¹ Orrongo, tangnganna nahhatenna bokkollo papidde wallajongnga toodangnga pahhaweddey tut kaddadaad daad badda jelluy dallo lattut kawwonna kingngo la Marobba Alla, tannam kadda daddik badda wook hawwowodda monno KURBAN-KURBAN tutdahe dokjalladda. ² Orrongngo IMAM BESAR alla nabboonngo dobbo, manne inna alla nadaad banna kannoggo LEMBUT labbarradda hettoo kajja manghattajjanna manna mallewwarra jollorro. ³ Orro iknan, manna engnganehhongngo bannawoow KURBAN hopdokjalla, jaibbellegma tut annasuuh, tabbollo alla tut polla too dag. ⁴ Jannekmangngo IMAM BESAR kaddaad jekkeyya yinna ngarra tut polla too dagna, manne hibba nehhenan nebbanna kammakkon na Marobba Alla, kahhe allaknanka ney Harun. ⁵ Kahhe dommonan ney KRISTUS janna hammanaddakman na wukmanna tut daad hawwu IMAM BESAR, tabbollo orro iyyo kawwenna labbarranna, "Yoyyo anna gug. Henna loddo Yayyom daad Bappamga."Mazmur2:7 ⁶ La hekka haddoo weddommonna banna tokya, "Yoyyo IMMAMMUW tut hangngattangngo, pahha ngadda pattaney Melkisedek."Mazmur110:4 ⁷ Dallo lammorhonnay bakka daad toyya, Marobba Yesus nawwoyyanna mannawwarranna monno harreynonna wangkallool mangweematta, labbarranna Iyyo kadaad hammorhan walla matte. Madda rongngoyya orro tennanna. ⁸ Langkay Marobba Yesus bahha anna belle heyya, tabbollo ii nahha kolla tut liwwawwa leddenna mayyila pallinna. ⁹ Manne pojjayka bappon ya, Iyyo naddaad pungnge morho hakkittangngo tut too dangnga kalliwawwa labbarranna, ¹⁰ manne Iyyo nammakko mowwanka na Marobba Alla SEBAGAI IMAM BESAR kahhengngo nappattaney Melkisedek. Naanyanga laarro ha atte ROHANI ¹¹ Ned dangngay kaddaad hattok tutda hehhe. Tabbollo, mayyillay tut tookkiy orrongngo yom bam doddongnga tut rongngoy. ¹² Orrongngo, lang hiddikka nebbba henna yom baddokkan muddaad PENGAJAR, tabbollo ney yommim may yegga hongngo hawwuu too tut hakkolla pikgim tutnanne PRINSIP-PRINSIP DASAR nenna linna Marobba Alla. Yom mayyegga hongngo huuh jahha muunnekma kakkohngo. ¹³ Orrongngo, tookka morho walla huuh hettoo jakka dommakmahhonad nehha ngaddad lihhanuwwa tutkattenna, lakkedda rarrahoy. ¹⁴ Tabbollo nenne, hehhammu kakkohngo tutdad hettoo kahha atte, heeiyyo kabbojjakka hakkollay hee INDERA radda tannam kahhamerrad ahhad kaddohha monno jaddohha