¹ Torus tu, aku manengok satu malaikat nang hebat lainnyo turun dari surgo, babaju awan dan pelangi ada diatas kapalonyo, dan mukonyo macam matahari, dan kakinyo macam tiang api. ² Malaikat tu manggonggam sabuah kitab kocik nang tabuko, dan Dio mamijakkan kaki kanannyo di laut dan kaki kirinyo didarat. ³ Torus batariak dengan suaro koras, macam singo nang mangaum, dan sasudah tu dio batariak, tujuh gemuruh guntur manggaungkan suaro orang tu. ⁴ Pas ka tujuh guntur sudah basuaro, aku ondak mancatatnyo, tapi aku mandongar suaro dari surgo bacakap, "Segellah apo nang sudah di cakapkan ka katujuh guntur tu! usah palah mancatatkannyo"! ⁵ Torus tu, malaikat nang ku tengok togak di laut dan didarat tu, mangangkat tangan kanannyo ka langit, ⁶ Dan basumpah karono Dio nang hidup salamo-lamonyo, nang manciptokan langit dan samuo isinyo, dan bumi dan samuo isinyo, dan laut dan samuo isinyo, sobab takkan ado lagi panundaan. ⁷ Tapi, dimaso babunyi malaikat katujuh, pas dio ondak mangombus tarompetnyo, lalu tagonapilah rahasio Allah, macam nang Dio sampekan ka samuo hamba-Nyo, samuo nabi." ⁸ Lalu suaro nang tadi aku mandongar dari surgo bacakap lagi ka aku, cakapnyo "Pogi dan ambeklah gulungan kitab tabuko dari tangan malaikat nang togak diatas laut dan darat tu." ⁹ Torus tu, aku pogi ka malaikat tu dan mamintanyo mangkasihkanyo gulungan kitab kocik tu ka aku, dan malaikat tu bacakap ka aku "Ambeklah kitab ni dan makanlah, itu biso mambuek porut ko pahit, tapi di mulut kau, itu biso taraso manis bak madu." ¹⁰ Torus tu, aku magambek kitab kocik di tangan malaikat tu dan mamakannyo, dan dimulutku taraso manis bak raso madu, dan bilo aku sudah mamakannyo, porutku taraso pahit. ¹¹ Torus tu, dio bacakap ka aku, "Kau harus banubuat, torus di dopan samuo bangso, suku dan samuo bahaso dan raja-raja.