Khotbahe Yohanes Pembaptis ¹ Kie kabar apik tentang Gusti Yesus. ² Kabar apik kue molai kaya sing ditulis nang nabi Yesaya kaya kie, “’Kaya kie prentahku,’ omonge Gusti; Aku prentah deweke lewih disit kanggo koe kabeh ben supayane deweke mbukak dalan nggo kowe kabeh.’ ³ Ana wong tulung-tulung nang segara wedi, “Siapna dalan kanggo Gusti; ratakna dalan kabeh sing arep nggo liwat.’” ⁴ Kaya sing ditulis kue kaya kue uga nongol Yohanes nang alas gundul. Deweke mbaptis wong karo nyampekna kabar sekang Gusti. Koe kudu tobat kang dosa-dosamu karo kudu dibaptis supaya Gusti ngapurani kowe kaya kue omonge Yohanes. ⁵ Kabeh wong sekang daerah Yudea karo kota Yerusalem lunga ngrungokna Yohanes kae ngaku dosa dosane kae karo Yohanes dibaptis nang kali Yordan. ⁶ Yohanes nganggo klambi sekang wulu unta sabuke sekang kulit lan panganane walang lan madu alas. ⁷ Deweke ngabarna berita kiye engko sawise aku arep teka wong sing lewih kuasane ngluwihi aku. Mbok nguculi tali sepatune bae aku ora pantes. ⁸ Aku mbaptis kowe nganggo banyu nanging Deweke bakal mbaptis kowe nganggo Roh Suci. Yohanes mbaptis Yesus ⁹ Wektu kue Gusti Yesus teka sekang Nazaret bumi Galilea, lan banjur dibaptisi Yohanes ning kali Yordan. ¹⁰ Sauwise Gusti Yesus mentas sekang mbanyu, langite manga lan Roh Allah mudun kaya manuk dara nang nduwure Gusti. ¹¹ Terus krungu suarane Allah ngene, “Iki lho Putraku sing tek tresnani sing nyenengaken atiKu.” Gusti Yesus kagodha dening Iblis ¹² Sawise kuwe Roh Allah nggawe Yesus lunga maring alas gundul. ¹³ Patangpuluh dina nang kana Deweke digoda Iblis. Deweke karo satwa alas lan diladeni para malekat. Gusti Yesus nimbali nelayan papat ¹⁴ Sawise Yohanes diukum Yesus lunga maring Galilea lan nyiarake Injil Allah. ¹⁵ Terus kanda, Siki wis mangsane lan kratone Allah wis cedek. Ayo pada tobat lan percaya marang Injil. ¹⁶ Wektu Gusti Yesus mlaku nang pinggir segara Galilea, Deweke weruh Simon lan Andreas lagi njala iwak pancen wong sakloron kuwe tukang njala. ¹⁷ Gusti Isa ngendika: “Ayo melu Aku jalaran Aku arep ndadekna kowe kabeh dadi tukang njala menungsa.” ¹⁸ Saklorone ninggalna jalane lan melu Gusti Yesus. ¹⁹ Wektu Isa nerusna tindake, Deweke mirsa Yakub bin Zebedi lan sedulure Yohanes lagi ndandani jalane. ²⁰ Gusti Isa terus ngundang wong kuwe sakloron; banjur ninggalna ramane Zebedi nang prahu karo para buruhe, lan melu Gusti Isa. Wong sing kelebon roh jahat ²¹ Gusti Isa lan para panderekke teka nang Kapernaum, wektu kuwe dina Sabat Deweke mlebu ning pendapa lan mulangi. ²² Wong-wong sing ngrungokna pada gumun karo wulangane jalaran ngajare penuh panguwasa lan ora kaya ahli Toret. ²³ Wektu kuwe nang pendapa ana wong sing kesurupan demit. Terus njerit: ²⁴ He Isa, wong Nasaret arep nggawe apa karo aku kabeh? Gusti rawuh kanggo numpes aku kabeh? Aku wis ngerti sapa Njenengan: Gusti utusan suci sekang Allah! ²⁵ Ya wis meneng bae lah bentak Isa, metu bae sekang wing kiye. ²⁶ Sawise demite mbanting wong sing kesurupan, demite njerit-njerit seru banget lan metu sekang wong kuwe. ²⁷ Wong-wong sing ndeleng kadadiane pada gumun takon-tinakon, “Apa si kiye? Piwulang anyar! Sing nganggo panguwasan apa kepriwe demit bae bisa diprentah lan nurut Deweke!” ²⁸ Warta bab Gusti Isa langsung tersebar maring ngendi-endi nang lingkungan Galilea. Gusti Yesus marikena wong akeh ²⁹ Sawise ninggalaken pendapa papan ibadah banjur pada maring umahe Simon lan Andreas. ³⁰ Nang kono ibu mertuane Simon nggletak nang amben lagi mriyang. Dadi wektu Isa lan penderek-Ke mlebu ning omah, Deweke dikandani bab ibune. ³¹ Gusti Isa nekani ibu mertuane Simon, nyekel tanganen lan ditangekaken. Mriyange ilang lan terus ngladeni. ³² Wektu sore wong sing pada mriyang lan sing kesurupan demit digawa menyang Isa. ³³ Wong-wong sekota pada krubutan nyang ngarep umah. ³⁴ Gusti Isa marasaken wong-wong sing kena lelara lan nundhungi demit. Nanging Gusti orang marengi demit pada ngomong jalaran kae kabeh wis kenal sapa Isa kue. Gusti Yesus kotbah ing Galilea ³⁵ Utuk-utuk Gusti Isa wis wungu lan lunga nang tempat sing sepi lan ndengonga. ³⁶ Simon lan kanca-kancane nggoleki Gusti. ³⁷ Sewise ketemu terus matur “wong akeh pada nggoleti Gusti.” ³⁸ Gusti Isa njawab, “Ayuh lunga marang tempat liyane sing cedek supaya aku bisa ngabaraken warta Injil. ³⁹ Gusti terus njlajahi bumi Galilea khotbah ning pandapa ibadah, lan ngusir para demit. Gusti Yesus marikena wong sing kena penyakit kulit ⁴⁰ Wong sing kena penyakit kusta teka maring Gusti Yesus terus sujud, lan ngomong, nek Gusti kersa nambani, aku bisa cepet-cepet mari. ⁴¹ Gusti Isa atine trenyuh maring wong kuwe lan terus nambani. ⁴² Sanalika wong sing kena penyakit kuwe terus mari. ⁴³ Terus Gusti Yesus mrentah wong sing kena kusta kon lunga lan pepenget. ⁴⁴ Poma dipoma aja ngomong maring sapa bae, nanging temoni bae si Kiyai lang ngomong nek kowe wis bener-bener mari. lan aku arep syukuran nyembelah wedus kendit kanggo persembahan menurut prentah nabi Musa, utawane kanggo bukti yen aku bener-bener wis mari. ⁴⁵ Wong kuwe terus lunga lan ngomongaken nang ngendi-endi nganti Gusti Isa ora bisa mlebu nang sejrone kota, malah kudu tinggal ning tempat sing sepi supaya wong wong sekang ngendi-endi pada nyowani Deweke.