¹ Neng ka nai Tuhan lu Yesus Kristus un kelepeng lu ngan Ye ami nyat pala' ikam, senganak-senganak, ² apan nem iri palet bingung ngan moo tawai, tiga so'on sedep roh, tiga pa so'on isiu ngan surat ire na nai umet ami, na'a dau Tuhan lepek pafi'. ³ Iri nem tai use nem na siu' lingeu ko on kelunan ja'at iti ya' kasalai, ⁴ ya' iti ipa ya' mengempau usea neng usun ketu' ya' ire bara' ngan ya' ire tunuk seleket Allah. Bahkan ya' uku' ko lamin Allah ngan ufa' bara' usera kebaan Allah. ⁵ Mpei nem ngetawai, ufan puyan iti lepek tipan nee bara'a pala' ikam, daleu e' sa un ngan ikam? ⁶ Ngan na' kini ikam tisen ineu ya' mapo ye pe a ya' loo lu' bara' usea neng daleu ya' lepek ire tai kume ye. ⁷ Neng puyan ya' su uk keja'at iti lepek menaring pegayeng, aken nakini sa un ya' mapoa. Buke ya' mapoa iti lepek ire mebingna, ⁸ daleu iti ta keja'at iti lo o lu bara' usea, aken Tuhan Yesus ka menatai ye ngan laset ba'a ngan ka pesalai ye, buke ye nai ngeluwet. ⁹ Neng kenai keja'at iti, iti ta kegayeng balei ja'at, ngan peging ketu naan-naan puyan ya' palap ileu, kedana'-kedana' ngan palep ileu neng ya' baka', ¹⁰ ngan kadu' naan aken keja'at iti neng kelunan-kelunan ya' kasalai neng ufan ra nee un ka ala' ngan leau peneneng ya' senteng menyelamatkan ire. ¹¹ Ngan iti ta tuman na Allah ka nai pelingeu usun ire, ya' ngkin ire mengelan puyan baka', ¹² apan na siu' ukum mung kelunan ya' nee un mengelan ya' teneng, ngan ya' ufa' ya' ja'at. ¹³ Aken nga me' ka lemuto menami kimet me' pala' Allah ufan nem, senganak-senganak ya' Tuhan ti lesau, ngan Allah umet taringa lepek menyile' ikam ka un selamat dalem Roh ya' ngebuwe' ikam ngan dalem peneneng ya' ikam mengelan. ¹⁴ Nem iti ta Ye lepek bai ikam so'on Injil ya' ami bara', apan nem senteng ka un peniga Yesus Kristus Tuhan lu. ¹⁵ Neng iti nekedengna tageng ngan ngkang na pala' katuk-katuk ya' ikam ala' umet ami, tiga neng selado'lu, ngan tiga pa ya' ileu nyurat. ¹⁶ Ngan Ye, Tuhan lu Yesus Kristus ngan Tuhan Allah, Amai lu ya' dalam pengelesau, pengencaia lepek lesau ileu ngan ya' lepek mencai penyalau lu ngan tebelom ya' tiga kume ileu, ¹⁷ ngaa pesalau ngan pejau tawai lu dalem gayeng ngan daau isiu lu ya' tiga.