¹ Limah urasnya itie, aku mailae malekat bukan turun mulae surga, am bagorae kuasae am bakah, lalue tanah torang laie kamuliaannya. ² Inya basorue honie suarae am karas, ujanya, "Duruh! jadie duruh babel am bakah iyah! Inya yaham jadie homan diam setan-setan umakan panjara roh isa, sarang kan satiap burung am isa lalue am pangili ³ Sabab, uras bangsa jadie mawu anggur gonang ngagab, rajae-rajae katanah tie habanung kan inya, lalue padagang-padagang katanah jadie tatau laie gonangnya am bakah." ⁴ Lalue, aku manongar bunggie bukan mulae surga bapaner, "Hei umat Hekue, maluaram mulae diyah supaya kolaie hontae umae lalam dusaenya am hontae manarimae pamalie am akan malaeyienya. ⁵ Sabab, dusae-dusaenya jadie batumpuk datang kalangit lalue Hatalla jadie manahoyue pantang-mamantangnya. ⁶ Kalakuan kota iyah samah berae inya jadie kalakuannya, balaskan akaninya dua kalie lipat laie kalakuan-kalakuannya, lalue lalam caciri am inya honie akan mancampur, campurkanja iyah duae kali lipat. ⁷ Sabanya inya jadie manamam arep mamorie panatau akan nirienya kanirie, boriekan kaoyoh lalue kahawe akannya sabanya iyah. Sabab, inya bapaner lalam hatienya, 'Aku duru berae siku urang ratu, aku hontaenya balue umakan hontae basae mailae kahawe.' ⁸ Laie iyah, lalam suti arie ja pamalie-pamalie am akan manguang inya, iyaham pampatie, kahawe, lalue kaporan. Inya kan di tutung honie apie laie Tuhan Hatalla am maadil inya yah lobih bakuasae." ⁹ Rajae-rajae tinggie tanah, am jadie habanung lalue hirup lalam kamewah barotaenya, kan manangis lalue manungkuienya metuh pamanya mailae asap apie pehun yah, ¹⁰ badirie jauh-jauh laie gola konae siksanya, lalue manangis, "Gawat! Gawatam, banuae am bakah, Babel, kota am onyae yah! Sabab, lalam sajam mae am akan maadil kolaie jadie sampaie!" ¹¹ Kawan-padagang ka tanah akan manangis lalue nunung nure akan kotae iyah laie hontae arae siku urang gin am akan mamolie dagang pamanya mulae, ¹² iyaham amas, perak, batu barogae, mutiara, kain lenan halus, kain ungu, kain sutra, kain kirmizi, bamacam tompae barang mulae kayue am harum simanya, pakakas-barang am dikaruh mula gading, mulae kayue am mahal, mulae tamagae, bosie, batue marmer, ¹³ kayue manis, rarampah harum simanya, mur, manyan, anggur, minya loma, topung halus, gandum, sapie, tabiri , kuda, umakan haseng kalunen. ¹⁴ Pamanya kan bapaner, " Buah am dikahona jiwamu jadie hilang mulae kolaie, uras am mewah umakan romis jadie hila mulae kolaie, lalue hontae kan badapat mulae.'' ¹⁵ Kawan padagang barang-barang itie, am jadie sugih laie kota iyah, kan badirie jauh-jauh laie gola maharap siksa am malaie kota iyah, samil manangis lalue mahawe. ¹⁶ Pamanya bapaner, "Gawat! Gawatam kota bakah iyah, am bapakaian lenan halus; am mahonie kain ungu lalue kain kirmizi, lalue bahiaskan amas, batue-batue parmata, umakan mutiara! ¹⁷ Sabab, lalam sajam mae, uras panatau iyah jadie hila!" Uras nahkoda, panumpang, ana buah kapal, umakan uras urang am bagawie basatiar mulae laut akan badirie jauh-jauh, ¹⁸ lalue basoru katikae pamanya mailae asap mahangus kota iyah, "Kota manihkah berae kota bakah itie?" ¹⁹ Pamanya mahamur dabu kapala pamanya laluie basorue samil manangis lalue mahawe, ujanya, "Gawat-Gawatam kota bakah iyah, am mulaenya uras bagorae kapal ka laut uras sugih laie kalowihnya! Sabab, lalam sajam mae kota iyah jadie benyem tunis!" ²⁰ Sanang karamie tingie inya, hai surga, hai urang-urang kudus, rasul-rasul,* lalue nabie-nabie!* laie Hatalla jadie mahukum kota iyah akan kolaie. ²¹ Tege, siku malekat am kuat gancang maangkat suti batue am bakahnya berae batue kisar lalue manibarnya ka tasi um akan bapaner, "Berae iyaham Babel, kotae bakah iyah, ka jatue lalue hontae kan basae diilae mulae. ²² Bungie kawan am mangatcapie, maniup suling, maniup tarompet, lalue alat musik am bukan hontae kan tadongar mulae ka lalam kolaie. Hontae arae panyotan, am ulih mangaruh uras jotannya, am kan badapat ka lalam kolaie. Bungie pangiling hontae kan tadongar mulae ka lalam kolaie. ²³ Torang palitae hontae kan bacahaya mulae lalam ka kolaie. Bungie panganten kalakie umkan panganten labinie hontae kan tadongar mulae ka lalam kolaie, laie padagang-badagang iyaham am batarung banamae ka tanah. Sabab, uras bangsa jadie sosat laie kajie lampah.* ²⁴ Lalue, ka lalam kotae iyah badapat darah nabie-nabie, urang-urang kudus, laluae darah uras urang am jadie dipatie ka tanah."