Janji tut tamma lah haddoo ngahna Marobba Alla ¹ Man nenne, bat tong ronna rah tamma lah haddoo ngahna Marobba Alla banna dakhoo, langka merra kabboh daa, ba nenne kangngo laj jongngadda kajja daad kollen nenna raah. ² Mah he hij janna, lih haad tenna daa talla ra danka lab barradda, kah hed dommong ngo pat tallarra dadda lab bar radda, tab bollo lii neppa rongngodda janna doh hakma orrongngo ba jadda haw wun ned nahha tennadda hed took kar ronngoy ya. ³ Orro ba itta kah hadtenna, badda tamma ne lah haddoo ngah, kah hengngo hattok kanna, "Guh harrow wa lab ban nig: 'Maa jadda daak memmak ma badda tamma lah haddo ngah hug,'''Mazmur95:11 langkanna pojja ya harray ullanna Marobba Alla wal ba rayyin yinna pungnge tanna. ⁴ Orrongngo, lahha wuu hur ratta hor, Marobba Alla nahha newwe wenne nan tut loddo kap pitngo, Marobba Alla nangngah wal la tangnga ray ul lanna." ⁵ Tabbollo, kah hengngo hat tok mow wanna,"jadda daak ma badda tamma lah haddo ngah hug." ⁶ Man ne, na daad nehho tut hee haw wad dekka too no tamma lah haddo ngah, man ned haw wad dekka too kal longngangngo rongngo mowwa yakka lii KABAR BAIK, tab bollo janna daadma tamma orrongngo ne jahha tenna daa. ⁷ Ma, had dakka pig Marobba Alla nahha diddar rayya nahha wuu loddo hekka, nehha took"henna loddo", pat tok mowwa nakka ledden nay Daud at loddo ka longngangngo, "Henna loddo, bam rongngo nan na linna, abbu hakka tungnge rakkan na attem kah hengngo dallo la PEMBERONTAKAN."Mazmur95:7-8 ⁸ Orrongo, man ney Yosua na wob bed haddo ngah, ma Marobba Alla janna hil haw newwe dongngakmad tutngo loddo hekka nemme loddo pii. ⁹ Ba henne kanna, ma nenne hongngo doo ngah ne loddo SABAT tut anna suhhu Marobba Alla. ¹⁰ Tutda hee ii ka tamma mow wakka lahha doo ngahn Marobba Alla, daa ngah mow wakka walha rej jadda, kahhengngo par rayna Marobba Alla walpa ray ullanna. ¹¹ Orro iddokka, maddakka kadda BERJUANG tut tamma nella haddoo ngah, tannam ka abha wuh hingngo too kannaad orro bajja dokkun nalli tujja jahha tenna kahha merra. ¹² Orro, lii Marobba Alla namorho monno BERKUASA, manna reh lok wall nella tekko BERMATA DUA walla geddommo. Nenna linna nakkid kikkid madduhko dukkid banna hawwatted hee JIWA monno ROH, lajjongnga SENDI monno rii SUMSUM, manna dukkid hangngaddaad pahha ngaddadda monno hawwoll attenna. Jannek mangngo hawwuu harrangnga apa angngo kabbuny wal nella arronna. ¹³ Tabbollo, tangnga tangngadda dakka lool monno jadda kabbunynyikma walla mattanna. Labbarra nehhonna dawwonnehho neppa tagda ballehha tangngad neppa rayda.Marrobba Yesus KRISTUS ne e IMAM BESAR da ¹⁴ Orro ittangngo bannennengngo IMAM BESAR kamma naddangngo kapponne mowwakka lahhoyla, neyMarobba Yesus, annanay Marobba Alla, maddakka ittangngo hangngattangngo hammonno neyya neppamma ngakda. ¹⁵ Orro, ittangngo jadda dag nekmangngo IMAM BESAR jakka dukkid tajjadaad hee jollo radda, tabbollo ittangngo da dagnengngo IMAM BESAR pakkabba bedda nella tangnga tangngadda, kahha merra ittangngo, tabbollo Iyyo janna jallagma. ¹⁶ Orro ittangngo, nenna nahha tennadda, maddakka kadda maa dukkin nella haddoo mannawwarra tannam kadda hibbayya nakkanyur monno tobbokayya namma nawwarra tut badda tulda, dukkin neeb badda kab atten.