¹ Neng iti, senganak-senganak, sembayang na kume ami, apana isiu Tuhan un ka pesuk ngan tiga, kua kebaan ya' lepek nuyan nengaang ikam, ² ngan apan nem takau umet katu' ya' pijat-pijat ngan kelunan-kelunan ja'at, ngan mpeia mung kelunan ya' ka un pengelan un. ³ Aken Tuhan un ta ketudep, ya' ka payeng pinawai nem ngan petubo ikam umet ya' ja'at. ⁴ Ngan ami mengelan dalem Tuhan, neng ineu ya' ami bara' pala' ikam, ikam kebaya'a ngan ikam ka uyaia. ⁵ Tebelom lu Tuhan tetap menageng penawai pala' pengelesau Allah ngan peniga Kristus. ⁶ Aken ami bara' kume ikam, senganak-senganak, dalem ngaran Tuhan Yesus Kristus, apan nem menfesu' ikam umet singket senganak ya' nee un ka uyai gayenga ngan ya' nee un baya' katuk ya' lepek ikam ala' umet ami. ⁷ Ufan ikam tengen tisen, mekempei nem ka baya' sunto me', ufan me' nee un kelo pegayeng nengaang ikam, ⁸ ngan nee uman untat kelunan ngan tua' lu', aken ami nengayet ngan tengayet me' singket dau singket alem, apan iri uyai lempin kume ya' mpei pa nengaang ikam. ⁹ Mpei ufan me' nee un ngebawa' neng iti, aken neng ufan me' ufa' jadikan use me' se sunto pala' ikam apan nem bara'a. ¹⁰ Nga ta daleu me' un nengaang ikam, ami nai isiu ini pala' ikam; buke se kelunan nee ufa' pegayeng, iri nia uman. ¹¹ Ami bara' a mengini neng ufan na ami sekening, neng ufan naun kelunan ya' nee un teneng urip ra ngan nee pegayeng, aken tira keluku ngan puyan-puyan ya' nee un banga. ¹² Kelunan-kelunan ira iti ami pisiu ngan pekatukra dalem Tuhan Yesus Kristus, apan ra un temek ka tei gayeng ra ngan ngiri pa uman pengumanra tengen. ¹³ Ngan ikam, senganak-senganak, iri na nelat-nelat ka uyai ineu ya' tiga. ¹⁴ Buke un kelunan ya' nee un ufa' sekening ineu ya' ami tai dalem surat ini, ngedana' nia ngan iri tai petuyangan ire, apan ra ketai se'e, ¹⁵ aken iri na ye se ayau nem, aken pisiu nia kebaan se senganak nem. ¹⁶ Ngan Ye, Tuhan damai peniga, apana mencai kebangen ngan peniga a lemuto-oto , dalem ketu' pemuyan, pala' ikam. Tuhan sedingan ikam mung. ¹⁷ Kenu' umet aki', Paulus, kenu' ini aki' nyurat ngan usu' e' ni tengen. Ini ta kedana' dalem singket surat: mengini ta surat e'. ¹⁸ Pengelesau ngan pengena Yesus Kristus, Tuhan lu, ngan ikam!