¹ Neba hena, Tangami bagu ole begimi,mono tutna rahim mono kanemengo, jaha helu ha tulhakmaya labaramu. 2 Tabolo, yomi dagu tangada katena tajaya na lodonai Mori enga nemen kahengo toyo kedu bana hudongo bana lodongo. ³ Koleha tangada toyo bada ha newe,"ha mol wumi mono kami dohami,"bura damo engana ba nemeni labarada he iyo mono hada neka kadadi,kahengo mawine bana podani na hebana bana ha ana,mono he iyo enga jana kolemango halurha wungo. ⁴ Tabolo, tangami bagu ole begimi, yomi jami morhak mami nola kapokto koha lodo nene engana bana magimi yomi kahengo toyo kedua. ⁵ Yomi tanga kohami idokala tangada lakeda magakaha mono tangada lakeda delaka. ida jaka walikmada la hudo bajedo kaya laka pogto. ⁶ Ba oro nani nene abu da majurka ida kahe ngo tangada toyo heka, tabolo mada ida kada engango bada jaga wuda bada tayi la ateda. ⁷ Toyo kama juru, majurru bana hudo lodongo mono toyo kaha wona ha inu mono ha wona dumoda bana hu dongo bana lodongo. ⁸ Tabolo, ba oronani ida ba ido kala tangadala lakeda delaka, madaka ida kada tajaya, bada wango kalebe zirah A hatena mono manawara, mono bada wango Toda B hamoneda enga da hoila mane mara. ⁹ Kamawolu kamarayi jena engak mada ida tutna bada kolengo liyo bani, Tabolo tutna bada kolengo hoila manemara bada liya nolai Morida ida,Maroba Yesus kristus, ¹⁰ Kakoleha mate tutda ida tanam ida, mabada majagakaduho bajedoka bada majurka, kole engana maronga donga-da. ¹¹ Ba oronani nene, ha modoni la diha-diha mono heyo hawadeka mono kami hakode wumila, kahengo ka tongrongo yomi rayini neba hena. ¹² Tangami bagu ole begimi, yama makarewu tutna baha akayi he iyo kaha yili buto lajongamu,mono ka kodogu nolai Mori, mono katoki guni. ¹³ Ha wolkila he iyo ka hehija- hijango nola manawara orona paha yilida he iyo. Morhamla nola hamolwumi olem toyo. ¹⁴ Yama madokugu, tangami bagu ole begimi,toki dadila he iyo ka morha tangana hamayada, hakulhayila he iyo ka marahan atena, tuludila he iyo ka loja mawala, mono tonronila mo tangakohana natoyo. ¹⁵ Hamataranila tanam abu nengo toyo kaha gobaya nena bokala mono kabokala, moka kamu runinila kami rayini ka doha la jonga dalarami mono tutna tanga kohana natoyo. ¹⁶ Ege ate hakitala! ¹⁷ Hakitangola kawojo kataba! ¹⁸ Wanila liyo ege ate nola tangana kadadi, tabolo, idokala hakabu atena kamawolu kamarayi nola yoyo mo nolai kristus Moroba Yesus. ¹⁹ Abimu poda kayana wadi katengngo! ²⁰ Abimuha horakadi bada liyo wawan hiyo tangada kama nyura ²¹ Tabolo,kabanila tangana kadadi! kamu ketenila apani kadoha ²² Kamu dikoronila walila tangan kohana hada kajapata! ²³ Wolakayai kamawolu kamarayi liyo moli ege ate dagukana naha murahakagimi yomi tanga kohami.wolaka nawadi katengngo, ura dewa,mona pola toyomu mono naliyo jonga kohaka,abi najalaka ba nemekani kali wali Morida,kristus Maroba Yesus. ²⁴ Iyo kakamakomi yomi idokala kadoha ate,Iyo engana nadadi bana rayini. ²⁵ Tangami bagu ole begimi,kawojo kataba jalakimi tutma yama ²⁶ Wokidi lima labara tangana ole bemu mono ha udoka manawara ²⁷ yayo guka rewu mono gu wani na ngaranai Mori, tutna bada baha ya nahurata yiyo labarada tanga kohada Ole beda noha ba