¹ Paulus manatap Sanhedrin jongon mangeccek,"Saudaro-saudaro ambo,ambo ala manjalani hidup ambo jongon saganap hati nurani na elok di mukko Allah sampe hari ikko,' ² Lalu,Imam gadang Ananias mamarintokan dii dakke Paulus untuk manampa mulut Paulus. ³ Kamudian,Paulus mangeccek kapadonyo,"Allah akan manmapa kau,hai kau tembok na di cet putih!Apokah kau duduk untuk manghakimi ambo manurut Hukum Taurat,tatapi malanggar hukum tu jongon manyuruh agar ambo ditampa?" ⁴ Urang-urang na badiri di dakke nyo mangeccek,'Apokah kau manghina Imam Gadang Allah?" ⁵ Kamudian,Paulus mangeccek,"Ambo indak tau,Saudaro-saudaro,bahwa inyo adolah Imam Gadang.Sabab,tatulis,'Janganlah kau mangeccek jahek tantang saurang pamimpin bangsa kau.' ⁶ Akan tatapi,katiko Paulus mangatahui bahwa sabagian adolah urang-urang Saduki jongon na lainnyo adolah urang-urang Farisi,Paulus baseru di dalam Sanhedrin,"Saudaro-saudaro,ambo adolah urang Farisi,anak urang Farisi.Ambo sadang diadili oleh karano pangharapan jongon kabangkitan urang mati!' ⁷ Katiko Paulus mangatokan hal ikko,timbul parsalisihan diantaro urang-urang Farisi jongon urang-urang Saduki,jongon kumpulan urang-urang tu tabagi-bago. ⁸ Sabab,urang-urang Saduki mangeccek bahwa indak ado kabangkitan,indak ado malaikat,jongon juo indak ado roh,tatapi urang-urang Farisi mangakkui itu sadonyo. ⁹ Mako,tajadilah karabutan na gadang jongon babarapo ahli Taurat dari kalompok Farisi badiri jongon kare,"Kami indak manamukan sasuatu na salah jongon urang ikko.Maccam mano kok roh ato malaikat ala mangeccek kapadonyo?" ¹⁰ Lalu,katiko parsalisihan samakkin bakembang,kapalo pasukan takkut Paulus akan dicabik-cabik oleh urang banyak tu,lalu mamarintokan prajurit-prajurit untuk turun jongon mangambik Paulus dari tanga-tanga sidak jongon paksa,serta mambaoknyo ka markas. ¹¹ Pado malam barikutnyo,Tuhan badiri disamping Paulus jongon mangeccek,"Kuekkan hati kau karano kau ala basaksi jongon sungguh-sungguh tantang Ambo di Yerusalem,jongon damikian kau juo harus basaksi di Roma.'Rancano untuk Mambunuh Paulus ¹² Katiko saang hari,urang-urang Yahudi mangadokan pasengkokolan jongon mangikkek diri sidak sandiri jongon sumpah untuk indak makan aro minum apo pun sampe sidak mambunuh Paulus. ¹³ Ado labih dari ampek puluh urang na mambuek pasengkokolan ikko. ¹⁴ Sidak datang kapado imam-imam kapalo jongon tuo-tuo,lalu mangeccek,"Kami ala mangikkek diri kami sandiri jongon sumpah untuk indak mangecap apo pun sampe kami mambunuh Paulus. ¹⁵ Kini,oleh karano tu,engkau,basamo jongon Sanhedrin,baritaukan kapalo pasukan untuk mambaoknyo turun kapado kau,saolah-olah engkau akan mamutuskan perkaranyo jongon labih taliti lai jongon kami siap untuk mambunuhnyo sabalum inyo mandakke ka tampek ikko." ¹⁶ Akan tatapi,anak lakki-lakki dari saudaro padusi Paulus mandanga tantang panyergapan tu,lalu inyo pai jongon masuk ka markas,serta mangagi tau Paulus. ¹⁷ Paulus mangimbo salah satu