Paulus Balayar ka Kota Roma ¹ Satala di putuskan bahwo kami akan balayar ka itali, sidak manyarahkan paulus dan babarapo tahanan lain kapado saurang perwira pasukan Agustan,na banamo Yulius. ² Kami naik kasabuah kapal dari Adramitium na nandak lakke balayar ka babage pelabuhan disapanjang pantai Asia. Kami balayar dikawani samo Aristarkhus,urang Makedonia dari Tesalonika. ³ Pado hari barikutnyo, kami tibo di Sidon,Yulius mamparlakukan Paulus jongon panuh parhatian dan mambisakan Paulus mangunjungi kawan-kawannyo untuk mangurus kaparluan Paulus. ⁴ Dari sinun,kami barangkek dan balayar manyusuri Siprus karano angin batiup balawan arah. ⁵ Satalah kami ala balayar malewati pantai disapanjang pantai Kilikia jongon Pamfilia,kami tibo di Mira di Likia. ⁶ Di sinun,parwiro tu manamukan sabuah kapal dari Aleksandria na sadang balayar ka Itali,mako inyo mamindahkan kami ka kapal tu. ⁷ Kami balayar jongon lambek salamo babarapo hari,dan jongon susah payah kami tibo di Knidus.Karano angin indak mamungkinkan kami untuk pai labih jauh,kami balayar manyusuri pantai Kreta ka arah tanjung Salmone. ⁸ Kami balayar malewati tanjung tu jongon susah payah dan sampe di sabuah tampek banamo palabuhan Indah,na barado di dakke kota Lasea. ⁹ Karano kami manyadari ala kahilangan banyak waktu,dan saat kini,pajalanan laut tu babahayo karano maso kuaso urang Yahudi ala lewat, Paulus manesehati sidak, ¹⁰ jongon mangeccek kapado sidak,"Saudaro-saudaro,ambo maliek bahwo palayaran ko akan disertai jongon karusakan dan karugian gadang,indak hanyo muatan dan kapalnyo,tatapi juo nyawo kito." ¹¹ Namun,parwiro tu labih piccayo kapado Nahkoda jongon nampunyo kapal daripado pangeccean Paulus. ¹² Karano indak elok tingga di palabuhan tu salamo musim dingin,sabagian gadang urang satuju untuk pai balayar dari sinun dan kok sidak dapek mancapai Feniks,sabuah pelabuhan di Kreta,na manghadok ka arah barat dayo jongon barat laut,dan tingga di sinun salamo musim dingin.Angin na kuek bana Manerpa Kapal Paulus ¹³ Katiko Angin sepoi-sepoi batiup dari selatan,sidak bapikki bahwo sidak ala mancape tujuan sidak.Karano tu,siak manarik jangkar jongon balayar di sapanjang pantai Kreta. ¹⁴ Akan tatapi,indak lamo kamudian,angin sakiro topan,na disabut Euroklidon,batiup dari pulau tu. ¹⁵ Katiko kaapal kami dilando samo angin tu jongon indak sanggup lai manghadapi haluannyo,kami manyerah jongon mampadiakan kapal kami tarombang ambing. ¹⁶ Samantaro kami bagarak manyusuri pulau ketek na banamo Kauda,jongon susah payah kami barhasil mangendalikan sekoci kapal kami. ¹⁷ Satalah awak kapal mangerek sekoci ka ate kapal,sidak manggunokan tali-tali panolong untuk mampakuek kapal tu. Karano sidak takkut tadampar di Sirtis, sidak manurunkan alat-alat kapal sahinggo mampadiakan kapal sidak tarombang ambing. ¹⁸ Pado hari barikutnyo,Karano kami diombang ambingkan jongon tarjangan bade na baitu hebat,urang-urang mulei mancampakkan muatan kapal. ¹⁹ Jongon,pado hari na katigo,sidak mancapakkan alat-alat kapal jongon tangan sidak sandiri. ²⁰ Karano elok matohari mauun bintang-bintang indak muncul salamo babarapo hari jongon bade mna indak ketek manerjang kami,lenyaplah sadonyo harapan kami untuk doisalamatkan. ²¹ Karano banyak urang ala pai sakian lamo tanpo makkanan,Paulus tagak ditanga-tanga sidak jongon mangeccek,"Saudaro-saudaro,saharusnyo kau manuruti nasihat ambo jongon indak balayar dari Kreta sahinggo mangalami karusakan serta