¹ Manne banna itteyka hetto dangnga, Anna Nahha ponnenan nella ponna anna lettek. Mappojjakka ne Iyo banna ngoddo, he Annahakkoddo Hallollenna nemmed badda mayyo nella Labbarranna. ² Manne Iyo nabbuggerran Nawwobbanna manna hannuwwad he iyo, Hattokna, ³ " Dammarringngo nenna tommilla dallo lawwad tengngo orrongngo he iyo kaddaggun nenna Nahhaddo Kahoyla. ⁴ Dammaringngo he iyo kammayilla orrongngo he iyo dahha dohhadad at tedda. ⁵ Dammarringngid hetto kammaloyya attenna orrongngo he iyo kaddaggun nappontanna. ⁶ Dammaringngo he iyo karrebba monno kammadoyyo nettutna kattenna orrongngo he iyo dahha bohned. ⁷ Dammarringngo he iyo kammanawwarrangngo ollennna orrongngo he iyo dakkollengngo mannawwarra. ⁸ Dammaringngo he iyo kammurrahha neddallo la attenna orronngo he iyo da itte neyya Nammangaklang. ⁹ Dammaringngo he iyo kangngodyanna mol atte orrongngo he iyo dattokney ba annanad Mangngaklang. ¹⁰ Dammaringngo he iyo nehhammayilladda nettutna kattenna orrongngo he iyo kaddaggun Nahhaddo Kahhoylo. ¹¹ Dahhamarringgim yommi mahhetto katterliwwum mokkahhamayyillam, makka tokya tangnga ngarra hattok bokkalla labbarram yom wangngopoddu orro Yayyo. ¹² Marringngo monno dohhakka orrongngo bokkollo haddaggum nella hoylo orrongngo hemmemmadakka he iyo kahhamayyillay he annawit annalimma nebba jayyomho." Moh monno Maggakkahha Pontanna ¹³ " Yom nenne moh pontannam, tabbollo nenna moh banna kobbakakka, ma appa nekkangka pahha mohwaddan? Ne Iyo jammang go hingmannakka hellen balletton mobba dekke-dekken het toyyo." ¹⁴ " Yom nenne maggakkahha pontanna. Harronna kannengngo lappon lettenna janna dadma bakka bunynyin. ¹⁵ Hetto dommo jadda hajjerkokmay he apwe monno bojjollayya nella kabkattongnga, tabbollo nellappon wit apwe, manne iyo nahhammagakkahhan tangkohhanna kannengngo neddallo la umma. ¹⁶ Jekkanna nammagakkahham dommom najjerko nehhadda kahhamerra tannam he iyo kadda ittey heppa rayyim kaddohha monno kahha mannaddaggun Nabbappam nella hoylo." Kannatennakka Na Ukpatta monno Hurrattadda he Annawit Annalimma ¹⁷ " Abbum hangngaddakkan ne Yayyo bag mawwa nekkag Pungngay he Ukpatta monnel hurrattadda he annawit annalimma. Yag mawwa nekkag pungngay jawwennekmag tabbollo nekkanna tennanne. ¹⁸ Yag tokya kahhe pijjangngo labbarram, kohhaduk nallangto monno pontanna bajjanenka, jannek mangngo hawwua IOTA monno hawwua kattagarto nekkabungnga walla Ukpatta kohhaduk tangkohhadda banna tubbay. ¹⁹ Orroiddokka, garran kappungngad nennahhawwu walhe prehha-prehha hekka hodda morrahha monno hannuwwa tohha waddekka nettut rayyid ne appan kahhamerra, manne iyo newwenneddan badda tokya kahhodda morrahha neddallo Lahhaddo Hoylo. Tabbollo garran karrayyid hepprehha prehha monno hannuwwad nebbokkolla wenneddad dallo Lahhaddo Hoylo. ²⁰ Orrongngo, yag tokya labbarram manne nattennam jannareh dohha nattennadda hetto pewwe Ukpatta monno tokka wohhokka, yomjanna dadhingmangka bamtamma noddallo Lahhaddo Hoylo. Nettutda Hetto Kabban Nella Ollebenna ²¹ Yom rongngo mowwayakka nehhattok nellabbarradda he nuhweikadda ittangngo, ' abbum hammattekka,' monno 'garran kahhamatte narrokka nengngo bangodya nella kapparehha maddetta.' ²² Tabbollo iddokka, Yag tokya labbarram mallangka garrakkan kabban nellabbarradda he olle bedda narrok kangngo bannen dallo lahhaddojalla, mallangka garrakkan kattokya nellab barra olle benna, ' yom kabbongnga,' narrok kangngo bannen la arro Kapparehha Hattenna, mallangka garrakkan kattokya, ' Yom kabbongnga,' narrok kangngo bannen neddallo la apjabbodda. ²³ Orro iddokka, manneyom bam mannuttad he marrakkam nella arro haddo kangngotte, manno habbalyom appeneyya nenna ollebem nennengngo neappangngo labbarram, ²⁴ ujjakkad he mannuttam nella arro haddo kangngotte mamhallakko