¹ Mannenna Anna Nahha banna pojjayka tangngadda heheppattok, Neppa tokna nella barra Anna Hakkoddo Hallollenna, ² "Yom tajjayya manne dulloddo monnakka dukkin narrahna PASKAH, manna Anna Kaddad To AKAN DISERAHKAN tut netterron." ³ Mahha leggeyakka, PARA IMAM KEPALA DAN TUA-TUA nokka lingngorra dahhawwud kohhay la ISTANA IMAM BESAR, nengka ngarrangngo Kayafas. ⁴ Mahhe iyyo dakkujlon tut woppayya na Anna Nahha newwan win kassuhka monno Hammatteyya. ⁵ Tabbollo iddokka he iyyo hattokda,"Nejjeddo nekman battongronna PERAYAAN tannam abnengngo KERUSUHAN nolla jongnga to dangnga." Anna Nahha Kollenngo Marring Walnella Hawwu Mawwinne ⁶ Nebba henna, nenna Anna Nahha bannenla Betania, laummay Simon kakkom, ⁷ hawwu mawwinne nemmen bannamaa Labbarranna nengngodne hawwu GUCI PUALAM morrahha kammang MINYAK bobburratta kabbutto hingngo wolna, mannenna mawwinne nabburnen lapponkattokna Anna Nahha nebba tongronna ngoddo muyyo. ⁸ Manne badda itteyya he anna wit anna limmanna, mabbandad monno hattokda,"Abba yinna PEMBOROSAN? ⁹ Orrongngo, nenna minynya bobburratta daadbamma lajjan newwolka buttokalla makkawod nella barradda tommilla." ¹⁰ Tabbollo, Anna Nahha, nattajjayya tutna yiyyi, hattokna labbarradda he iyyo, "Abbanne yom mamhamma yillayya yinna mawwinne?Orrongngo, ne iyyo dohha harrayna Labbarrag. ¹¹ Tabbollo, yom nejjuwwangngo tommilla dengngo olleggim, tabbollo yom janna daddik bannejuwwagga bam Ollegga. ¹² Mayyinna mawwinne banna burrin MINYAK bobburratta la Ihhig, nerraynan tut haggonna dagga Tannog. ¹³ Yag tokya labbarram kahhe pijjangngo mallangka laggekakka yinna INJIL nebba tallarran lattangkohhanna lappon tanna, appan hapojja mowwa nakka rayyin yinna mawwinne dahha newwe dommolpon nettadkonna ne iyyo." RENCANA Tutna MENGHIANATI Anna Nahha ¹⁴ Mabpojyakka, hawwu walhekkabbul dungngo anna hakkoddo hallolle, kangngarra nengngo Yudas Iskariot, hallakkonan nella barradda IMAM-IMAM KEPALA, ¹⁵ mahhattok, "Yom wogga ya appakkanka manne ya bagwoggimmin ne Iyyo labbarram?"Mahhe dappohtoyya tolkabbul kawwij ommahha rarra neddagna. ¹⁶ Mawwalnakka nonno, ne iyyo mayyeggannan rahkaddohha tut MENYERAHKAN na Anna Nahha. HIDANGAN PASKAH ¹⁷ Mannebba henna, nelloddo kawwungngangngo Kabbabba Jakkamang Morronna, he anna wit anna limma maddad labbarra Anna Nahha madda kappattangngo,"Laggenne Neyyo hakkab attem neyyamma eddo ha inynyakkaman nammu PASKAH Nettuttum?" ¹⁸ Anna Nahha ballehhanna, "Tammaw lahha ronna, labbarra hawwu to, kamtokya Labbarranna,'GURU hattokna,"Rahhig naddohhekka. Yag AKAN MERAYAKAN PASKAH la ummam olled he Anna Hakkoddo Hallolle.''''' ¹⁹ He ann wit anna limma rayyin kahhengngo Anna Nahha pahha weddenna nella barradda, mahha gonnan PASKAH ITU. ²⁰ Nebba henna, banna arrongka huddo, Anna Nahha ngoddonan nemmuu dongngad hekkabbul duyyo anna hakkoddo hallolle. ²¹ Mattong rodda he iyyo badda muyyo, ne Iyyo hattokna," Yag tokya kahhe pijjangngo labbarram mannen nahhawwu walla jongngam nabbokkalla Wagga." ²² He iyyo damma yilla-yilla