¹ Umet Paulus, Silwanus ngan Timotius, pala' jemaat kelunan-kelunan Tesalonika ko' dalem Allah Amai lu ngan dalem Tuhan Yesus Kristus. ² Pengelesau pengena bangen peniga umet Allah, Amai lu, ngan umet Tuhan Yesus Kristus ka muyang ikam. ³ Ami un lemuto mengucap syukur pala' Allah neng ufan nem, senganak-senganak. Ngan lan sentenga mengiti, neng ufana pengelan nem bang kenaa un pit ngan pengelesau nem neng kelunan ngan ira se bang ketaa dalem tiga nengaang ikam lu', ⁴ pafi' ketaa dalem jemaat-jemaat Allah ami tengen pa bangen ngan ikam neng tiga tawai nem ngan pengelan nem dalem ketu' penujen ngan tusa ya' ikam siu': ⁵ iti se kedana' a neng tenenga penghakiman (pekara') Allah, ya' bara' ufana ikam senteng jadi anak kerajaan Allah, ikam ya' na kini kaluyen ufana pengaren iti. ⁶ Nga lan ta teneng so'on Allah ka menyua' a pengeja'at pala' ira' uyai ja'at neng ikam, ⁷ Ngan ka nai awanga pala' ikam ya' siu' ja'at, ngan pele'e pala' ami, neng daleu Tuhan Yesus met dalem surga ngebara' usea pekua' ngan malaikat-malaikat a, dalem kuasa a, ko' dalem apui ya' maang-maang, ⁸ ngan ka menyua' puyan neng ira' ya' nee ufa' ngetisen Allah ngan nee menudep Injil Yesus, Tuhan ke. ⁹ Ire ini kasiu' ukum ngan kassatai pafi' kenya'inya'inna, kasura umet peniga Tuhan ngan umet pengaren ngan pengayenga, ¹⁰ ka miran na kenai neng dau iti ka meninga a nengaang kelunan-kelunan buwe'a ngan tekejet so'on ketu' kelunan ya' mengelan, ngaa kesaksian ya' ami bara' kume ikam lepek naam menegelan. ¹¹ Neng iti pa me' lemuto sembayang le'e kume ikam, apan Allah lu na ikam senteng neng tabaia ngan pengayenga ka uyai ketei pengufa' o ngan uyai tiga ngan meniga a mung ka gayeng pengelan no', ¹² nga ngaran Yesus, Tuhan lu, ketiga ta dalem ikam ngan ikam un dalem Ye, ngebaya' pengelesau pengena Allah lu ngan Tuhan Yesus Kristus.