nehhom moldongngad he ollebem, pojjakka nonno ballimka mammannuttay hemmarrakkam. ²⁵ Mallewwarra hingngo, moldongngan nenna tokkahhajallaw nebbam ollenehhon hallakkodongngan tannam abnahhajallaw banna leggaw nella kappa rehha maddetta mannenna kappa rehha maddetta abba leggaw nella anna hawweddenna, manneyom abnahhattammag neddallo laggol. ²⁶ Yag tokgun kahhepijjangngo labbarram, yom janna dadnehingmangka bamlohhongngo wal nohhabal kohha yombampojjakka wodwolda SEN nekkamur." Tokka Palto ²⁷ " Yom rongngo mowwayakka mabbaddatokya, 'Abpaltokka.' Tabbollo iddokka, Yag tokya labbarram mattangngakanna ihha toyyo kaddurrayya nahhawwu mawwinne manna kab atten, manne iyo najjalladongnganka nenna mawwinne neddallo la attenna. ²⁹ Mabba matta wannammun nehha jalladongngam, killokayya nenna mattam monnomletton. Orro, naddohhanehho yoyyo banna bungnga nahhawwu nappollattom mal abtangkohanna nappollatom yoyyo nebba letton dallo nella apjakkabodda uddollojakkamatte. ³⁰ Mabba, limma kawwannammun mamkollengngo jalla, kattuplo monnom letton nennalimmam orro naddohha nehho yoyyo banna bungnga nahhawwu nappollatom malab tangngakanna nappollatom balletton neddallo la apjakkabodda uddollojakkamatte. Ukpatta Tut Pahhewwa ³¹ Pojjakka battokya: Garran kahhewwa dongngan na arrawenna nawwohho hurratta hewwa nellabbarra arrawenna. ³² Tabbollo iddokka, Yag tokya labbarram mabba garrakkan kahhewwadongngan na arrawenna, hellen baorro kabatten, ne iyo raynan na arrawenna jalla. Mag, garran kajjekke pidya nammawwinne neppahewwa dongnganna ne iddommol najjalla. Tutna Harro ³³ Haddakkapiq, yom rongngo mowwayakka nehhattok labbarradda he nuhweikadda, ' abbum harro kawwohhokka, tabbollo ponkiyya nahharrom nella arro Mor.' ³⁴ Tabbollo, Yagtokya labbarram: abbum kabba-kabba awwangngo bamharro, wangngo nettut ngarranna hoylo orro nahhoylo bahhaddo ngoddo Mangngaklang, ³⁵ manne tutdommolna nangngarranna pontanna orro nappontanna haddo marrohkodad Witna, manne tutdommolna ngarranna Yerusalem orro bahharonna haddonnan na Ngorra To Bokkolla. ³⁶ Ab dommolka yom bamharro nettut nakka tokkum orrongngo yom janna dadma bamrayngo kaddipko aklogge, kakka mo mettengngo. ³⁷ Tabbollo, neddohhanna hattokkim, ngo bangokkan, jeddo bajjeddokka, orro nekka rehne walnella nonno walnenna labbokkalla. Nettut Tajjel ³⁸ Yom rongngo mowwayakka appan nehhattokmowwakka, 'Matta jelmata mongngod jelngod.' ³⁹ Tabbollo, yag tokya labbarram abbum gobbakkan nabbokkalla, tabbollo garran kappokkag lappappo wanna, hatturdommon labbarranna pappom hehhawwaddekkadommol. ⁴⁰ Man, nahhawwunnatto banna hakkikkaw manna jekkegun nakkallebbem, woddommolnan nabborrum labbarranna. ⁴¹ Mog, garran nekka MEMAKSAMU hallakko ihha MIL, ollem hallakko neddikkoronna dum MIL. ⁴² Wod tokkarre labbarram majjam tullarrakmad hetto kakkab attengngo karrettud labbarram." Mannawwarrakin Nammuhhum ⁴³ ''' Yom rongngomowwayakka nepparehhanna, ' Mannawwarrakin na olletom,' ma ' butkin atte nammuhhum.' ⁴⁴ Tabbollo, Yag tokya labbarram yoyyo, mannawwarrakid hemmuhhum mahhammaringkid hetto kahhammayillamyom, ⁴⁵ manne iknanka yom naddadne banna annagimmiy Bappa nella hoylo orrongngo ne Iyo bannapahhuddayya Nammattaloddonna hettutda kabbokkalla mokkaddohha, monnahhabburrun na urra hettutda kattenna mojjakka tenna. ⁴⁶ Orrongngo, neyyomka bam mannawwarrangngo tokkammanaw warragimyom, kahhewwa appanehhongngo yom hakkollem?Majjeddonekma tag kohha wol kattok neddommol narrayngo kahhamerra? ⁴⁷ Manneyyom bam wokkam tabbe neddikhenna nellabbarra ollebem, appan nerrehna parray ullam? Majjeddonekma hetto jakka tajjayya Nammangaklang dommol narrayullan dommon nehha ray kahhamerra? ⁴⁸ Orro iddokka, yom naddadnehho bamSEMPURNA, kahhengngo Nabbappam nella hoylo na SEMPURNA."