hingngo mohhe ihha-ihha to halleggedad hannewwe Labbarranna, "Nettubbanna, jayyakma, Mori?" ²³ Manne Iyyo ballehha,"Iyyo, kappoplon nallimmanna neddallo latta robbo ne ollegga Yayyo, iddokka nekka bokkalla dongngagga Yayyo. ²⁴ Anna Kaddad To nahha lakko kahhengngo kamma tulho nettutna Iyyo. Tabbollo, namma yillanne nenna to, nebba orronan Anna Kaddad To DIKHIANATI! Naddohha nehho tutna nenna to bajjadda haddad memman." ²⁵ Mahhaleggeyakka ney Yudas, nekka MENYERAHKAN Anna Nahha, hattokna Labbarranna, "Nettub banna ja yakma, RABI?"Anna Nahha hattokna labbarranna,"Yom pojjakka bamtokya." PERINGATAN AKAN TUBUH monno Rutto Anna Nahha ²⁶ Nebba tongrodda he iyyo badda muu, Anna Nahha jekkenan kabbabba. Mappojjakka hamma ringngid, Anna Nahha kippu-kippuy monno bawwed he anna hakkoddo hallolle molka hattokna, " Jekkenek monno munnek, yiyyo polla Toggun." ²⁷ Mahhaleggeyakka, ne Iyyo jekkenan CAWAN, MENGUCAP SYUKUR, manna bawwed nella barradda, Hattokna, "Yom kohha, innum walla barranna. ²⁸ Orrongngo, yiyyo Ruttogun, rutto pattokmowwayakka, pabbowwonne tut to dangnga tut hawwallid dokjalla. ²⁹ Yagtokya labbarram nettutna Yayyo janna dadma bag inwa HASIL wal yilla pungnge ANGGUR, wal nebba henna duk HARI ITU, manne bag Inwa ANGGUR kabbangngo ollegim yom dallo la KERAJAAN Bappag," ³⁰ Mappojjakka bag gellen nahhawwu lawwit, he iyyo hallakkodad la Lette Zaitun. Petrus Na MENYANGKALI Anna Nahha ³¹ Mahhaleggeyakka Anna Nahha hattokna nella barra Anna Hakkoddo Hallollenna, "Yom kohha muwwiddam orro Ya henna huddo. Orrongngo nen kamma tulho, 'Yaggu palney tokka jawwa, monno hebbebbe-bebbe wal nolla kallibbo nehha-hannedda'. Zakharia 13:7 ³² Tabbollo iddokka, pojjakka Bag kodde, Yag ulgim yom atla Galilea." ³³ Petrus hattokna, " Langbakka tangkohhadda widda Orrom, yayyo janna dadmemmakma widda." ³⁴ Hattokna Anna Nahha labbarranna, "Yagtokya kahhe pijjangngo labbarram henna huddo memma, majjanna kukkuk mahhoy man, yoyyo AKAN MENYANGKAL Yayyo haddol wuddangngo." ³⁵ Petrus hattokna Labbarranna, " Yayyo langbag matte Dongngag, AKU TIDAK AKAN MENYANGKAL-MU!" Tangkohhadda anna hakkoddo hallolle hawwaddekka dommo tokya nekkahha merra. Anna Nahha Kawwojjo la Getsemani ³⁶ Mahhaleggeyakka Anna Nahha dukdobbadad olled he Anna Hakkoddo Hallollenna lahhaddo kangngarrangngo Getsemani manne Iyyo hattokna nella barra Anna Hakkoddo Hallollenna, " Ngoddomla hehhenna, ney Yayyo atga nohhabal lokka wojjo." ³⁷ Manne, Iyyo marrongnga nanniy Petrus monno hekka dungngo annanney Zebedeus Ollen, manne Iyyo halleggenan nammilla monno mayyilla atte. ³⁸ Mahhaleggeyakka, ne Iyyo hattokna labbarradda he iyyo, " Atteg namma yilla hingngo, dukbanna hammerranne nammatte bappoddan. Engngang ngolla hehhenna mo engngakngo BERJAGA-JAGA Ollegga." ³⁹ Manne, Iyyo naddikkorro hokkingngo, manna SUJUD dukna ngorranna la tanna monna kawwojjo, Hattokna, " Bappag, banna dadhe, langbakka yinna mayyilla ka abnalli Labbarrag. Tabbollo iddokka, abhekkangngo nehhakab atteg, tabbollo