¹ " Hammattarrakin nebbam pahhalakkoyya nakKEWAJIBAN hattennam la arrodda kaddad toyyo, abbum kab attenekkan kadda ittewwa he iyo bawwem. Mabbahennenna, yom janna dadnekma bannahibba kahhewwa walla Bappam nella hoylo. ² Orro iddokka, manneyyom battongrom nembammattul, abbum ha upkaw kappikko nella arrom kahhengngo tokkawwohhokka badda rayyin la umma-umma dokkawojjo mowwal lalarra tannam he iyo kadda dekkamma hetto hekka. Yag tokya kahheppijjangngo labbarram yom orrongngo he iyo dahhibba mowwakka kahhewwadda. ³ Tabbollo iddokka, neyyom battongrom mattul, abbum hallokkon nallimma kallem banna tajjayya appan nallimma kawwannam harrayna, ⁴ tannam nenna mattullum nakkabunyne monno Bappam na itteyya nekkabbuny nawwonne kahhewwa nellabbarram." Hannuwwa Nettut Kawwojjo ⁵ " Monneyyom, bamkawwojjokka, abhekkangngo hetto kawwohhokka orrongngo he iyo habbedda dedde monno kawwojjo nella umma haddokawwojjo mollahhing larra tannam kadda ittey hetto hekka. Yag tokya kahheppijjangngo labbarram yom, he iyo dappojjayka hibbay kahhewwadda. ⁶ Tabbollo iddokka, nebba tongrom yom kawwojjo, tammaw noddallo lakkorrom motton yannabinna, mokkawwojjom nella Bappam kannengngo lahhaddo kabbunyhingngo, manna Bappam ka itteyya nekkab bunyhingngo nawwo kahhewwa labbarram yo. ⁷ Manneyyom, bamtongrom kawwojjo, abbum wakkangngo hannewwe jakka manggonna, kahhengngo harrayda hetto jakka tajjayya Nammangaklang, orrongngo he iyo badda tankattut nebbadda dangngay hattokda, he iyo darrongngoney. ⁸ Mannenne, abbum hammerranekka hella iyo orrongngo Bappam nattajjayya appan nehha kab attem yom jamkarrek mahho Labarranna. ⁹ Kawwojjom nehhennenna, 'Bappamma yamma nella hoylo, Nattengngo Nangngarram. ¹⁰ Nemmen banna mayyo Nahharehham, naddadka Hammoddam lappontanna kahhamerra nella hoylo. ¹¹ Woggamma yamma, henna loddo, hammumma kattut rokkangngo. ¹² Mahhawwal kaggammad hedduk dobbomma, kahhengngo yamma dommol bamma hawwallid hetto kadduk dobbo labbarramma. Ma, abbum ngodkamma yamma neddallo ladduk dobbo, tabbollo pahhilpoggamma yamma wal nekka jollorra. Orrongngo Yoddokka Kaddagnen Nehhaddongoddo, monno preha, mammannaddangngo kohha anna murri-anna murri. Nattenna.' ¹⁴ Orro neyyom bam hawwallid hedduk dobbodda hetto hekka, Bappam lahhoylo dommo nahha waldommoggim. Tabbollo iddokka, manneyyom bajjam hawwalkad hedduk dobbodda hetto hekka, Bappa dommom janna dadma banna hawwallid hedduk dobbom." Kannoggo Nebba Tongrongngo Jammujain ¹⁶ "Manneyyom, battongrokkam jammujain, abbum bujka kahhengngo tokka wohhokka orrongngo he iyo dahhajellud kannoggodda tannam kadda ittey nebbattongrodda jammujain hetto hekka. Yag tokya kahhepijjangngo labbarram yoyyo mahhe iyo dahhibba mowway kahhewwadda. ¹⁷ Tabbollo iddokka, yom, bajjammujamin, laggorra kiyya nakka tokkum mabbahha kiyya nammattam ¹⁸ tannam jammumjainnum