¹ Sobab otou, dulo-dulo nan kudus, nan mendapat bagien dalam panggilan sorgawi. Pikienlah tontang Yesus, Rasul dan Imam Bose dai pengakuen iman kito. ² Ia Satia kepada Allah, nan lah menetapenNyeh, sabagaimono Musa jugo satia di dalam rumah Allah. ³ Kaena Yesus bone-bone layak meneima kamuliaen nan lobih bosa dai Musa, kaena Dia nan membuat sabuah rumah lobih terhormat dai pada rumah otou dewek. ⁴ Sebab satiap rumah ado saurang nan membangunnyeh, tatopi nan membangun segalonyeh adalah Allah. ⁵ Di sakok sisi, Musa otou satia sebagai pelayan di dalam rumah Allah secara kaseluruen. Ia menjadien kesaksien tontang hal-hal nan haus dibicaraen pada masa nan nak tiba. ⁶ Namun Kristus adalah Anak nan menguasai rumah Allah. Kito adalah rumah-Nyeh jika kito dongan teguh bapogang pada keyakinan dan pengharapan nan kito banggaen. ⁷ Oleh kena otou, sebagaimono nan dikataen oleh Roh Kudus, "Hai ikok, jika mikak mandonge suara-Nyeh, ⁸ Jangan kerasen hati mu sapaeti dalam pemberontakan, kadang dalam masa pengujien di padang gurun. ⁹ Samua ikok tajadi kadang ninik moyangmu melawan dongan mencobai Awak, sakalipun mareka lah melihat pabuatan-pabuatan-Ku, selama empat puluh tahun lamanyeh. ¹⁰ oleh kaena otou Awak murka kepada urang-urang otou. awak bahete, "Pungkau tasosat di dalam hati mareka, dan mareka dak tontu jalan-jalan-Ku. ¹¹ Kaena otou Awak basumpah dalam amarah-Ku; mareka dak nak ponah masok ka tompat pehentien Ku." ¹² Berhati-hatilah, dulo-dulo, supaya dak ado urang nan behati jahat kaena ketidakpecayaan, yaitu hati nan lah meningalen Allah nan hidup. ¹³ sebaliknyeh, kuatkanlah saurang nak nan lain satiap hai, selama masih bisa disebut "hai ikok", sahingga dak saurang pun di antaa mikak nan menjadi keras hati oleh penyombong dosa. ¹⁴ Kaena kito lah menjadi kawan-kawan Kristus jika kito teguh bapogang kepada pengharapan kito di dalam Dia dai pemulaan sahingga pada akhirnyeh. ¹⁵ Mengenai hal ikok lah dikataen, "Hai ikok, jika engkau mandongen SuaraNyeh, janganlah kerasen hatimu, sapaeti nan lah tajadi dalam pemberontakan pungkau." ¹⁶ Siapokah nan mandonge suara Allah tatopi mamberontak? Bukankah mareka samua nan lah dipimpin oleh Musa kalue dai tanah Mesir? ¹⁷ Dan siapokah nan dimurkai Allah selama empat puluh tahun? bukankah mareka nan badosa, nan mayat-mayatnyeh tagaletak di padang gurun? ¹⁸ Kepada siapokah Allah lah basumpah bahwa pungkau dak nak masok ka dalam perhentien-Nyeh, jika bukan mareka nan dak taat kepada-Nyeh? ¹⁹ Kito tontu bahwa mareka dak bisa masok ka dalam perhentien-Nyeh kaena ketidak pecayaen mareka.