¹ Katiko Yesus turun dari bukkik tu, karumunan urang banyak mangikkuti-Nyo, jongon liek, saurang na sakkik kusta datang kapado-Nyo, jongon sujud dimukko-Nyo, jongon bacakkap, 'Tuan, kok Kau mau, kau dapek manahirkan ambo." 3 Dan, Yesus magulurkan tangan-Nyo, sarto manjamahnyo, cakkap-Nyo, "Ambo mau, tahirlah." Saat tu juo, ditahirkanlah kusta urang tu. ⁴ Dan, Yesus bacakkap kapadonyo, "Pahatikanlah, jangan kau mancaritokan apo-apo kapado saurangpun, tatapi pailah, liekkanlah dirikau kapado imam, jongon pasembahkanlah pasembahan na diparintokan Musa sabage kasaksian untuk sidak." SAURANG PALAYAN PERWIRO ROMAWI DICEGAKKAN ⁵ Katiko Yesus masuk ka kapernaum, saurang perwiro datang kapado-Nyo, mamohon kapado-Nyo, ⁶ jongon bacakkap, "Tuan, hamba ambo sadang tagolek lumpuh di rumoh, mandarito bana." ⁷ Dan, Yesus bacakkap kapadonyo,"Ambo nandak datang jongon mancegakkan inyo." ⁸ Akan tatapi, perwiro tu manjawab jongon bacakkap, "Tuan, ambo indak layak untuk Kau masuk ka bawa atok ambo, tatapi katokanlah sapata kato sajo dan hamba ambo akan dicegakkan. ⁹ Sabab, ambo juo iyolah urang na ado di bawa kakuasaan, jongon tantaro-tantaro di bawa ambo. Jongon, ambo bacakkap kapado na saincek, 'Pailah,' inyo pun pai, dan kapado na lain, 'Datanglah,' dan inyo pun datang, jongon kapado hamba ambo, 'Pabuek ikko,' dan inyo pun malakukannyo." ¹⁰ Katiko Yesus mandanga hal ko, Inyo kagum dan bacakkap kapado urang-urang na mangikkuti-Nyo, "Ambo mangatokan na sabananyo kapadokau, Ambo balum manamukan iman sagadang ikko diantaro urang Israel. ¹¹ Ambo mangatokan kapadokau bahwa banyak na nandak datang dari timur jongon barat, dan duduk makkan jongon Abraham, Ishak, dan Yakub dalam karajaan Surga, ¹² tatapi anak-anak karajaan tu nandak dicampakkan ka dalam kagalapan na paling galap. Di sinun akan ado ratapan dan kartak gigi." ¹³ Dan, Yesus bacakkap kapado paristiwo tu, "Pailah, padialah tajadi kapadokau sakiro na kau piccayoi." Dan, pado saat tu juo, hambanyo dicegakkan. IBU MINTUO PETRUS JONGON URANG VANYAK DICEGAKKAN ¹⁴ Katiko Yesus tibo rumoh Petrus, Inyo maliek ibu mintuo Petrus sadang tagolek damam. ¹⁵ Lalu, Yesus manjamah tangan ibu tu dan damamnyo hilang. Kamudian, inyo jago dan malayani Yesus. ¹⁶ Katiko manjalang malam, sidak mambaok kapado-Nyo banyak urang na kasurupan roh jahek, dan inyo mangusir roh-roh tu jongon sakato, jongon mancegakkan sadonyo urang na sakkik, ¹⁷ supayo diganapilah apo na dikatokan samo Nabi Yesaya: "Inyolah na mangambik kalemahan-kalemahan kito jongon mananggung panyakkik-panyakkik kito." Yesaya 53:4 MANJADI PANGIKKUT YESUS ¹⁸ Kini, katiko Yesus maliek urang banyak di sakaliling-Nyo, Inyo mangagi parinto untuk batolak ka subarang. ¹⁹ Kamudian, saurang ahli Taurek datang dan bacakkap kapado-Nyo, "Guru, ambo nandak mangikkuti-Kau kamano sajo Kau pai." ²⁰ Dan, Yesus bacakkap kapadonyo, "Paro rubah mampunyoi liang jongon pipik-pipik dilangit mampunyoi sangkak-sangkak. Akan tatapi, Anak Manusio indak mampunyoi tampek untuk malatakkan kapalo-Nyo." ²¹ Saincek dari paro murid bacakkap kapado-Nyo, "Tuhan, izinkanlah ambo talabi dahulu pai dan mangubukan ayah ambo." ²² Akan tatapi, Yesus bacakkap kapadonyo, "Ikkutlah Ambo, dan padialah urang mati mangubukan urang mati sidak surang. " YESUS MARADOKAN BADE ²³ Dan, katiko Yesus naik ka sampan, murid-murid-Nyo mangikkuti Inyo. ²⁴ Jongon, lieklah, tajadi bade gadang di danau sahinggo sampan tu tatutup ombak. Tatapi, Yesus tidu. ²⁵ Dan, murid-murid mandatangi Yesus jongon manjagokan-Nyo, cakkapnyo, "Tuhan, salamatkan kami! Kito sadang binasa!" ²⁶ Dan, Inyo bacakkap kapado sidak, "Mangapo kau takkut, hei kau na kurang bariman?" Lalu, Inyo tagak jongon manghardik angin sarto danau tu, dan manjadi tanang bana. ²⁷ Mako, urang-urang tu tacangang-cangang dan bacakkap, "Urang maccam apokah Inyo ko, bahkan angin jongon danau pun manuruti-Nyo? DUO URANG GADARA KARASUKAN ROH JAHEK ²⁸ Katiko Yesus tibo disubarang danau, di daerah urang Gadara, duo urang na karasukan roh jahek manjumpoi-Nyo. Sidak kalua dari kuburan jongon hangek bana sahinggo indak ado urang na dapek malewati jalan tu. ²⁹ Dan, lieklah, sidak mamakkik, cakkapnyo, "Apo urusan antaro Kau jongon kami, hei Anak Allah? Apokah Kau datang untuk manyikso kami sabalum waktunto?" ³⁰ Dan, agak jauh dari sidak ado sakawanan gadang babi na sadang mancari makkan. ³¹ Setan-setan tu mamintak kapado-Nyo jongon bacakkap, "Jiko Kau mau mangusi kami, surulah kami pindah ka dalam kawanan babi tu." ³² Dan, Yesus bacakkap kapado sidak, "Pailah!" Lalu, sidak kalua jongon masuk ka dalam babi-babi tu. Kamudian, saluruh kawanan babi tu pun terjun dari tebing danau dan mati di dalam a'i. ³³ Urang-urang na manggambalokan kawanan babi tu malarikan diri, jongon masuk ka dalam kota, dan mancaritokan sadonyo, tamasuk apo na tajadi jongon urang-urang na dirasuk setan tu. ³⁴ Jongon, lieklah, saluruh kota kalua untuk basuo jongon Yesus. Katiko maliek Yesus, sidak mamintak-Nyo untuk maninggakan wilayoh sidak.