¹ Parhatikonlah bahwo pado hari-hari tarahir, maso-maso kasukkaran akkan datang. ² Sabab urang akan manjadi pacinto diri sandiri, pacinto kepeng, pambual, sombong, panghujat, indak taat kapado urang tuo, indak tau batarimo kasih indak suci. ³ Indak tau mangasihi, indak sukko badamai, sukko bafitnah, indak bisa mangandalikan diri, kejam, indak manyukkoi apo nan baik, ⁴ Panghianat, ceroboh, angkuh, labi mancintai hawa nafsu dari pado mancintai Allah. ⁵ Taliek saleh tatapi manyangkali kuaso-nyo. jauhuilah urang-urang maccam ikko. ⁶ Sebab, diantaro sida ado urang-urang nan manyusup kadalam jemaat dan manawan padusi-padusi lemah nan dibabani jongon banyak doso dan manarik sida ' jongon babagai hawa nafsu. ⁷ Padusi-padusi maccam itu selalu balajar, tatapi indak pana bisa sampe kapado pengenalan akkan kebenaran. ⁸ Samo maccam Yanes dan Yambres nan malawan Muasa, demikian juo urang-urang ikko nan malawan kebenaran. pikkiran sida' ala rusak dan iman sida indak tahan uji. ⁹ Akkan tatapi, sida indak bisa labih jauh lai karano kabodohan sida akkang nyato bagi satiap urang, samo seperti kaduo urang itu. ¹⁰ Namun, kau ala mangikkuti ajaran ambo, caro hidup ambo, tujuan hidup ambo, iman ambo, kasabaran ambo, kasih ambo, dan ketekunan ambo. ¹¹ Seperti panganiayaan dan kasusahan nan ambo alami di Antiokhia, Ikonium, dan Listra. ambo batahan dalom panganiayaan, dan Tuhan manyalamatkan ambo dari sadonyo itu. ¹² Sasungguh-nyo, sadonyo urang nan ingin hidup saleh dalom Yesus Kristus akkan dianiaya. ¹³ Sadangkan urang-urang jahe' nan parah panipu akkan manjadi labi buruk lagi, sida' manyasekan dan disasekan. ¹⁴ Sadangkan untuk kau, lanjutkanlah jongon apo nan ala kau palajari dan alah kau yakini karano kau tau' dari siapo kau mampalajari-nyo. ¹⁵ Sebagai mano sajak ketek kau ala manando Kitab Suci nan sanggup mambarikan hikmat kapado kasalamatan malalui iman dalom Yesus Kristus. ¹⁶ Sadonyo Kitab Suci dinapasi oleh Allah dan bamanfaat untuk mangajar, untuk manyotakan kasalahan, untuk mamparancak kalakkuan, dan untuk mandidik dalom kabanaran. ¹⁷ Jongon damikion, manusio milik Allah akkan labih elok dan diperlengkapi untuk satiop parbuatan elok.