kahhennengngo hakkab Attem." ⁴⁰ Mahhaleggeyakka, ne Iyyo nemmenan banna mayyo nella barradda he Anna Hakkoddo Hallollenna manna dukkid he iyyo tongrodda majjur. Ma mokka, ne Iyyo hattokna labbarray Petrus, " Man nenne, yom jam dadma BERJAGA-JAGA ollegga Yayyo maddenna ihha JAM? ⁴¹ BERJAGA-JAGA monno kawwojjok tannam neyyom abbum kannad neddallo la hajjodde. ROH MEMANG PENURUT tabbollo nakka biyyo lojja." ⁴² Anna Nahha hallakko piknan nep pahhaddu wanna manna kawwojjo, Hattokna, "Bappag, mayyiyyo janna dadma hilpongngo helle nehhongngo Bag innun, hakkab Attem kalla nekkadad." ⁴³ Haddakka pig, neiy banna mayyo manna MENDAPATI he iyyo majjur orrongngo hemmattadda nabbutto hingnguyka. ⁴⁴ Manne, Iyyo na ujja kadda he iyyo, manne Iyyo hallakko piknan, manna kawwojjo nehhaddol wakkangngo, hannewwed hehhattok kahha merra. ⁴⁵ Mahhaleggeyaka nenna Anna Nahha balnan nella barra anna hakkoddo hallollenna mahhattokna, "Majjurrumka nebba henna monno hawwol allamka. Ittekya, rahna reh dohhekka ma Anna Kaddad To newwoddanka la limmadda to dokjalla. ⁴⁶ Koddemka, maddakka kadda hallakko. Itte, tokka wowwa Yayyo naddoh hekka." Woppadan na Anna Nahha ⁴⁷ Mattongro honna na Anna Nahha banna hannewwe, Yudas, hawwu wal hekka kabbul dungngo anna hakkoddo hallolle nemmaddad. BERSAMA-SAMA DENGAN DIA, KERUMUNAN bokkolla to dangnga taggalla kitto monno pal toddo, walhella IMAM-IMAM KEPALA monno TUA-TUA BANGSA ITU. ⁴⁸ Nebba henna, ne iyyo kawwoyya na Anna Nahha nawwod he iyyo tadko, hattokna, "Garran nehha uddokkag, iddokka ne Iyyo, ne Ikka woppay yakka." ⁴⁹ Yudas naddohhe-dohhe nella Anna Nahha monno hattokna, " SALAM, RABI!" May Yudas na Uddokkayya. ⁵⁰ Anna Nahha hattokna labbarranna, " TEMAN, rayyinka nehha maddongngam." Mahhaleggeyakka hetto dangnga dohhekka daddi, MELETAKKAN limma la Anna Nahha, madda Woppayya. ⁵¹ Ma, itte, hawwu wal nella jongngadda ka ollen na Anna Nahha MENGULURKAN TANGANNA, ting habbalya nak kittonna, manna kaddukkon na anna wit anna limmanna nenna IMAM BESAR, manna kattuplonan nakka tilna. ⁵² Mahhaleggeyakka, Anna Nahha hattokna labbarranna, " Hoppen nakkittom lahhoppenna, orro tangngadda tamma kitto dammatte wangngo tamma kitto. ⁵³ Monnewal, yom hangngaddam janna dadma neyyayyo bagreinowwa labbarra Bappag, manne Iyyo, nemmemma, nawwoo karreh kabbul duyyo PASUKAN MALAIKAT net Tuttug? ⁵⁴ Tabbollo, ahha nyiddommolna nollong nganna Hurratta Hor banna bonngo nekka wennengngo naddad hennehonna? ⁵⁵ Atna rahka longngangngo, Anna Nahha hattokna labbarra hetto dangnga,"APAKAH nahha merra gobbangngo yom tokka rebbo yom lohho wangngo kitto monno pal toddo nebbam woppawwa Yayyo? Ihha loddo-ihha loddo, Yag ngoddowwa MENGAJAR la BAIT ALLAH manne yom jam woppakmawwa Yayyo. ⁵⁶ Tabbollo iddokka, tangngadda hiddaddad tannam he hurratta he anna wit anna limma kanna bonkadda." Mahhalegge yakka, tangkohhadda he Anna Wit Anna Limma da Ujjakanka madda palla laddag. He Kappa Rehha Yahudi MENGHAKIMI Anna Nahha ⁵⁷ He iyyo dawwoppayya na Anna Nahha Damma