Galol gatani ukar po omo gal jai jinai, teni taweni gegapata maqn Yesus Kristus, ⁶ wai tawan tanei gemara agabar Allahtala, gai nanga marani mitaresi Allahtala oganuku omopuen nalnuku nina kulmigapuna. ⁷ Gegawara, gai gamani gal giak nal nuko so gapu nanga wai eba sal iyak puen gurbasal gal mitaresi pei mara anama noka. ⁸ Anama noka nina gai mera mi, gi garei giak gamai galoli ya meni, wai kulkas atei la meni. ⁹ Gapo ge galol ge gatani ogen Allahtala kul migaleli wai anugerah galgei ganeiwai la gane ui ¹⁰ mante Yesus goneimia oganuku geiluku gapoli gewen mur outenamia dunia lah bei gewen dunia getamia- ¹¹ wai kanapa alibar i uyuri manbei Yesus Kristus gewen Tuhan galge baloa Allahtala mambata! ALLAHTALA SIRIWISI GAL PAI MI ¹² Gai mano, neura-neura ne man galnei, puenno sai mul galol gap mur le nai apa puganuku, lakali yala le nai nanga man puga nuku- sirisi pinok pigamol wai toumewai bagip. ¹³ Gamo, Allahtala le sirwisi galjaimi, noka man suka mayau beigal ge siriwisi nallen gareila. ¹⁴ Gaman le oupile omo alik koi nanga wai mitogasol ¹⁵ mante jai ili baka nanga wai aitabel nanga, puen Allahtala giol minaka, gesikola tena-tena solan le kawala wai o upi, mante jamo u balou ge ganaya gainun puen baloa dunia mia. ¹⁶ Ugapuna biki bai gamouko genaga, mante bei Kristus ge balei, nai garana utarai mi gamoli mante nai taki nanga wai anata-anata. ¹⁷ Manle nam kul sarle puen lantok palola ge la ge palola wai suan manu, nai nalali wai sosan noka mi jai oganuku. ¹⁸ Gamomani tanea jai, wai pakan ya taresi, arei mi meli wai la anoki jiogonuk-ganuku nai tanei. PAULUS GATAN GADOLI TIMATIUS WAI EPAFRODITUS ¹⁹ Tuhan Yesus mia, nai abiki wai mur Timatius gasol galei manamo nam di hiburkan mani umagi marin gal jai. ²⁰ Manle, nam napu nanga anam abanga pue gai, amen wai jobu ugui genoka gamol. ²¹ Manle, wai abanga murle gawari gegaloli genakin gap Kristus Yesus gesuk nanga. ²² Puenle jenlaka, Timatius le gamani giak ge eli, gam gaisiri wisi puoganuku ya migasiri Injil gal ugapi puen anam ol minaka gal gemam. ²³ Mante, nam obiki mante asoi gam aya le nam nomagi nalen mur no sudapge, ²⁴ manle namni ugadopi gal Tuhan mi garani mante nam nenakin tanei ni sua ai mi tomui. ²⁵ O mo mani nam ni usuk le nokate Epafroditus gasoi apatamia, gam ne urah, nenuku pelayanan nuku, nenuku taman mia. ²⁶ Mante, gam mur ai usuk o upi wai gemara susa gal jiran ni wai umagi si garik sisa. ²⁷ Le aten, tanei le yaman garik nang jan meni, manle Allahtala noka sayan galmi garani gap wai gam genakin, manle nai tanea mante ne susa tailamop hamen nanga. ²⁸ Mana go, mam kul masel nasoi nawari ya apati mana mo jam nok gamol jigara gei man iugui, wai kalaba e mera gayok. ²⁹ Garan laki Epafroditus Tuhan mia suk gamoi ai mia wai anam noka galuk puen gainina ³⁰ manle nanga dan meni gal Kristus ge siriwisi, ga nosin gal lai gal gelben go galel man de gahnel nanga.