¹ Lalu dibagikanlah sama awak sabatang buluh, macam tongkat pangukur bontuknyo, samo bacakap kek gini: "Bangkitlah dan ukurlah Bait Suci Allah jugo mezbah dan samuo nang baribadat di dalamnyo. ² Tapi kacualikan palataran Bait Suci nang di sabolah luar, jangan kau ukur lagi, korni itu udag dibagikan kepado bangso-bangso laen dan mareko akan manginjak-injak Kota Suci ompat puluh duo bulan lamonyo." ³ Dan Aku akan mambagi tugas kepado duo saksi-Ku, bak banubuat orang tu sambil bakabung, saribu dui ratus onam puluh hari lamonyo. ⁴ Orang tu adolah ka duo pokok zaitun dan duo kaki palito nang togak didopan TUhan samosta alam. ⁵ Dan apabilo ado orang nang ondak manyakiti orang tu, kaluarlah api dari mulut orang tu manggosongkan samuo musuh orang tu. Jadi kalo ado orang nang ondak manyakiti orang tu, pasti mati macam bagitu pulak. ⁶ Orang tu puyo kuaso manutup langit, bak supaya tak turun hujan salamo orang tu banubuat; ado jugo kuaso samo orang tu atas sagalo aer nang biso man tubaldarah, jugo buek malibas bumi dongan sagalo jonis mala petako, tiap-tiap kali orang tu mangondakinyo. ⁷ Dan apobilo orang tu sudah salose kan kasaksian oramg tu, maka binatang nang kaluar dari lubang maut, ondak mamorangi orang tu sama mangalahkan orang tu. ⁸ Dan mayat orang tu akan talotak di atas jalan rayo kota bosar, nang secaro rohani dibilang Sodom dan Mesir, disitu jugo Tuhan orang tu disalibkan. ⁹ Dan samuo orang dari segalo bangso da suku dan bahaso dan turunan, manengok mayat orang tu tigo satongah hari lamonyo dan tak dibolehkan orang-orang tu mayat mareko dikuburkan. ¹⁰ Dan samuo nang tinggal di atasbumi basukocito dan basonang atas orang tu dan bapesta jugo saling mangkirim hadiah, karono kaduo nabi tu udah manjadi siksaan buek samuo orang nang diam di bumi. ¹¹ Tapinyo, satolah 3,5 hari, roh kahidupan nang dari Allah masuk ka dalam kaduo mayat tu, dan orang tu togak diatas kaki orang tu sahinggo nang manengoki orang tu manjadi katakutan. ¹² Torus, orang mandongar suaro dari surgo bacakap ka orang tu, "Naeklah klen kamari!" Dan orang tu pun naek ka surgo dalam awan, ditengoki samo musuh-musuh orang tu. ¹³ Waktu tu, langsung kajadian gompo bumi nang hebat sahinggosaparsapuluh kota tu rontok; matilah tujuh ribu orang korno gompo bumi tu, dan nang tak mati jadi soak katakutan,torus mamuiokan Allah nang di surgo. ¹⁴ Boncano nang kaduo udah lewat; tengoklah boncano nang katigo kojap ondak datang ¹⁵ Torus, malaekat nang katujuh maniup tarompetnyo, dan tadongarlah suaro nang lantang di surgo katonyo, "Pamarentahan dunio sudah manjadi pemerintahan Tuhan kito dan Dio nang duduk Diurapi-Nyo, dan Dio akan mamarintah sampe salamo-lamonyo ¹⁶ Torus, duopuluh opat nang tuo-tuo duduk di takhta orang tu, di dopan Allah, basujud manyombah Allah, ¹⁷ sambil bacakap, "Kami basyukur kepado-Mu, ya Tuhan Allah Nang Mahakuaso, Nang Ado dan Sudah Ado, karono Engkau sudah mangambek Kuaso-Mu nang togap dan sudah mulai mamarentah. ¹⁸ Dan, bangso-bangso udah marah, tapi goram-Mu sudah datang, dan saatnyo udah sampe buek orang-orang mati bak dihakimi dan mambagi upah hamba-hamba-Mu, nabi-nabi jugo orang-orang suci dan nang takut pado nama-Mu, nang kocik ato nang bosar, dan untuk manghancurkan parusak bumi." ¹⁹ Lalu, tabukolah Bait Allah di surgo dan nampaklah Tabut Parjanjian Allah dalam Bait-Nyo, dan kaluarlah potir samo suara mangguntur samo gompo bumi dan hujan es nang lobat.