¹ Kamudian, Yesus mangecek kapado murid-murid-Nyo, "Batu akkan adi tatapi cilakkolah urang nan manyababkannyo. ² Labih baik sabuah batu kilangan diikkek pado lehernyo dan innyo dilantingkan kadalom laut dari pado innyo manjadi sandungan bagi anak-anak ketek ikko. ³ Waspadolah! Jiko saudaro kau babuek dosa tahadap kau, tegurlah innyo; jiko innyo manyasali dosanyo,ampunilah innyo. ⁴ Bahkan,jiko innyo badosa tahadap kau sabanyak tujuh kali dalom satu hari, dan kambali kapado kau tujuh kali sambil mangecek, 'Ambo manyesal,' ampunilah innyo." KUASO IMAN ⁵ Kato rasul-rasul itu kapado Tuha, "Tambahkanlah iman kami!' ⁶ Jawab Tuhan kapado sidak, "Jiko kau mampunyoi iman sagadang biji sesawi sajo, kau dapek mangatokan kapado pohob merbei ikko, 'Tajabutlah dari tanah dan tatanamlah di laut,' dan pohonn itu akkan taat kapado kau." HAMBA NAN MANAATI PARINTAH TUANNYO ⁷ "Siapokah dari antaro kau nan mampunyoi hamba, nan sadang mambajak atau mangembala, akkan mangecek kapado hambanyo itu katiko innyo kambali dari ladang, 'Mari duduk dan makkan'? ⁸ Bukkankah innyo malah akkan mangecek kapado hambanyo itu, 'Siapkanlah makkanan untuk ambo dan bapakkean nan layak untuk malanyani ambo salagi ambo makkan dan minum. Sasudah itu, barulah kau boleh makkan dan minum'? ⁹ Apkah innyo akkan batarimo kasih kapado hambayo itu karano malakkukan nan di parintahkannyo? ¹⁰ Baitu juo jongon kau. Apo bilo kau ala malakkukan sagalonan di parintahkan kapado kau, hendaklah kau mangecek, 'Kami adolah hamba nan indak barhargo. Kami hanyo malakkukan apo nan wajib kami lakkukan.''' SAPULUH URANG KUSTA DI SAMBUHKAN ¹¹ Dalom parjalanan-Nyo manuju Yerusalem, Yesus manyusuri sapanjang perbatasan antaro Samaria dan Galilea. ¹² Saat masuk ka sabuah desa, Innyo bajumpo jongon sapuluh urang kusta nan badiri jauh-jauh dari-Nyo, ¹³ Dan sidak baseru jongo suaro nyaring, "Yesus, Guru, kasihanilah kami!" ¹⁴ Katiko Yesus maliek sidak, Innyo mangecek kapado sidak, "Pailah dan tunjukkan diri kau kapado imam-imam." Dan, katiko sidak dalom parjalanan, sidak manjadi tahir. ¹⁵ Katiko salah satu dari sidak maliek bahwa dirinyo ala sambuh, innyo kambali dan mamuji Allah jongon suaro nyaring, ¹⁶ lalu basujud di depan kakki Yesus dan batarimo kasih kapado-Nyo. Urang itu adolah saurang Samaria. ¹⁷ Kamudian, Yesus mangecek kapado urang itu, "Bukkankah ado sapuluh urang nann ala ditahirkan? Dimanokah sambilan urang nan lain? ¹⁸ Indak adokah di antaro sidak nan kambali untuk mamuliakan Allah salain urang asing ikko? ¹⁹ Lalu, Yesus mangecek kapadonyo,"Bagunlah dan pailah, imamkau ala manyalamekkan kau." KADATANGAN KARAJAAN ALLAH ²⁰ Katiko di tanyo oleh urang Farisi tantang kapan Karajann Allah akkan datang, Yesus manjawab sidak jongon mangecek, "Karajaan Allah akkan datang tando-tando nan dapek di taliek, ²¹ indak akkan ado urang nan mangecek, 'Liek, Karajaan Allah ado di sikko!' atau 'Karajaan Allah ado di sinun!' karano sabenarnyo Karajaan Allah ado di tangah-tangah kau." ²² Kamudian, Yesus mangecek kapado murid-murid-Nyo, "Akkan tibo saatnyo kau ingin maliek satu hari dari hari-hari Anak Manusio, tatapi kau indak dapek malieknyo. ²³ Urang-urang akkan mangecek kapado kau, 'Liek, di sano!' atau 'Liek, di sikko!' Akkan tatapi, janganlah kau pai dan mangikkuti urang-urang itu." KADATANGAN ANAK MANUSIO ²⁴ "Sabab maccam kilek nan mamancar dari ujung langit na satu ka ujung langit lain, damikialah juo Anak Manusio pado hari-Nyo. ²⁵ Akkan tatapi, Anak Manusio harus mandarito banyak hal talabih daulu dan di tolak oleh generasi ikko. ²⁶ Dan, maccam nan ala tajadi pado hari-hari di zaman Nuh, damikianlah juo bekko pado hari-hari Anak Manusio. ²⁷ Urang-urang makkan dan minum, manikkah dan di nikkahkan sampe pado hari Nuh masuk ka dalom bahtera dan datang lah banjir gadang lalu mambunuh sidak sadonyo. ²⁸ Samo halnyo na tajadi pado zaman Lot, saat itu urag-urang makkan, minum, mambali, manjual, mananam, dan mambangun. ²⁹ Namun, pado hari katiko Lot maninggakan Sodom, api dan balerang jatuh dari langit maccam hujan dan mambunuh sidak sadoyo. ³⁰ Baitulah kaadaannyo pado hari katiko Anak Manusio dinyatokan. ³¹ Pado hari itu, siapo pun nan sadaang barado di atap rumah, dan barang-barangnyo ado di dalom rumah, janganlah innyo turun untuk mangamiknyo; dan siapo punn nan sadang barado di ladang, janganlah innyo pulang. ³² Ingeklah apo nan tajadi pado istri Lot! ³³ Siapo pun nan barusaho mamaliharo nyawanyo, akkan kahilangan nyawanyo. Dan siapo pun nan kahilangan nyawanyo, akkan manyalamekkannyo. ³⁴ Ambo mangecek kapado kau, pado malam itu akan ado 2 urang nan tidur di 1 tampek tidur. Akkan tatapi, nan saurang akkan di bawo, sadangkan nan lain akkan ditinggakan. ³⁵ Duo parampuan akkan maggiling gandum basamo. Nan saurang akkan di bawo, sadangkan nan lain akkan ditinggakan. ³⁶ [Baitu juo duo pakarejo di ladang, nan saurang akkan di bawo, sadangkan nan lain akkan ditinggakan."] ³⁷ Lalu murid-murid batanyo kapado Yesus, "Dimano, Tuhan? Jawab Yesus kapado sidak, "Dimano ado bangkai, disitu ado burung elang akkan bakumpul."