¹ "Samuo ni sudah Awak cakapkan buat ko supayo ko tak taguncang. ² Orang tu akan mangusir ko dari sinagoge. Bahkan, tibo waktunyo bahwa satiap orang nang mambunuh ko akan bapikir bahwa orang tu sodang babakti buek Allah. ³ Dan, hal-hal tu kan orang tu lakukan korno orang tu tak mangonal Ayah atopun Awak. ⁴ Tapi, samuo tu sudah Awak cakapkan samo kau pabilo waktunyo tibo, ko ingat bahwa Aku sudah mancakapkannyo samo kau. Dan, hal ni tak Awak cakapkan buat ko pada awalnyo korno Awak masih basamo ko. ⁵ Tapi, sakarang Awak ondak pogi ka Dio nang manyuruh Awak, dan tak saorang pun dari kamu nang mananyoi Awak, 'Kamano Kau ondak pogi?' ⁶ Namun, korno Awak sudah mancakapkan samuo ni buat ko, kasodihan mamonuhi hati ko. ⁷ Tapi, Awak mambilangkan kabonaran samo ko: lobih elok buat ko bilo Awak pogi korno bilo Awak tak pogi, Panolong tu tak kan datang buat ko; tapi bilo Awak pogi, Awak akan mangkirim-Nyo buat ko. ⁸ Dan, waktu Panolong tu tibo, Dio akan manyadarkan dunio akan doso, kabonaran, dan panghakiman; ⁹ tontang doso, korno orang tu tak parcayo samo-Ku; ¹⁰ tontang kabonaran, korno Awak pogi ka Ayah dan ko tak kan manengok Awak lagi, ¹¹ dan tontang panghakiman, korno panguaso dunio ni sudah dihakimi. ¹² Masih banyak hal nang ingin Awak cakapkan buat ko, tapi ko tak biso mananggungnyo sakarang. ¹³ Namun, katiko Dio, Roh Kabonaran tu tibo, Dio akan manuntun ko untuk nang bonar. Sobab, Dio tak bacakap atas kamauan-Nyo sandiri, malainkan samuo hal nang Dio dongar tu lah nang akan Dio cakapkan. Dio akan mangkasitau ko hal-hal nang akan tajadi. ¹⁴ Dio akan mamuliokan Awak korno Dio akan manarimo nang Awak tarimo, dan akan mangkasitaukannyo samo ko. ¹⁵ Samuo nang Ayah punyo adolah punyo-Ku. Oleh sobab tu, Awak mambilangkan bahwa Roh Kabonaran akan mangasitaukan buat ko apao nang ditarimo-Nyo dari-Ku. ¹⁶ "Tinggal sakojap sajo, dan ko tak kan manengok Awak lagi; dan sakali lagi, tinggal sakojap sajo, dan ko akan manengok Aku." ¹⁷ Babarapo murid Yesus saling batanyo, "Apo maksud-Nyo Dio bacakap ka kito, 'Tinggal sakojap sajo, dan ko tak biso manengok Aku lagi; dan sakali lagi, tinggal sakojap sajo, dan ko akan manengok Aku?' dan 'korno Aku ondak pogi ka Ayah'?" ¹⁸ Jadi, orang batanyo, "Apo nang Dio maksudkan samo sakojap sajo'? Kito tak tau apo nang Dio cakapkan." ¹⁹ Yesus tau bahwa murid-murid-Nyo ondak batanyo samo-Nyo, lalu Dio bacakap ka orang tu, "Apokah ko batanyo diantaro ko sandiri mangonai hal nang Aku maksud waktu Aku bacakap, 'Tinggal sakojap sajo dan ko akan manengok Aku lagi; tinggal sakojap sajo, dan ko akan manengok Aku'? ²⁰ Dengan botul-botul, Aku mangatokan samo ko, ko akan manangis dan maratap, tapi dunio akan bamogah; ko akan baduka, tapi dukacito ko akan barubah manjadi sakucito. ²¹ Katiko saorang parompuan baranak, dio mandarito korno waktunyo untuk baranak sudah tibo; tapi sasudah anaknyo lahir, dio lupa akan pandaritaannyo nang borat karono sukacito bahwa saorang manusia sudah dilahirkan ka dunio. ²² Bagitu jugolah ko mangalami pandaritaan saat ni, tapi Aku akan manjumpoi ko lagi dan hati ko akan basukacito, dan tak saorang pun nang akan mangambek sukacitomu dari ko. ²³ Pado hari tu, ko tak kan mananyokan apo pun samo-Ku. Sabotulnyo, Aku mambilangkan samomu, apo pun nang ko minta samo Ayah-Ku dalam namo-Ku, Dio akan mangasinyo samomu. ²⁴ Sampe sakarang, ko bolum pornah maminta apopun dalam namo-Ku. Mintalah, dan ko akan manarimanyo supayo sukacitomu manjadi ponuh." ²⁵ "Aku sudah mancakapkan hal ni samomu dengan parumpamaan; akan tibo saatnyo waktu Aku tak lagi bacakap samomu dengan parumpamaan, tapi akan bacakap samomu dengan torus torang tontang Ayah. ²⁶ Pado hari tu, ko akan maminta dalam namo-Ku, dan Aku tak kan mambilangkan samomu bahwa Aku mandoakannyo ka Ayah bagimu. ²⁷ Sobab, Ayah sandiri mangasihi ko karono ko sudah mangasihi Aku dan parcayo bahwa Aku datang dari Ayah. ²⁸ Aku barasal dari Ayah dan sudah datang ka dunio; sakarang, Aku akan maninggalkan dunio dan balek ka Ayah." ²⁹ Murid-murid-Nyo bacakap, "Nah, sakarang Kau bacakap torus torang dan tak mamake parumpamaan lagi. ³⁰ Sakarang, kami tau bahwa Kau tau samuonyo dan tak porlu sasaorang batanyo samo-Mu. Korno tu, kami parcayo bahwa Kau datang dari Ayah." ³¹ Yesus manjawab orang tu, "Parcayokah kamu sakarang? ³² Tengoklah! Saatnyo akan tiba, bahkan sudah tiba buatmu untuk dicorai-boraikan, masing-masing pulang ka tompat asalnyo dan akan maninggalkan Aku sandirian. Tapi, Aku tak sandiri, korno Ayah basamo-Ku. ³³ Samuo ni Aku cakapkan samomu supayo di dalam Aku, kau mampunyoi damai sajahtra. Di dunio, kau akan mangalami panyiksaan, tapi kuatkanlah hati kau! Aku sudah mangalahkan duni!"