¹ Lipas iyah, aku mailae ompat malekat badirie ka ompat puting tanah, metuh manahan ka ompat riwut tanah supaya mayan arae am batuip ka natai, ka tasi, ataewa kapuhun kayue. ² Lalue, aku mailae malekat bukan timul mulae homan timulnya mataarie, samil naing segel mulae Hatalla am hirup. Inya basoru karas akan kaompat malekat am jadie diborie kuasae akan marusak tanah umakan tasi taie, ³ "Hinangam marusak tanah, tasi, ataewa puhun kayue sahompan kamie jadie mamorie tanae segel ka dahie hulun Hatalla dirie." ⁴ Aku manongar uras pamanya am disegel sabanya 144.000 urang. Pamanya uras baasal mulae satiap suku ana-ana Israel:* ⁵ mulae suku yehuda 12.000 mulae suku Ruben 12.000 mulae suku Gad 12.000 ⁶ mulae suku Asyer 12.000 mulae suku Naftali cell style="tcr2" align="end ">12.000 mulae suku Manasye 12.000 ⁷ mulae suku Simeon 12.000 mulae suku Lewi 12.000 mulae suku Isakhar 12.000 ⁸ mulae suku Zebulon 12.000 mulae suku Yusuf 12.000 mulae suku Benyamin 12.000 am jadie disegel. (Tasi Kalunen) ⁹ Limah iyah aku mailae, sabujurnya sabagian banya kalunen am hontae ulih dihitung banyanya, mulae uras nagara suku bangsae umakan bahasae, badirie ka paharab tahta lalue ka paharab Ana Tabiri, mahonie jubah putih lalue pating dahan palem ka jarie pamanya; ¹⁰ Lalue pamanya basorue honie basuarae karas, "Salamat akan Hatalla kamie am duru ka tinggie tahta, lalue akan Ana Tabiri." ¹¹ Lalue, malekat am batdirie sakaliling tahta iyah lalue tuhae-tuhae,* umakan kaompat imon hirup yah, pamanya tingkap kapaharap tahta iyah lalue manyomah Hatalla, ¹² lalue bapaner, "amin!* sagala pujie syukur, kan kamuliaan, kan hikmat, umakan sagala syukur, kan hormat lalue kuasae, gancang ka abas Hatalla dirie akan sapalama-lamatnya. Amin!" ¹³ Limah, 1 mulae tuhae-tuhae iyah bapaner lalue batanya kaaku, "Sapae pamanya mahonie jubah putih tie lalue mulae manih pamanya datang?" ¹⁴ Makae, aku bapaner kan inya, "Tuanku, lobihtahue." lalue, inya bapaner kaaku, "Pamanya tiam kawan-urang am jadie maluar mulae metuh kaoyoh am karas lalue masu jubah pamanya umakan mamutihnya honie darah Ana Tabiri. ¹⁵ Laie iyah, pamanya badirie kapaharap tahta Hatalla lalue manyomah Nya siang malam ka dangaue-Nya; lalue Nya am duru tinggie tahta iyah kan diam umae tongah ¹⁶ pamanya.Pamanya hontae kan kaporan atawae tuhur belaie mulae; atawae mata ariegin atawae pahangatnya hontae mulae manyakit pamanya am bukan. ¹⁷ Sabab, Ana Tabiri am tongah tahta iyah kan jadie Sakatik akan manaing pamanya kamata araie am mamorie hirup; lalue Hatalla kan mausut sagala araie matae mulae matae pamanya,"