¹ Neba henaka. Tangana bagu ole begimi, yama maka raiya mono maha nuwagu wani ngarana Mori maroba yesus tanam kahengo yomi ha hiba bemi kawali la yama tutna ba, ahanyina yomi Bami morhami ka kawonango la kamawolu kamarayi, kamu rayini karehi winik waliho. ² Tabolo, yomi mitajaya tangana pahareha ahani yama paha dukma labaramu bana liya naka wa hanai Mori Maroba yesus. ³ Tabolo,yiyo ineho hakabu ate nala kamawolu ka marayi: kanogo murahamu, ba yomi kaha diko rowungo wali la harayi kajatut kajawonango; ⁴ Ba yomi katajaya diha-diha tajaya ba ahanyina bami kawahani napola toyo dagumu nola bada hamurahagu mono bada ha akawu, ⁵ Jeka nola jana mangodikmala kabonngo butu ate kahengo tangana toyo kaja tajaya kama wolu kamarayi. ⁶ Tanam abu.nekango diha wuyo toyo kajongaya mono kama tipula ole bena nola kahengo nene. tabolo, Mori inehola katani go bana wali tangana yiyo kahe ngo yama bama tokiya nehonana kawali layama paha apema mono kahehija-hijango labaramu. ⁷ Kamawolu kamaayi naka makoda ja tut bajanaha murahada, mono tutnenani bana hamurahada. 8.Oronani neba hena nene bagarani kaja hibaya na liha nuwa yiyo, je tok maya jaha hibana mono kamawolu kamarayiya, kawoni wadi kateng-ngo labaramu. ⁹ Tabolo,tutna manawara kaha ole bengong, yomi jami kabu atekma ngo diha wuyo toyo tutna nama tulha labaramu oronani yomi dagu kole dahar nuwagimi kamawolu kamarayi tutna manawarango ole tomu. ¹⁰ lopo wido,yomi koleha mirayini labarada tanga kohada ole beyo kanengo la Makedonia. tabolo enga,tangada bagus ole begimi, yama maka rewu mono li wawa tanam yomi kamu rayini karehi winik hongo, ¹¹ Mono runinla tut morha no kadona, urhayala tangana ha urha tut dagumu, mono hayiliwu mono wango lima dagumu, kahengo yama paha rehama la labaramu. ¹² Tanam yomi bami paha lakoya na morha non na roka nengo nola aroda tangada toyo la bali hodu mono jeda domok mango tangada ahango. ¹³ Tangami bagu ole begimi, yama jama wawakma yomi bajam tajaya tutna tangana toyo ka bak mate d tanam yomi kaja mayilla Kahengo tangada toyo kaja nengo hamoneda e. ¹⁴ Tabolo ba ida kaha tena ba Mori Maroba Yesus ka koleha Mate mono ka kodeha bali, ida daha tena jala kado ba kamawolu kama rayi engana bana kohada he iyo ka mate nolai Mori Maroba Yesus ka maronga dongadi iyo. ¹⁵ Yama matokya tutna yiyo labaramu mono ma wani na linai Mori, mono ida ka morha, kanehongo koha bana bali ha du wanai Mori,enga jana ha ulukmayi he iyo ka mate ulu. ¹⁶ Mori enga iyo dagu kaburu wali la hadoyo kama jaga mono nakala wulo, nena liyo ka wali la ana paha wedena f, mono enga liyo paha upu nani kamawolu kamarayi, mono tangada ka mate nolai kristus enga da bada kode ulu. ¹⁷ Mowalka, ida ka Morha ka enga hongo,engada keketa maronga dongada nola awango mono he. iyo tutna bada tobo kayai Mori neta la langto, mono engakakna ida bada ole juwa ni Mori. ¹⁸ Oronani nene agu ate goda kokoyi diha-diha mono tangadaha toki hiyo.