karugian sakiro ikko. ²² Namun kini,ambo mandorong kau untuk tetap tabah karano diantaro kau indak ado na akan kahilangan nyawonyo,kacuali hanyo kahilangan kapal. ²³ Sabab,tadi malam,ado malaikat Allah,na mampunyoi ambo dan na ambo sembah,tagak dimukko kau, ²⁴ Jangan takkut,Paulus.Kau harus tagak dimukko Kaisar.Dan,liek,allah talah bamurah hati kapado kau jongon sadonyo urang na balayar basamo kau. ²⁵ Karano itu,Saudaro-saudaro tabahkan hati kau karano ambo piccayo di didalam Allah bahwo sadonyo akan tajadi sakiro na ala dibaritahukan kapado ambo. ²⁶ Namun,kito harus taadampar di sabuah pulau." ²⁷ Akan tatapi,pado malam ka ampek bale,samantaro kami masih tarombang ambing disapanjang laut Adria,kiro-kiro tangah malam,paro awak kapal mandugo bahwo sidak sadang mandakkeki daratan. ²⁸ Sidak mangulurkan batu duga jongon manamukan bahwa kadalam a'i nyo duo puluh depa.Katiko,sidak maju saketek lai,sidak kambali malantingkan batu duga dan mangatahui kadalaman a'i nyo limo bale depa. ²⁹ karano kami takkut akan kandas di batu karang,sidak manurunkan ampek jangkar dari buritan dan badoa agar hari lakke siang. ³⁰ Akan tatapi,samantaro babarapo awak kapal barusaho untuk malarikan diri dari kapal dan talah manurunkan sekoci ka laut jongon bapuro-puro manurunkan jangkar-jangkar dari haluan, ³¹ Paul mangeccek kapado perwira tu dan para prajuritnyo,"Jiko urang-urang tu indak tingga di dalam kapal, kau indak dapek disalamatkan." ³² Satalah tu,paro prajurit mangkudung tali sekoci jongon mampadiakan nyo hanyut. ³³ Katiko fajar hampir tibo,Paulus maminta sidkak sadonyo untuk mangambik babarapo makkanan,jongon sidak,"Hari ko iyolah hari ka ampek baleh kau tarus manarus barado dalom kategangan jongon manahan lapa karano indak makkan apopun. ³⁴ Karano itu,Ambo mamintak kau untuk mangambik babarapo makkanan demi kasalamatan kau.Sabab indak ado sahalai rambut pun na akan hilang dari antaro kau." ³⁵ Satalah mangotakan hal itu,Paulus mangambik roti jongon manguccap syukur kapado Allah di mukko sidak sadonyo,mmamacca maccakan roti tu,dan mulei makkan. ³⁶ Mako, sidak sadonyo ditaguhkan hatinyo jongon sidak sandiri juo makkan. ³⁷ Jumlah kami sadonyo na ado dalam kapal ado 276 urang. ³⁸ Satala makkan sampe kanyang, sidak maringankan kapal jongon mancampakkan gandum ka laut. Kapal Hancur jongon sadonyo panumpang selamat ³⁹ Katiko hari mule siang, sidak indak mangatahui adonyo daratan, tatapi sidak mamparhatikan sabuah teluk na ba pantai, tampek sidak mamutuskan untuk malabuhkan kapal di sinun kok mamungkinkan. ⁴⁰ Mako, satalah malantingkan jangkar-jangkar, sidak maninggalkannyo didalam laut, jongon diwaktu na samo, malapekan tali-tali kemudi jongon manaikkan layar dibagian mukko kapal agar angin mambaok sidak sampe ka pantai. ⁴¹ Akan tatapi,kapal mambentur karang ditampek batamunyo duo laut sahinggo kapal kandas. Haluan kapal tasangkuk jongon indak bisa bagarak, samantaro buritan kapal hancur karano hantaman galombang. ⁴² Paro prajurit mampunyoi rancano untuk mambunuh paro tahanan supayo indak ado saurang pun na baranang jongon malarikan diri. ⁴³ Namun, perwiro tu, baharok dapek manyalamatkan Paulus, mancegah rancano sidak. Inyo mamarintokan padia urang-urang na bisa baranang untuk malompek labi dulu dari kapal dan manuju ka daratan. ⁴⁴ Dan, sisonyo ado na di ate papan, ado pulo na manggunokan benda-benda lainnyo dari kapal. Jongon damikian, sadonyo urang sampe ka daratan jongon salamat.