¹ Yesus mangecek kapado murid-murid-Nyo, "Ado saurang kayo nan mampunyoi kapalo palayan. Dan, kapado urang kayo itu dilaporkan bahwa kapalo palayannyo ala mamboroskan hartonyo. ² Karano itu, urang kayo itu mangimbo kapalo palayanyo dan mangecek, 'Apo nan ambo danga tantang kau ikko? Agikanlah pananggung jawaban ate tugas karano kau indak biso lai manjadi bendaharo ambo.' ³ Kapalo palayan itu pun bapikkir, 'Apo nan ambo lakkukan karano kini tuan ambo kini ala mamecat ambo dari pakarejoan ambo? Ambo indak cukkup kuek untuk mancangkul dan dan malu untuk mangemis. ⁴ Ambo tahu apo nan harus ambo pabuek supayo katiko amo di pecat sabagai baendahara, urang-urang akkan manarimo ambo di rumah sidak.' ⁵ Kamudian, innyo pu magimbo satiok urang nan barutang kapado tuannyo. Kapado urang partamo innyo innyo mangecek, 'Batapo utang kau kapado tuan ambo?' ⁶ Urang itu manjawab, 'Saratus bat minyak zaitun.' Lalu, kapalo palayan itu mangecek kapadonyo, 'Ambiklah surat utang kau, segeralah duduk dan tulislah 50 bat.' ⁷ Kamudian kapalo palayan itu batanyo kapado urang lain, 'Barapo banyak utang kau?' Urang itu manjawabnyo, 'Saratus kor gandum.'Lalu bendahara mangecek kapadonyo, 'Ambillah surat utang kau dan tulis lah bahwa utang kau 80 pikul.' ⁸ Kamudian, urang kayo itu mamuji kapao pelayan nan indak jujur karano innyo batindak jongon cerdik. Sabab, anak-anak dunia ikko labih cerdik dalom barurusan jongon sasamonyo dari pado anak-anak tarang. ⁹ Ambo mangecek kapado kau, bueklah parsahabatan jongon mamon nan indak benar supayo katiko mamon habis, kau akkan di sambut di rumah abadi. ¹⁰ Siapo pun nan satio dalomhal-hal nan ketek, innyo juo satio dalom hal-hal gadang. Dan,siapo pun an indak jujur dalom hal-hal nan ketek, innyo juo indak jujur dalom hal-hal nan gadang. ¹¹ Jadi, jiko kau indak dapek di piccayo untuk mangkalola harto duniawi, siapo nan akkan mamiccayokan harta nan sasungguhnyo kapado kau? ¹² Dan, jiko kau indak dapek di piccayo dalommanggunokan milik urang lain, siapo nan akkan mangagikan apo nan saharusnyo manjadi milik kau? ¹³ Indak ado palayan nan indak malayani duo majikan karano innyo akkan mambanci majikan nan satu dan manyukkoi majikan nan lain. Atau, innyo akkan patuh kapado majikan nan satu dan mangabaikan nan lainnyo. Kau indak dapek malayani Allah dan mamon." PARINGEKAN UNTUK URANG FARISI ¹⁴ Urang-urang Farisi,nan adolah pacinto kepeng, mandanga hal ikko dan mangejek Yesus. ¹⁵ Yesus mangecek kapado sidak, "Kau adolah urang-urang nan mambenarkan diri kau, tatapi Allah tau isi hati kau nan sabenarnyo karano nan di agung-agungkan di antaro kau manusio adolah suatu nan manjijikkan di hadapan Allah. ¹⁶ Hukkum Taurat dan kitab paro nabi di ajarkan sampe maso Yohanes; sajak maso Yohanes, Kabar Baik tantang Karajaan Allah ala diagikan dan sadonyo urang mamakso untuk masuk ka dalomnyo. ¹⁷ Namun sasungguhnyo, labih mudah bagi di langit dan bumi untuk lenyap dari pado satu titik dalom hukkum Taurat di batalkan. TANTANG PERCERAIAN ¹⁸ "Satiok urang nan mancerai kan istrinyo dan manikkahi parampuan lain, innyo babuek zina. Dan, urang nan manikkahi parampuan nan diceraikan suaminyo, juo babuek zina." URANG KAYO DAN LAZARUS ¹⁹ "Ado saurang kayo nan salalu bapakkean ungu dan kain linen, dan basenang-senang satiok hari dalom kamewahan. ²⁰ Di pintu gerbang rumah urang kayo itu, babaringlah saurang miskin banamo Lazarus, nan tubuhnyo panuh jongon borok. ²¹ Innyo baharap diagi makkanan apo pun nan jatuh dari meja urang kayo itu; bahkan anjing-anjing datang manjilek i boroknyo. ²² Suatu katik, urang miskin itu mati dan di bawo oleh paro malaikat ka pangkuan Abraham. Urang kayo itu juo maninggal lalu di kuburkan. ²³ Di alam maut,saat di sikka, urang kayo itu mamandang ka ate dan maliek Abraham dari kajahuan basamo Lazarus di pangkuannyo. ²⁴ Dan, urang kayo itu baseru, 'Ayah Abraham kasihanilah ambo suruhlah Lazarus mancelupkan ujung jari ka air dan manyejukkan lidah ambo sabab ambo mandarito dalom nyalo api.' ²⁵ Akkan tatapi,Abraham mangecek, 'Nak ingeklah katiko kau masih hidup, kau ala manarimo hal-hal nan baik, samantaro Lazarus manarimo hal-hal buruk; kini, di sikko Lazarus dihibur, samantaro kau di sikka. ²⁶ Salain itu sadonyo, ado jurang gadang nan mamisahkan kito sahinggo urang nan ingin manyubarang dari sikko ka tampek kau indak bisa manyubaran, dan nan dari tampe kau juo indak bisa manyubarang ka tampek kami.' ²⁷ Lalu, urang kayo itu mangecek, 'Kalau baitu, ambo mohon kapado kau Ayah utuslah Lazarus ka rumah ayah ambo, ²⁸ Karano ambo mampunyoi limo saudaro lakki-lakki. Bialah Lazarus mamparingekkan sidak supayo bekko sidak indak ka tampek panyiksaan ikko." ²⁹ Namun, Abraham mangecek, 'Sidak mampunyoi Hukkum Musa dan kitab paro nabi, bialah sidak tau dari sadonyo itu.' ³⁰ Kato urang kayo itu lai, 'Indak, Ayah Abraham. Jiko sasaurang dari antaro urang matu datang kapado sidak barulah sidak akkan batobat.' ³¹ Jawab Abraham kapado urang kayo itu, 'Jiko saudaro-saudaro kau indak mandangakan Hukkum Musa dan kitab paro nabi, sidak indak akkan bisa di yakinkan, bahkan oleh sasaurang nan bangkit dari antaro urang mati.'''