¹ Limo hari kamudian, Imam Gadang Ananias turun basamo jongon babarapo tuo-tuo dan saurang pangacaro banamo Tertulus. Sidak mangajukan tuntutan tahadok Paulus kapado gubernur. ² Tertulus mule manudunyo jongon bacakkap, "Sabab, malalui Tuan, kami accok marasokan kadamaian jongon parubahan-parubahan tajadi bagi bangsa ko karano kabijakan Tuan, ³ kami manyambutnyo jongon sagalo caro dan di sadonyo tampek jongon panuh raso syukur, Na Mulio Feliks. ⁴ Akan tatapi, supayo indak manghabikan waktu kau lai, ambo mamohon kamurahan hatikau untuk mandangakan kami sabanta sajo. ⁵ Sabab, kami tala manamukan bahwo urang ko iyolah saurang parusak, na manimbuan karusakan di antaro urang-urang Yahudi di saluruh dunio. Dan, inyo iyolah pamimpin sekte Nasrani. ⁶ Inyo bahkan barusaho manajiskan Bait Allah sahinggo kami manangkoknyo . Kami nandak mangadilinyo sasue jongon hukkum kami . ⁷ Namun, Lisias, kepala pasukan tu, datang lalu marebutnyo dari tangan kami jongon kakarasan , ⁸ sambi mamarintohkan urang-urang na manuduhnyo na nandak datang manuduhnyo untu datang manghadok kau. Jongon mamariksonyo surang, kau akan dapek mangatahui darinyo tantang sagala na kami tuduhkan kapadonyo. " ⁹ Urang-urang Yahudi juo basakongkol di dalam tuduhan tu sambi mantegaskan bahwo sadonyo hal tu memang benar. PAMBELAAN PAULUS DI MUKKO FELIKS V 10 Katiko gubernur mangagi isyarek kadi Paulus untuk mangeccek , Paulus manjawab, "Satala ambo mangatahui salamo batahun-tahun bahwo kau tala manjadi hakim ate bangsa ko, ambo jogon sanang hati mambela diri. ¹¹ Kau dapek mangatahui bahwo indak labi dari duo bale hari yang lalu ambo naik ka Yerusalem untuk baribadah. ¹² Sidak indak pana manamukan ambo sadang adu mulut jongon siapo pun ato manghasut karumunan urang, elok di Bait Allah, sinagoge-sinagoge, maupun di dalam kota. ¹³ Sidak juo indak bisa mambuktikan kapadokau apo na sidak tuduhkan kapado ambo kini. ¹⁴ Namun, ambo mangakku kapadokau, bahwo Jalan tu, na sidak sabut saincek sekte, ambo baribadak kapado Allah nenek moyang kito, jongon piccayo pado sagalo sasuatu na sasue jongon Hukkum na tutulis di dalam kitab paro nabi, ¹⁵ sambi malatakkan pangharapan di dalam Allah, na juo sidak nantikan, bahwo akan ado kabangkitan, elok bagi urang na benar maupun indak benar. ¹⁶ Dalam hal ko, ambo barusaho untuk mamaliharo hati nurani na murni, elok dimukko Allah maupun manusio. ¹⁷ Kini, satala babarapo tahun, ambo datang untuk mambaok sadakkah bagi bangsa ambo jongon untuk mangagikan pasembahan-pasembahan. ¹⁸ Samantaro ambo sadang malakukannyo, sidak manamukan ambo, satala ambo disucikan di Bait Allah, tanpa karumunan urang ato karusuhan. Namun, di sinun babarapo urang Yahudi dari Asia. ¹⁹ Saharusnyo, sidaklah na ado dimukko kau dan mangajukan tuduhan, jiko memang sidak mampunyoi sasuatu untuk malawan ambo. ²⁰ Ato, padialah urang-urang tu surang na magagitau palanggaran apo na sidak jumpoi katiko ambo tagak dimukko Sanhedrin, ²¹ kacuali saincek partanyoan na ambo pakkikkan katiko ambo tagak di antaro sidak, 'Karano kabangkitan urang mati, ambo dihakimi di mukko kau hari ko." ²² Akan tatapi Feliks, na mampunyoi pangatahuan labi tapek tantang Jalan tu, mambatalkan kasus tu jongon bacakkap, "Katiko Lisias, kapalo pasukan tu, turun, amno akan mamutuskan kasuskau." ²³ Kamudian, Feliks mamarintokan perwiro tu agar Paulus tatok ditahan, tatapi jongon karinganan dan indak mancegah kawan-kawannyo untuk malayani inyo. PAULUS MANGECCEK TANTANG IMANNYO DALAM KRISTUS ²⁴ Satala babarapo hari, Feliks datang basamo bininyo, Drusila, na iyolah urang Yahudi dan manyaluruh Paulus datang dan mandangakan Paulus mangeccek tantang imannyo di dalam Yesus Kristus. ²⁵ Lalu, samantaro Paulus sadang batukka pikkiran tantang kabenaran, pengendalian diri, dan panghakiman na nandak datang, Feliks manjadi takkut dan bacakkap, "Pailah kini. Katiko ambo mandapek kasempatan ambo akan mangimbokau." ²⁶ Pado waktu na samo, Feliks baharok bahwo Paulus akan mangaginyo kepeng. Karano itu, Feliks accok manyuruh Paulus datang jongon mangeccek jongonnyo. ²⁷ Akan tatapi, satala duo tahun balalu, Perkius Festus manggantikan Feliks. Dan, karano nandak manyanangkan urang-urang Yahudi, Feliks mampadiakan Paulus di dalam panjaro.