abda it teyya to, tabbollo nenna Bappam kannengngo lahhaddo kabbuny. Ma, Bappam ka ittegud pa rayyim hekkabbuny nattaggud gobbadda labbarram." Kohha Newhappotte nella Hoylo ¹⁹ '' Abbum ojjokkangngo nettut pollatto daggum happotte lappontanna, haddo mobbo monno wanna jaddohha, mohhaddo tokkek heggarrad monno keddud. Tabbollo iddokka, kohhanew nettut pollatto daggum happotte nella hoylo, haddo mobbo monno wanna janna hawrokmad mahhaddo tokkek janna heggarrakmad mokkekwallid. ²¹ Mannebbahenna nehhaddo happottem eddo neddi, noddommollin na attem eddonennen." ²² " Matta apwe nappolla to. Mannenne, manna mattam banna dohhakka, tangkohhanna pollattom nammagak kahhangngo. Tabbollo iddokka, man nenna mattam banna bokkallakka, tangkohhanna pollattom nabbonnengngo kappogto. Mannenne, nenna maggakkahha baddokkan nennelhon labbarram kappogto newwalya, mahhejja anna kappodda nekmayakka." ²⁴ " Jannek mangngo toyyo kaddad MELAYANI heddu morna orrongngo ne iyo nabbudnen nammorna nahhawwuyyo monno namma nawwarran nahhawwaddekka, monnel iyo naddokkun nammorna nahhawwu monno nahha wawwayya hehhawwaddekka. Yom janna dadma bam MELAYANI Mangngaklang monno marrap." Yom Abbum Jallahangngadda ²⁵ '' Orro iddokka, Yag tokya labbarram, abbum hangngaddan nettutna morhom, appan nehhamum molka appanen hainnum. Kahhe dommolnan tutna nappolla tom, appan nehhawam. Nenna morhom janna rehnekkahho walnehhammuyyo, monna polla to walnella kallebbe? ²⁶ Ittekkiy hekkawurngo lallangto jakka hobbarrangngo, jadda mangngutma, mojjdda kohhakma neddallo lalleppetta, tabbollo Bappa lahhoylom nawwod heh iyyo muyyo. Neyyom jamreh nekkakho mangwollim walhella iyyo? ²⁷ Garran nolla jongngam yom orro banna hangngaddan naddad tabbayya haddoppa na USIANYA? ²⁸ Manne, tutna kallebbe, abbanne yom mamhangngaddan? Hammattarrakin na BUNGA BAKUNG lammarodda, ahhanyinda badda mattuyyo, he iyyo jadda karrejjakma molka jadda kammoddettakma, ²⁹ tabbollo Yayyo jagtokkik mayya labbarram manney Salomo neddallo tangnganna mannadda dommolkanna janna wakmangngo kallebbe kahhengngo kahhamerra wal nahhawwu walhe BUNGA-BUNGA. ³⁰ Manne, herrubba lammarodda, hekka nengngo henna loddo monno merrahha dallettod neddallo lammarawwakka, Mangngaklang nallagorra teppijjayya, mojjanna reh nekhoyomwal, hey neyyom jakka hattenna piyyo? ³¹ Orro iddokka, neyyom abbum hangngaddan nebbattokya, ' Appannen hammumma?', mowwalka 'appan neyyamma hawwamma?' ³² Orrongngo, hetto ihha kallibbo mayyegga-yeggangngo hettangngadda monna Bappam lahhoylo tajjayya neyyom bamkab atted hettangngadda hiyyo. ³³ Tabbollo iddokka, mayyegga ullun Napparehhanna monno Tennanna, mahhe tangngadda dattabbagimmid labbaram. ³⁴ Manne, abbum hangngaddakan nettutna loddo merrahha orrongngo loddo merrahha nahha ngadda wuddagna. Tutka nonnalloddo nammayyilla dagna."