perwira jongon mangeccek,"Baoklah anak muda ikko kapado kapalo pasukan karano inyo mampunyoi sasuatu untuk dilaporkan kapadonyo." ¹⁸ Maka,perwira itu mambaoknyo kapado kapalo pasukan jongon mangeccek,"Paulus,tahanan tu,mangimbo ambo jongon maminta ambo untuk mambaok anak mudo ikko kapado kau karano inyo mampunyoi sasuatu untuk dikatokan kapado kau." Kapalo pasukan mamacci tangan anak mudo tu,manariknyo ka samping,jongon mulei mananyo ianak muda tu sacaro pribadi,"Apo na ambo kau laporkan kapado ambo?" ²⁰ Lalu,inyo manjawab,"Urang-urang Yahudi ala sapakat maminta kau untuk mambaok Paulus turun ka Sanhedrin barisuk,saolah-olah sidak akan mananyokan sasuatu na labih taliti tantang inyo. ²¹ Jadi,jangan dangakan sidak karano ado labih dari ampek puluh urang dari sidak sadang manghadang Paulus,na basumpah untuk indak makkan ato minum sampe sidak mambunuh Paulus.jongon kini,sidak ala siap jongon adang manunggu parsatujuan kau." ²² Maka,kapalo pasukan manyuruh anak mudo tu pai,sambi bapesan kapadonyo,"Jangan agi tau siapo pun kok kau ala mangagi tau tantang hal-hal ikko."Paulus Dikirim ka Kota Kaisarea ²³ Kamudian,kapalo pasukan tu mangimbo duo urang perwira jongon mangeccek,"Siapkanlah duo ratus tentara,jongon tujuh puluh panunggang kuda samo duo ratus prajurit basanjato,untuk barangkek ka Kaisarea,pado jam katigo malam ikko. ²⁴ Sediakan juo hewan untuk manunggangkan Paulus samo baok inyo jongon aman kapado Feliks,gubernur tu." ²⁵ Lalu,inyo ,manulis sabuah surek,na sakiro ikko: ²⁶ Dari Klaudius Lisias.Kapado Gubernur Feliks na mulio.Salam, ²⁷ Urang ikko ditangkok oleh urang-urang Yahudi jongon hampir dibunuh oleh sidak katiko ambo datang basamo jongon prajurit-prajurit samo manyalamatkannyo,satalah mangatahui bahwa inyo adolah saurang warga negara Roma. ²⁸ Karano ambo nandak mangatahui apo alasan sidak manuduhnyo,ambomambaoknyo turun kapado Sanhedrin sidak. ²⁹ Ambo manamukan bahwa inyo dituduh ate parsoalan-parsoalan tantang Hukum Taurat sidak,tatapi indak ado alasan apo pun pantas untuk hukuman mati ato pinjaro. ³⁰ Katiko dibaritahukan kapado ambo bahwa akan ado sabuah pasengkokolan untuk malawan urang ikko,ambo palakke mambaritokan paro panuduhnyo untuk manyatokan tuntutan sidak tahadoknyo di mukko kau. ³¹ Maka,para prajurit,sasuei jongon parintah untuk sidak,mangambik Paulus jongon mambaoknyo pado waktu malam kaAntipatris. ³² Pado hari barikutnyo,sidak mampadiakan paro panunggang kuda tu pai basamonyo,lalu sidak kambali ka maras. ³³ Katiko sidak ala sampe di Kaisarea jongon manyampekan surek tu kapado gubernur,sidak juo manghadokkan paulus kapadonyo. ³⁴ Satalah gubernur mambacco surek tu ,inyo mananyokandari wilayah mano Paulus barasal.Jongon,katiko inyo mangatahui bahwa Paulus barasal dari Kilikia, ³⁵ inyo mangeccek,"Ambo akan mandangakan kau satalah paro panuduh kau juo datang."Kamudian,inyo mamarintokan agar mangawal Paulus di dalam markas gadang Herodes.