¹ Torus tu, aku manengok di tangan kanan-Nyo nan duduk di atas takhto tu sabijik gulungan kitab nan mampunyoi tulisan di sisi dalam dan luarnyo, nan disegel dengan tujuh segel. ² Dan, aku manengok satu malekat nan gagah basoru dengan suara koras, ' Siapokah nan layak mambuko gulungan kitab tu dan mambuko segel-segelnyo?" ³ Tak taunyo, tak ado saorangpun, antah nan disurgo, dibumi, maupun nan di bawah bumi nan tolap mambuko ato manengok dalam gulungan tu, ⁴ Mako, aku mulei manangis tasodu-sodu karono tak ado saorang pun dajumpoi layak ondak mambuko gulungan kitab tu ato manengok bagian dalamnyo. ⁵ Tak taunyo, satu dari tuo-tuo tu bacakap ka awak, "tak usah pala awak manangis, tengoklah, Singo dari suku Yehuda, katurunan Daud, dah monang, sahinggo Dio tolap mambuko gulungan kitan tu dan tujuh segelnyo." ⁶ Dan, ku tengok ditongah-tongah takhto dan 4 makhluk tadi, dan di tongah-tongah para tuo-tuo tu saekor Anak Domba badiri, macam kayak di potong, nan mampunyoi tujuh tanduk dan tujuh mato, adolah tujuh Roh Allah nan diutus ka saluruh bumi, ⁷ Anak Domba tu datang dan mangambek gulungan kitan tu dari tangan kanan Dio nan duduk diatas takhto. ⁸ Dan, pas Anak Domba dah mangambek gulungan kitab tu, kaompat makhluk dan kaduo puluh ompat tuo-tuo sujud di dopan Anak Domba tu, masing-masing orang tu mamegang sabuah kecapi dan sabuah cangkir omas nan ponuh dengan kamonyan, nan adolah doa orang kudus. ⁹ Torus tu, orang tu manyanyikan satu nyanyian lagu baru, "lagunyo : "Engkau layak mangambek gulungan kitan tu dan mambuko segel-segelnyo karono Engkau tolah disembelih, dan dengan darah-Mu, Engkau dah manobus orang-orang dari satiap suku, bahaso, kaum dan bangso bagi Allah. ¹⁰ Dan Engkau dah manjadikan orang tu manjadi suatu kerajaan dan imam-imam bagi Allah kito, dan orang tu akan mamrintah atas bumi." ¹¹ Torus tu, aku manengop, dan ku dongar suaro daro banyak malekat nan mangalilingi takhto, ompat makhluk, dan para tua-tua tu, dan jumlah orang tu baribu-ribu, bahkan puluhan ribu. ¹² Basoru dengan suaro nan koras, "Layaklah Anak Domba, nan tolah disembelih tu, manarimo kuaso, dan kakayaan, dan hikmat, dan kakuatan, dan hormat, dan kamulioan, dan puian." ¹³ Kamudian, aku mandongar satiap makhluk nan ado disurgo, dan dibumi, dan dibawah bumi, dan dilaut, dan samuo nan ado didalam, samuo tu bacakap. "Bagi Dio, nan duduk di atas takhto, dan bagi Anak Domba, samuo pujian, Hormat, Kamulioan, dan Kuaso sampe salamo-lamonyo!." ¹⁴ Dan, ompat makhluk tu bacakap, "Amin!" dan para tua-tua sujud dan manyombah.