Rongngan labbarray Kayafas, SANG IMAM BESAR, haddodda he toppewwe ukpatta monno he TUA-TUA eddo hakkawudda makkohha. ⁵⁸ Molka, Petrus naddokkun na Anna Nahha walla dikkorro duk lakka jongnganna na ummannay IMAM BESAR. May, Petrus nattamma, ngoddo dongngad he PENGAWAL nettut itteyya nohha balna. ⁵⁹ Nebba henna, he IMAM KEPALA monno tangngadda SANHEDRIN mayyeggadad hannewwe pollekka nella barranna Anna Nahha tannam kannadad dollun jalla mattenna Iyyo. ⁶⁰ Tabbollo iddokka, he iyyo janna dadma dakkollen magba dangngay hetto kawwo hattok pollekka kamnemmengngo. Mahhaleggeyakka, nedduu hetto kahhudda, ⁶¹ mahhatokda,"Yinna to hattokna, 'Yag dadwa heggarran na BAIT ALLAH magha kodde habbalya nella tol loddo.''' ⁶² Mahhaleggeyakka, IMAM BESAR koddenan dedde mahha tokna labbarra Anna Nahha,"Manne Yoyyo jammang habballehhakmam? APA YANG ORANG-ORANG INI SAKSIKAN TERHADAPMU?" ⁶³ Tabbollo, Anna Nahha engnga donna kaddonna. Mannenna, Imam Besar hattokna labbarra Anna Nahha, "Yag Harrog wangngo ngarranna Mangngak lang kammorho tannam neyyoo kamtok gammad labbarramma yamma, manne Yoyyo ADALAH MESIAS, Anna Mangngaklang?" ⁶⁴ Anna Nahha hattokna Labbarranna,"Yom pojjakka bamtok dagya. Tabbollo iddoka, Yag tokya labbarram mahhaleggeyya wal nebba henna yom AKAN MELIHAT Anna Kaddad To ngoddo lattabbarra kawwanna kahhodda maddetta Prehhanna, manna mayyo lappon awwangngo la langto." ⁶⁵ Mahhaleggeyakka, IMAM BESAR hirrayya nakka lebbenna mahha tokna,"ne Iyyo na MENGHUJAT!APAKAH LAGI PERLUNYA PARA SAKSI? Itte, nebba henna yom rongngo dagyakka HUJATANNYA. ⁶⁶ Ahha nyinna pahha ngaddam?" Hee kappa rehha Yahudi dabballehha, "ne Iyyo nattubbanne hibba jalla matte." ⁶⁷ Mahhaleggeyakka, he iyyo datta rumnan na Arronna madda Jurrayya. Mahha waddekka Dakkapokkan. ⁶⁸ Mahhe pattokda, "BERNUBUATLAH TERHADAP yamma, hee MESIAS; garra nen kappalluw ney Yo?" Petrus Janna Ngokman na Anna Nahha ⁶⁹ Nebba henna, Petrus ngoddo lahha balhod mannen nahhawwu mawwinne tolla umma nemmen banna maa labbarranna mahha tokna, "Yo alla ollem dug Anna Nahha, nenna to Galilea." ⁷⁰ Tabbollo, Petrus MENYANGKALNYA la arrodda he iyo tangkohhadda, hattokna, "Ya jag tajjak mayya appan neppahha newwem." ⁷¹ Mahhaleggeyakka Petrus lohhongngo la binna bokkolla, mawwinne la umma hawwaddekka da itteyya iyyo mahha tokda latto dangnga nokka nongngo habbal,"Yinna to olle juwwadda he Anna Nahha wal lan Nazaret." ⁷² Ma, haddakka pig Petrus MENYANGKALNYA banna harro, "Yayyo jag tajjakmayya nenna To." ⁷³ Jamma dekma, hetto kaddedde nonno daddoh hekkayyay Petrus mohha tokda, " Nattenna yo alla ADALAH SALAH SATU wal hella iyyo orrongngo LOGATMU ibbam hiwrow." ⁷⁴ Mahhaleggeyakka, Petrus hallegge nanka MENGUTUK manna harro, hattokna, " Ya jag tajjakmayya nenna To." Ma, kodde ngod yanna mayyallo banna kuk. ⁷⁵ May, Petrus appe nenanka hattok nanna Anna Nahha, " Majjanna kukkuk mahho namma yallo, yoyyom MENYANGKALI Yayyo haddol wuddangngo." Mahhaleggeyakka, ney Petrus lohhongngo manna huu hammilla hingngo.