¹ Sasudah tu, aku manengok sabuah pintu tabuko di surgo, dan tardongar suaro nyo, nang aku mandongar macam suaro tarompet bacakap samo ku, katony, "Naeklah ka sini Aku akan manampakkan ka kau apo nang sudoh tajadi sasudah ni." ² sakarang jugo, aku dikuasoi Roh dan tengok lah, sabuah tahto ado di surgo ado saorang di duduk di atas tahto tu. ³ Dan, Dio nang duduk di atas tahto tu, nampak macam batu parmata Yaspis dan sardis; dan ado sabuah palangi di sakitar tahto tu, nang nampak macam zambrud. ⁴ Di sakitar tahto tu, ado duo puluh ompat tahto dan di atasnyo tahto-tahto tu aku manengok duo puluh ompat nang tuo-tuo duduk, mamake jubah putih dan mahkota-mahkota emas ado di kapalo orang tu. ⁵ Dan, dari tahto tu kaluar kilatan potir dan gamuruh suaro guntur. Dan, ado tujuh dian nang manyola di dopan tahto tu, nang ado tujuh Roh Allah. ⁶ Dan, di dopan tahto tu ado jugo dapat suatu macam lautan kaco, macam kristal. Di tongah dan di sakitar tahto tu ado ompat makhluk nang ponuh ado mato nyo ado nang di dopan dan ado nang balakangnyo. ⁷ Makhluk nang partamo macam saekor singa, dan makhluk nang kaduo macam saekor lombu jantan, dan makhluk nang kan tigo ba muko macam manusio, dan makhluk nang ka ompat macam saekor burung elang nang sodang torbang. ⁸ Ka ompat makhluk tu tiap-tiap punyo onam sayap ponuh samo mato, elok sabdah luar ato pun dalam nyo; siang dan malam, ka ompat makhluk tu tak ondak diam bacakap, "Kudus, kudus, kuduslah Tuhan, Allah Nang Mahakuaso, nang sudoh ado, nang ado, dam akan tibo." ⁹ Dan, tiap kali makhluk-makhluk tu mamborikan kamuliaan, hormat, dan mangucap syukur pado Dio nang duduk di atas tahto, nang hidup salamo-lamonyo, ¹⁰ Ka dua puluh ompat tuo-tuo tu sujud di dopan Dio nang duduk di atas tahto nyo, dan manyombah Dio nang hidup sampe salamo-lamonyo, dan mancampakkan mahkota orang tu ka dopan tahto tu torus bacakap, ¹¹ "Ya Tuhan Allah kami, Engkau nang pantas mandapat kamuliaan, hormat, dan Engkau sudoh manciptokan samuonyo dan korno kahondak-Mu samuo tu ado dan di ciptokan."