¹ Demi kadatangannyo samo karajaannyo, jongon sungguh-sungguh ambo bapasan kapado kau di hadapan Allah jongon Yesus Kristus na nandak manghakimi urang na hidup samo na mati: ² baritokanlah firman, siap sadiolah na elok samo na indak elok waktunyo; sapolah, nasehatilah, doronglah sidak jongon panuh kasabaran samo pangajaran. ³ sabab, akan tibo saatnyo katiko urang-urang indak mau lai manarimo ajaran sehat. Sabaliknyo untuk mamuaskan talingo, sidak mangumpukan guru-guru sidak sandiri na sesuai jongon kainginan sidak. ⁴ sidak mamalingkan pandangaran sidak dari kabanaran jongon babalik kapado dongeng-dongeng. ⁵ Sadangkan kau, waspadolah dalam sagalo hal,batahanlah dalam kasukaran, karajokan tugas pambarito injil, jongon salesaikan pelayanan kau ⁶ sabab, ambo ala di curahkan kiro cawan pasembahan bilo kapargian ambo ala tibo. ⁷ Ambo ala batarung dalam patarungan na elok; ambo ala mangakhiri partandingan; ambo ala mamelihara iman. ⁸ Kini ko mahkota kabenaran ala di sadiakan kapado ambo. Pado hari tu, Tuhan, Hakim na adil, nandak manghadiokannyo kapado ambo, indak kapado ambo sajo, malainkan kasadonyo urang na marindukan kadatangan-Nyo. ⁹ Lakkelah datang kapado ambo ¹⁰ Karano Demas maninggakan ambo, sebab inyo mancintoi dunia ko samo pai ka Tesalonika. Krekes ala pai ka Galatia samo Titus ka Dalmatia. ¹¹ Hanyo Lukas basamo ambo. Japutlah Markus baoklah inyo karano inyo baguno bana bagi ambo untuk pelayanan. ¹² Ambo ala mangutus Tikhikus ka Efesus. ¹³ kok kau datang, baoklah jubah na ambo tinggakan kapado Karpus di Troas samo bukku-bukku, tarutamo ka perkamentu. ¹⁴ Aleksander, si tukkang basi tu, ala marugikan ambo bana. Tuhan akan mambalas sasue jongon parbuatannyo. ¹⁵ Bahati-hatilah kau kapado inyo karano inyo sangat manentang ajaran kito. ¹⁶ Pambelaan ambo na pertamo, indak ado saurang pun na mandukung ambo karano sadonyo ala maninggakan ambo. Samoga sajo hal ko indak dibalaskan kasidak. ¹⁷ Tuhan tagak disamping ambo jongon manguekkan ambo sahinggo kabartu dapek di baritokan sapanuhnyo malalui ambo, jongon sadonyo na bukkan urang Yahudi na mandangakannyo. jongon baitu, ambo dilapekan dari mulut singa. ¹⁸ Tuhan akan manyalamatkan ambo dari satiok parbuatan jahek na mambaok ambo ka karajaan surgawi-Nyo jongon salamat. Ka Inyolah kamuliaan sampe salamo-lamonyo. Amin. ¹⁹ Sampekan salam ambo kapado Priskila samo Akwila, jongon kapado saisi rumah Onesiforus. ²⁰ Erastus tetap tingga di Korintus, jongon Trofimus ambo tinggakan dalam kaadaan sakki di Miletus. ²¹ Barusaholah sabalum musim dingin datang ka sikko. Ebulus, Pudes, Linus, Klaudia, jongon sadonyo dusanak na saiman manitip salam kadikau. ²² Tuhan manyertai kau. Anugrah manyertai kau.