¹ Oleh sebab otou, kito haus sangat behati-hati age dak saurang pun di antaa mikak nan gagal atau ketinggalan dalam memperoleh janji Allah nak masuk ka dalam pehentien Allah. ² Sebab kepada kito lah dibeitaen kabe baik sapaeti jugo nan lah mareka terima. Namun beita otou dak nak bemamfaat bogi mareka nan dak mau basatu dalam iman dongan mareka nan lah mareka lah mempecayainyeh, tatopi pesan otou dak menguntungen mareka nan mandongenyeh tanpa mengikuti dongan iman." ³ Bogi kito, nan pecaya - kito nak memasuki pehentien otou, kaena Ia lah berfirman: "Sebagaimono Awak lah bajanji dalam murka-Ku, mareka dak nak paenah masuk ka dalam pehentien-Ku, meskipun pekaejaen-pekaejaen-Nyeh lah siap sejak penciptaan dunia. ⁴ Sebab Ia lah befirman mengenai hai nan ketujuh, "Allah beristrahat dai saluruh pekejaen-Nyeh pada hai nan ketujuh." ⁵ Sekali logi Ia lah berfirman, "Mareka dak nak paenah masok ka dalam pehentian Ku." ⁶ Oleh sebab otou, kaena pehentian Allah masih totap besedia bagi sebagian urang nan ingin memasuki pehentianNyeh, dan kaena banyak dai urang-urang Israel nan lah mandonge kabae baik dak bisa mamasukinyeh kaena ketidaktaatan mareka, ⁷ Allah balek menetapen logi suatu hai tatentu, nan dikataen "Hai ikok." Kamudien Ia bafirman melalui Daud, sapaeti sabelumnyeh lah disampeien, "Hai ikok, jika mikak mandonge suaraNyeh, janganlah keasen hatimu." ⁸ Sebab jika Yosua lah memboien kepada mareka istirahat, Allah dak nak bacakap logi mengenai hai nan lain. ⁹ Kaena otou masih ado pehentien Sabat nan tesedia bagi umat Allah. ¹⁰ Kaena ia nan memasuki pehentien Allah, jugo nak behenti dai sagala pekejaennyeh, sapeati nan Allah dewek lah lakuen. ¹¹ Oleh sebab otou payo kito beusaha nak masok ka dalam pehentien otou, supaya dak ado saurang pun nan jatuh ka dalam sejenis ketidaktaatan nan peanah mareka lakuen. ¹² Sebab firman Allah otou hidup dan bekuasa dan lobih tajam dai pedang bemata duo; ia menikam sampei memisahen jiwa dai roh, dan sendi dai sumsum, seata mampu membedaen pikien dan maksud hati. ¹³ Dak ado sasuatu nan dijadien nan tesembunyi di hoboen Allah. Justru, segalo sasutau nyata dan tabuka dihoboen Dia, nan kepadaNyeh kito haus memboien peatanggung jawaben. ¹⁴ Oleh sebab otou, kaena kito mamiliki saurang iman bose Agung nan lah melintasi langit, yaitu Yesus, Anak Allah, payo kito bapegang teguh pada pengakuen iman kito. ¹⁵ Sebab kito bukan mamiliki Imam Bose nan tak bisa merasaen kelemahan-kelemahan kito, sebaliknyeh kito mamiliki saurang nan penah dicobai sama sapaeti kito, hanya saja Ia dak babuat dosa. ¹⁶ Sebab otou, kemailah kito dongan penuh kedatangen tiba menghampiri tahta anugerah-Nyeh age kito bisa meneima anugerah petolongan-Nyeh di saat kito membutuhkannyeh.